Luk 7:38 - Nobonob Baibel

³⁸ Jesus baegppa, guguitta dimugppa hibaitta gayaya dayom. Ameg leb gokkaɗa, Jesus baegppa ne amu, ikki uɗugppa oppiaya, Jesus baeg ootuqittowa, leppu muttuɗig enanag ele Jesus baeg gokkaɗ qettom.

Luk 7:38 ပူးပေါင်းရင်းမြစ်များ

Genesis 18:4

Tatam laa le nakokib awa doob, ag baelag ihona, ag ad logoppa hik aoglag.

Esra 10:1

Amu Esra nug Kayak laug odppa dup noa, gateg qaun o, gomela, iɗu wanppa ma, gayaya dayeye, nug unuqittatta, nug Kayak amegppa Israel dilag hipunin miagib mattia doyeye, Israel danab, ah, nid, nid ahin ele kuɗumnab uɗin qagmena, nug talilidna daappig amunu, ag ele huana gaappig.

Sam 38:18

Amu da eheɗ hak dahil miagib madittem. Da ool unuqagnab ele da hipunin heminu, da, “Gadonnab,” awe attem.

Sam 51:17

Amu genab na doɗ mana mettaknu oot ii daatte, amge na oot daatte am, danab nug hipunin qeum, nug ooppa guittak okkai doyaya, nukka nug onig qeeb nekkunu oot hette. O Kayak, danab hipunin heum ele nug ooppa guittak okkai doyaya, nukka onig qe nette dayeb, nug baula hemanu dabmekku dayeb amu, na danab amu ii geɗidmana. Iitta. Na hipunin amu uhuqna medakkut.

Eklisiastis 9:8

Na hanhan lamen ena takkan, goɗen ele ikkin uɗug laaitte!

Solomonnu Ahi 1:3

Leppu muttuɗig ena ele na laidttem am muttuɗig enanagnab ele. Ao, laa nug leppu muttuɗig ena ele amu gokkaɗeb, muttuɗig huana okku, am na onin am amubia. Ge, am anam, am diig amunu ah bau na waatad daatteb ele, ag nahipnu oolag mauhtte!

Aisaia 57:9

Ag danab ah eheɗ hetteb ele, ag kayak hambuppuak onig Molek, ag nuhig neekkakppa ena daaglagnu ag olip goɗen gaɗalag laaidna, leppu muttuɗig enanag ele huanaknab laaidna, ag gona, nug noobppa dup nona binag metteb. Ag kayak hambuppuak laa ele anadna, noolagppa dup nona binalag mekkulagnu ag heeg, nai awa ukkak danab ahilkad ag umanab gona mattiadppig; ag mauhak abenppa batak amu hekkulagnu heppig.

Jeremaia 31:9

Ag gaanna uɗiglag. Yo, ag unuqiɗppeppeg, da omladppi eɗun uɗiglag. Da ag le daugppa noolag awe anuqe goppi gokkunig. Yo, da ag ib laa tutukku, ib ena, baelag ii qekkulag eleppa omaladkkul. Aɗinu? Da Israel mameg daattem; Israel nug am dahil nid danab tatamnu daatte.” Yawe Nug anam awa atte.

Joel 2:12

Amu Yawe Nug atte. “Ag matu helob, amge ag gemu, yo, ag gemu haen imuppanab ag meulag ohppa, oolag ohppa, ɠagattag ohppa ele eɗun, da waalppa daaglagnu uɗieg! Ag ee ohnu kud mena, gaanna mahina, ag eɗun dahilppa uɗieg!

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Matyu 5:4

Danab aun aɗi ag oolagppa ⌊hipuninnu⌋ guittak dootteb ele amu, ag itittak ena aoppig daatteb. Aɗinu? Ag oo mak aoglag.

Luk 22:62

Nai amu daugppa do, aakku Pita dimittim ukka, oo doyak huanak ele gayom.

Luk 6:21

Ag gemu enug aqatte ele, ag itittak ena aoppig daatteb. Aɗinu? Kayak Nug heeb, ag oolag didikku. Ag gemu oolagppa uug doon gaatteb ele amu, ag itittak ena aoppig daatteb. Aɗinu? Ag oolag gamag ahakku.

Luk 7:37

Daaeheh, aab amuppanu hipunin ah laa nug “Jesus uɗia, ɗo gumak danab-Parasia laugppa ee latte,” amu doya, nug men id enanag leppu muttuɗig enanag inak ele laa awa uɗia,

Luk 7:39

Amu haen ɗo gumak danab-Parasia, Jesus onigppa e uɗiom ele, nug keeke amu antta, nug inam dabmakppa aum. “Danab umu Nug genab propetlob amu, ah umu eppeg bahia aɗatte amu, Nug nuhig kobol ele doolo. Ah umu nug hipunin ah,” awa aum.

Jon 11:2

Maria imu, nug am leppu muttuɗig enanag ele Jesus baeg gokkaɗ qettowa, ikki uɗugppa baeg oppiom ele, ah amu aakkuib, nug oɗe danab Lasarus ele, aa eappinag.

Jems 4:9

Ag eheɗ hak ahilag amu, ag amunu dabmenan, ag oolagppa guittak doon, huana gayeg! Ag danab ag imatteb ele, ag imak am uuna gayeg! Ag danab ag oolag gamag ahatte ele, ag oo gamag ahak amu uuna, ag oolagppa uug ele doyeg!