Luk 7:2 - Nobonob Baibel

² Amu Rom danab laa, nug ban daup 100 dilag ikki amu, nuhig maɗi nid laa, nuhignu oo huan hette ele, nug oɗe ma mauhkkunu heum.

Luk 7:2 ပူးပေါင်းရင်းမြစ်များ

Genesis 24:27

“Ig Yawe onig humagnig. Nug am danab okkai dahil Abrahamnu Kayak. Nug Abrahamnu oo mauhaknab kobol, amu Nug oo metta ii uuak kobol ele nuhignu dim lamidtte. Nug da ele ehaniɗom amunu, da Abrahamnu tiig laippu laugppa tutukku uɗimi,” awa aum.

Genesis 35:8

Betel appa Rebekanu maɗi ah Deborah nug mauhe, ag ad ok laa Betel guguittak daatte ele, ag nug ad amu waappa, appa boumppig amunu, ag ad amu onig Alon Bakkut ataɗppig.

Job 31:5

Kayak Nug ib tutukkuppa da epeɗilkku dayeb amu, nug anidkku; da nuhig neekkakppa da am danab ooppa kaliak laa iitta ele daattem. Da hambuppuak kobol aɗe dim lamidlomlob, O iitta, da hambuppuak kobolppa oilomlob,

Prowerb 29:21

Danab nug maɗi nid nuhig nug nid nakokppa digma, nid atognotte amu; deɗ laa gog takppa nid nug nug bekka bekku.

Matyu 27:54

Amu ban daup 100 dilag ikki nug, amu daup laa ag nug ele daanna Jesus guman daappig, ag mim ne, keeke laala oh ele beeg anidna, baɗak eheɗ nau doon appig. “Genab, danab imu Nug Kayak Bekka!” aon appig.

Luk 23:47

Jesus mauhe, ban daup 100 dilag ikki nug amu antta, nug Kayak binag ma aum. “Genabnab danab imu Nug genab tutukku hak danab,” awa aum.

Luk 7:1

Jesus Nug danab ah keeke amu oh amelagppa awowa, aria Nug Kaperneam ukkom.

Luk 7:3

Nug anam dayom amu ban daup 100 dilag ikki nug Jesus appa uɗiom doya, nug Juda dilag ikki danab laala ag gona, Jesus oɗ medappeg uɗia, maɗi nid nuhig amu heeb ena daakkunu he goppig.

Luk 8:42

Aɗinu? Nug aɗeg laippuib, maɗ 12 ele, nug mauhkkunu heum. A amu Jesus Nug ugekke, danab ah kuɗumnab ag talilidna daaegeg goppig.

Aposel 10:1

Aria, iitta aɗi danab laa Sisaria dayom, onig Kornilius. Nug ban daup 100, onig Itali daup, nug amu dilag ikki dayom.

Aposel 10:7

Engel nug Kornilius amegppa anam awowa ugekke, aria Kornilius nug nuhikuɗ maɗi nid aɗit laa, amu daup laippu ele onilagppa e doppig. Daup amu nug Kayaknu ooppa genab doya, nug Kornilius ehanittom.

Aposel 22:26

Ban daup 100 dilag ikki amu nug nai amu doya, nug ukka ban daup ikki anuqak amegppa aum. “Na attem hettem? Danab imu nug Rom danab,” awa aum.

Aposel 23:17

Pol nug nai amu doya amu, nug ban daup 100 dilag ikki laa onigppa e do, nug aum. “Na nid bau imu omalna, ban daup ikki anuqak toppa goppe, nug nai laa ab dookkunu atte,” awa aum.

Aposel 27:1

Ag nai mattin, ig Itali wannu aab okkai Rom gokkunignu dabmak awona, ag Pol nug, amu maniguittak danab laala ele, ag ban daup 100 dilag ikki onig Julius, nug gumadkkunu nug eppegppa meppig. Nug am ban daup dilag huu laa onig Sisarnu huu, nug am amunu laa.

Aposel 27:3

Aria deɗ amu uue, wagɗe deɗ amuppa ig gota Saidon eeɗmut. Julius nug Pol nuhigppa kobol enaib ha uuitte, Pol nug laikkud gumatta oiyebeb, ee keeke mettaglagnu aum.

Aposel 27:43

Ag anam heppig, amge ban daup 100 dilag ikki nug Pol ehanidkkunu oo ha, ag anam ii hemananu ana, nug danab oh laa ilog mak doodppig ele ag tatam uubppanu oolna, yuppa ilog men gona, yu ihippa gokkulagnu aum.

Kolosi 3:22

Begbeg maɗi nid ag ahilkad wan imuppanu okkai, keeke ohnu waalagppa dayeg! Ag okkai ahilkad amelagppaib ag oolag ittag aqakkunuib aib heppig. Ag oolag aɗitppa uɗat aib heppig. Iitta! Ag Kayaknu ebehilag oh bodoetta le meeb, ag uɗat tutukkuppaib heig!