Luk 7:34 - Nobonob Baibel

³⁴ Aria Danab Bekkalag da, da uɗien, ee le ele lattem amunu, ag atteb. ‘Antteg, nug ee huanak lanana, wain ele huanak latte. Nug laikkud am takis awak danab, amu danab laa ag ig Juda, ihinig ɗo oh ii dim lamidtteb ele,’ aon atteb.

Luk 7:34 ပူးပေါင်းရင်းမြစ်များ

Matyu 11:19

Aria Danab Bekkalag da, da uɗien, ee, le ele lattem amunu, ag atteb. ‘Antteg, Nug ee huanak lanana, wain ele huanak latte. Nug laikkud am takis awak danab, amu danab laa ag ig Juda, ihinig ɗo oh ii dim lamidtteb ele,’ aon atteb. Amge doyak dabmak ena ele am keeke genab amu, ag nuhig hakppa genab anidkkulag,” awa aum.

Matyu 5:46

Amunu ag danab ahilagnu oolag mauhtte ele, ag amu dilagib oolag mauheb, ag aɗi nob ena aoglag? Takis awak danab ag ele anam iite hetteb?

Matyu 9:11

Ag ee lanana daaegeg, ɗo gumak danab-Parasia ag anadna, ag Jesusnu ippunittak awak danab oɗ madappig. “Aɗinu ahilag ippunittak danab Nug takis awak danab, danab ag ihinig ɗo oh ii dim lamidtteb ele, Nug ag ele oh daanna ee latteb?” aon appig.

Luk 11:37

Jesus Nug nai amu mattia male, ɗo gumak danab-Parasia laa nug laugppa ee lakkulahnu onigppa e, Jesus Nug ukka, lakka ta, Nug balalppa dayom.

Luk 14:1

Am Sabat laappa Jesus Nug ɗo gumak danab-Parasia dilag ikki laa laugppa ee lakkunu ukkom. Ukke amu ɗo gumak danab-Parasia amu laikkud ag nug meidna daappig.

Luk 15:2

Amunu ɗo gumak danab-Parasia amu ɗo mehuqak danab ele ag nai hena appig. “Danab amu Nug hipunin danab, amu danab laa, ag ig Juda, ihinig ɗo oh ii dim lamidtteb ele, Nug ag ele laippu dayaknu ooppa eleleib dootte, amu ag ele oh ee latteb,” aon appig.

Luk 19:7

Am Jesus Nug Sakius laugppa goya daaeheh, danab oh ag amu anidna, ag akka naittuɗ mattin Jesusnu appig. “Nug ukka, hipunin danab umu laugppa ɗo danab daakkunu teum,” aon appig.

Luk 5:29

Dim lamitta, nug Jesusnu ee naɗi laugppa he, amu takis awak danab laala kuɗum ele ag uɗieg ag ele daanna, ee lappig.

Luk 7:33

Aɗinu? Layattak Jon nug uɗia, nug ee digdig ii laum, wain ele ii laum amunu ag, ‘Nug beɗuppa ouɗi nau ele,’ aon atteb.

Luk 7:35

Amge doyak dabmak ena ele am keeke genab amu, ag nuhig hakppa genab anidkkulag,” awa aum.

Luk 7:36

Amu ɗo gumak danab-Parasia laa nug Jesus ele ee lakkulahnu Jesus onigppa e, nug laugppa ukke, aa ee lakkulahnu daapiɗ.

Jon 12:2

Ag Jesusnu lewa nakok aab amuppa heeg, Marta nug ee yeeye, Lasarus nug amu, Jesus, danab laala ele ag balalppa daanna, ee lappig.

Jon 2:2

ag Jesus Nug nuhikkud ippunittak awak danab ele, ag oh ele hobul amuppa daaglagnu onilagppa eppig.