Luk 7:12 - Nobonob Baibel

¹² Nug ukka, aab amunu aɗnu od okkai amu guguitta noono, ag danab mauhak laa maon doppig. Danab mauhom nug anig am ah qab, nug bekka laippu amu aakkuib. Amu danab ah kuɗumnab aab amuppanu ag ah amu, nug ele uɗippig.

Luk 7:12 ပူးပေါင်းရင်းမြစ်များ

Genesis 22:12

Abraham anam a amu, engel nug amegppa aum. “Na nid aib yaappe mauhom. Na keeke eheɗ laa ele nuhigppa aib heme. Aɗinu? Na nid nahip laippunab genab meɗame amunu, da geha iikku na da, Kayak, na dahilnu ebehin oh bodoetta le mette amu, da doottem,” awa aum.

Genesis 22:2

Abraham anam a amu, Kayak nug amegppa aum. “Na nahip nid laippunab, Aisak, na nuhignu oot mauhtte ele amu, na nug aon, wan atu onig Moria gona, appa qauko laa da na ippunidkkul, amuppa na nugppa manaknu ofa he!” awa aum.

2 Samuel 14:7

Am gemu da gamulnu aab ikki laa oh ag ahan uɗin, ag da amelppa, ‘Ig nug qepput mauhkkunu amu, na bekkat, nug layag qe mauhom ele amu, na nug ig mekke!’ aon atteb. Ag anam atteb, amge oolagppanab ag ihinig wan aoglagnu oolag hette amunu, ag da bekkal qeppeg mauhkku dayeb amu, ag wan amu aoglag. Ag da bekkal qeppeg mauhkku dayeb amu, kobol amuppa ag heppeg, da dakkanab, ehanittak laa iitta daakkul; aab ottag laippuib qaɗabppa dayebeb, laa nug ukka ottag amu aokku, da qaɗab amubia daakkul. Ag amu hekkulag dayeb amu, da gamul onig Israel ooppa ii daama. Ag amu hekkulag dayeb am, da gamul nug ii dayom bia daakku,” awa aum.

1 King 17:12

Ewa a amu, ah qab nug aum. “Yawe, nahip Kayak, Nug genab bau daatte, genab amubia, da bret iitta. Da plaua nakokib waa laappa dayeye, am olip goɗen big nakok hinaippa daatte. Geha iikku da aab hiɗig imu awe ukke, plaua amu maikkul. Geha da maippi, da bekkal ele i lawoɗa, dimppa amu ee laa iitta amunu, geha i mauhkkunih,” awa aum.

1 King 17:18

Aakku ah nug Elaiya amegppa aum. “Kayaknu danab, na aɗinu dahilppa kobol imu heme? Na uɗin heppe, Kayak Nug dahil hipunin eɗua daugppa dob heeb, nid dahil imu oɗe awa, mauhkkunu uɗimete?” awa oɗ mettom.

1 King 17:23

Nid nug eɗua, bau daye, Elaiya nug nid amu eɗua awa noa, anig medatta, nug nid anig amegppa aum. “Antte, nid nahip eɗua bau daatte!” awa aum.

1 King 17:9

“Na ahan, laih Saidon appa gona, Sarepat aabppa daye! Aab amuppa ah qab laa, da ah amu nug na eeppa ehanidkkunu tituanmi daatte,” awa aum.

2 King 4:16

Nug dayeye, Elisa nug ah amegppa aum. “Dimppa, maɗ laappa haen inamppa amu, na bekkat eppenppa aɗakkut,” awa aum. Nug anam a, ah nug nai nob ma, Elisa amegppa aum. “Iitta. Danab naɗi, na am Kayaknu danab, na aib da, nahip maɗi ah, na da buppuiɗme,” awa aum.

2 King 4:20

Maɗi nid nug nid nakok amu mawa ukka, anig mette, anig nug dogoppa me niiom. Nid nug anig dogoppa niie ukke, am ameg tutukkuppa mauhom.

Job 29:13

Laa nug mauhkkunu heehe, da ehanitti, nug da itiɗom; da hei, ah qab, nug gamag ahak okkai doya, ahi ettom.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Luk 7:11

Amu nakok dimppa Jesus Nug aab laa onig Nain ukke, nuhig ippunittak awak danab amu danab ah kuɗumnab ag Nug ele oh goppig.

Luk 7:13

Haen Jesus Nug ah amu antta, nuhignu oo bodoetta le me, Nug ah amu amegppa aum. “Na aib gaame,” awa aum.

Luk 8:42

Aɗinu? Nug aɗeg laippuib, maɗ 12 ele, nug mauhkkunu heum. A amu Jesus Nug ugekke, danab ah kuɗumnab ag talilidna daaegeg goppig.

Jon 11:19

amunu, Juda kuɗum ag Marta, Maria ele, aa Lasarus mauhomnu oolah mekkunu ehanatkkulagnu gumatna goppig.

Aposel 9:39

Aria Pita nug ahe, danab amu ele oh goppig. Haen nug ukka te, ag nug omaleg lag oo attan amuppa te amu, ah qab appanu ag oh uɗin, Pita talilidna daanna, gaanna ag lamen digdig Dorkas ii mauhom haenppa ha mattom amu ippunidppig.

Aposel 9:41

Anam dayeye, Pita eppeg aɗa, hume hibaittom. Nug eɗua ahe, Pita nug danab ah, Kayaknu oolagppa genab dooppig, ah qab ele, ag onilagppa e uɗieg, Tabita bau dayeye awa mattom.

Jems 1:27

Danab nug Kayak, ig Mamenig, Nug binag tutukku mekkunu amu, Kayak Nug kobol imunu elele anidtte. Danab amu nug nid naunau laa ag mamelkad anilkad mauhppig, o iitta danab nug mauhe, wau qab ma daatte ele amu, nug amu ehanatta, uug ahilag maokku. Keeke laa ele, nug nuhig oiyak, dayak elenu dabmak awa, nug wanppan kobol, nug oo dubuttid mettamanu, amu ele nug dabma auta aokku.