Luk 7:19 - Nobonob Baibel

¹⁹ aa goya Jesus inam oɗ mettaglahnu aum. “Danab laa uɗikkunu aeg doomut am na aakkute o iitta ig laate ameg mekkunig?” Nug anam amelahppa ana, nug he gopiɗ.

Luk 7:19 ပူးပေါင်းရင်းမြစ်များ

Genesis 22:18

amu da heppi, na buɗunppa wan ohppan danab ag itittak ena aoglag. Aɗinu? Na nai dahil dim lamidme.’ Yawe Nug anam awa atte,” awa aum.

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

Aisaia 11:1

Danab ag ad oeg qiia, dimppa ad amu ita bette, amubia Jesi buɗub ooppanu laa geha ba, nug king daakku. Ao, ad bunaɗom, diɗi ita qa ba meu otte, amubia Jesi buɗub laa dimppa ba, king dayaya, meu okku.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Hagai 2:7

Da heppi, wanppan wan oh uɗalkkulag. Ag uɗalppeg, appan danab ah ahilag en okkai aon uɗin, da laulppa meppeg, da heppi, dahil binag amahlak oppiaawak ele am lag imu ambekku.” Yawe Nukka Ɠagattag Oh Ele Nug anam awa atte.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Mak 6:7

Nug anam oiyaya amu, Nug nuhikkud ippunittak awak danab 12 onilagppa e uɗieg, Nug aɗit aɗit maatte, ag aab laalappa gokkulagnu daaegeg, Jesus Nug ag ouɗi nau lamadkkulagnu ɠagattag matta,

Luk 10:1

Amu dimppa Naɗi Nug danab 72 laa, ag aɗit aɗit anuqna, aab okkai nakok ele ohppa, Nug gokkunu dabmeum ele, amuppa goppeg, dimppa Nug nukka ele amuppa dim lamatta gokkunu otiattom.

Luk 11:1

Haen laa Jesus Nug aben laappa unuqittatta dayom. Unuqitta male, nuhig ippunittak awak danab laa amegppa aum. “Naɗi, Layattak Jon nug anukka nuhikkud ippunittak awak danab ippuanattom bia, na ig unuqidkkunignu ippunikke!” awa aum.

Luk 11:39

Anam heum amge Jesus Nug amegppa aum. “Ag ɗo gumak danab-Parasia ag kap, tappiɗ ele gaɗaib ihatteb, amge ooppa baubau awaknu hik qak, nau hak kobol ele ambak daattep.

Luk 12:42

Pita nug anam oɗ mette, Jesus Nug nob ma aum. “Maɗi nid laa, nug doyak dabmak ena ele, nug oo metta ii uuak kobol ele dim lamidtte amu, nuhig okkai nug nuhikkud maɗi nid laa gumattatta, haenppa ee madakkunu elele daatte antta, nug amu hekkunu meum amu,

Luk 13:15

Anam a amu, Naɗi Nug eɗua aum. “Ag am hambuppuak danab. Sabat deɗppa amu, ag oh doɗ laulagppa gotteb. Gona ahilkad makau, donki ele diin gona, le madatteb.

Luk 17:5

A amu totol danab 12 ag Naɗi amegppa appig. “Na heppe, ig ihinig ooppa genab doyak amu okkainab maɗ!” aon appig.

Luk 17:6

Aeg amu Naɗi Nug aum. “Ag ahilag ooppa genab doyak am mastet aeg, am aeg nagnag, am amubia dayeb amu, geha ag ad mulber imu, nuhignu, ‘Na diɗin ele oh kakeɗinna, gona yuppa be!’ akkulag amu, nug geha ahilag nai am dim lamidkku.

Luk 18:6

Aria, Naɗi Nug nai amu mattia mala, Nug nai tuɗitta aum. “Ag epeɗiak danab nau amu nuhig nai imu doyeg!

Luk 19:8

Aria Sakius aha hibaitta, Jesus amegppa aum. “Naɗi, gemu da dahil keeke oh gamagppanab oppaten, laih awe, daɗek danab madakkul. Amu da danab laa hambuppuitten, nuhig keeke yab aomi dayeb amu, da yab awak amu qaɗeppa ewam amubia laa ele nug medakkul,” awa aum.

Luk 22:61

Anam he, Naɗi Nug eɗua Pita neekkitte, nug ameg qewoya, Pita aakku Jesusnu nai, “Tuqan imuppa na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” nai amu Pita daugppa doum.

Luk 24:34

Anatteh amu, ag aa amelahppa appig. “Genabnab, Naɗi Nug eɗua hibaittom, Saimon nug anttom,” aon appig.

Luk 7:13

Haen Jesus Nug ah amu antta, nuhignu oo bodoetta le me, Nug ah amu amegppa aum. “Na aib gaame,” awa aum.

Luk 7:20

Anam amu, danab aɗit amu aa Jesus gumidya goya apiɗ. “Layattak Jon nug he, i na oɗ mettagnihnu gumidɗa uɗimuɗ. Oɗmak am inam. ‘Danab laa uɗikkunu aeg doomut am na aakkute o iitta, ig laate ameg mekkunig?’ ” aoya apiɗ.

Jon 11:2

Maria imu, nug am leppu muttuɗig enanag ele Jesus baeg gokkaɗ qettowa, ikki uɗugppa baeg oppiom ele, ah amu aakkuib, nug oɗe danab Lasarus ele, aa eappinag.

Jon 4:1

Haen amuppa ɗo gumak danab-Parasia ag, “Jesus Nug ippunittak awaknu danab aokkunu Jon eɗitta, danab ah kuɗum diia layadtte,” nai anam dooppig.

Jon 4:25

Jesus anam a amu, ah nug Jesus amegppa aum. “Da Mesaia uɗikkunu daatte doottem; Nug am Kristus. Nug uɗia, keeke oh ig danab ah ippunigkku,” awa aum.

Jon 6:23

Aria ag anam doonna daappig, amu uub laala Taiberiasnu ag uɗin, Naɗi Nug unuqittowa, bret matte lappig abenppa eeɗppig

Josua 2:1

Israel danab ah ag aben onig Sitim appa daappig. Haen ag appa daanna, Nan bekka Josua nug lokkumakppa atu italak danab aɗit maate, Kanan wan lokkumya italkkulahnu gopiɗ. Nug aa Jeriko aab okkai italya autyanab aoglahnu aum. ⌊Jeriko am aab okkai, aɗ ele.⌋ Josua maate goya, Jeriko gopiɗ. Aa tuqan appa daaya, niiglahnu amu, aa ah laa, nug am ib baag ah onig Rahap, aa nug laugppa gopiɗ.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.