Luk 6:6 - Nobonob Baibel

⁶ Deɗ laa, Sabat deɗppa, Jesus Nug Juda dilag nai doyak lakka noa, danab ah nai ippuanattatta, danab laa eppeg naɗiap mauhak ele appa dayeye anttom.

Luk 6:6 ပူးပေါင်းရင်းမြစ်များ

1 King 13:4

King Jeroboam nug Betel appa qaɗabppa hibaitta dayeye, Kayaknu propet nai amu a doyom. Doya, Jeroboam nug anam dayaya, nug eppeg huma, nug laa daappig amu, nug ag propet eppona, nug aum. “Danab amu aɗeg!” awa aum. Nug anam aum, amge Jeroboam nug anam aawo, nug eppeg ɠagattag eppe, nug eɗua aokkunu elele iitta. Nug eppeg taietta, tutukku anam aakku dayom, ii awa oiyom.

Sekaraia 11:17

O gadonnab gadon! Danab okkai amu, nug sipsip pehettak ii gumadtte, nug genab bu okkai aokku. Qep elab nug eppeg okkuleb, nug ameg naɗiap ele yaakku. Ao, nug eppeg am aakku nauhak dayebeb, nug ameg naɗiap ele gaɗuak daakku.” Yawe Nug anam awa atte.

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Luk 13:10

Aria, Sabat deɗppa Jesus Nug ahilag nai doyak lag ooppa danab ah nai ippuanattette,

Luk 14:3

Am Jesus Nug danab amu antta, nug ɗo mehuqak danab doyak okkainab ele, amu ɗo gumak danab-Parasia ele oɗ matta aum. “Ɗoppa aɗi yaak niitte? Ig Sabat deɗppa danab oɗe ele bappaidkkunignu am elelete o iittate?” awa aum.

Luk 4:16

Anam dayeye, deɗ laa Jesus Nug Nasaret ukkom. Nug appa nid nakok dayeye, anig mameg ele aa atognoeheh, ena meum. Nug Nasaret ukka, Nug Sabat deɗppa Juda dilag nai doyak lakka, Nug haen oh hettom bia ha noum. Noa amu, Nug Kayak nai ebqekkunu hibaittette,

Luk 4:31

Amu Jesus Nug aha, Galilinu aab Kaperneam appa ukka, amuppa nug Sabat deɗppa nai ippuanattom.

Luk 6:1

Aria, Sabat deɗ laappa Jesus Nug nuhikkud ippunittak awak danab ele ag ibppa wit keekenu dad laala ooppa gonana, ippunittak awak danab nuhikkud ag wit ikkilkad laippu laippu aon, aelkad aon lakkulagnu eppelagppa oɗoɗadna lappig.

Luk 6:5

Anam awowa Jesus Nug nai tuɗitta ag amelagppa aum. “Danab Bekkalag da, da Sabat deɗnu ikki daattem,” awa aum.

Jon 5:3

Lag amuppa oɗe danab kuɗumnab, ag amelag gaɗuak, baelag laih nauhak, beɗulag laih mauhak ele daappig.

Jon 9:16

Danab nug anam a amu, ɗo gumak danab-Parasia laa ag Jesusnu appig. “Danab amuam Kayak toppanu ii uɗiom. Aɗinu? Nug ihinig Sabat deɗnu ɗo ii dim lamidtte,” aon appig, amge laa ag appig. “Attemun ha, danab hipunin ele Nug Kayak dabmettaknu kobol danab haknu elele iitta amubia anam hekku?” aon appig. Ag anam anana oppatna, ameg aɗit daappig.