Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luk 6:23 - Nobonob Baibel

23 Danab kobol nau amu hetteb ele, anukka ag mamelkad aɗi, ag Kayaknu propet dilagppa ele anam heppig amunu, ag ahilagnu ele anam heppeg amu, aria ag gamalag huana ahebeb, oolag enaib dayaɗ! Aɗinu? Nob ahilag hab aabppa am okkainab.

အခန်းကိုကြည့်ပါ။ ကော်ပီ




Luk 6:23
45 ပူးပေါင်းရင်းမြစ်များ  

Ag Yawenu Tituanak Nainu Kunup anam aon uɗinna, ag Dawitnu Aab, ag appa bena, aab ooppa nonana, Dawit nug gamag ahak okkai ele doyaya, nug oola taata, oola naana, ahi huana goɗeɗe, nug wau, Saul aɗeg Mikal, nug lag ooppa dayaya, gililppa ulah ibuppa daya, haen nug neekke ukke, King Dawit anam he antta amu, nuhignu nug ooppa ena iinab doyom.


Amu haen kuin Jesebel nug Yawenu propet danab aqeeqe, Obadaia nug propet danab amunu 100 diia, men oɗe aɗit, amuppa lokkumattom. Nug propet danab 50 laa amu men oɗe laappa lokkumattowa, 50 laa amu men oɗe laappa lokkumatte daaegeg, bret, le ele matte, lanan daappig.


Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele qep elabppa aqaeg mauhppig; da dakka iikku daattem, amu gemu ag da ele iuppeg mauhkkulnu mattiɗtteb,” awa aum.


Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele aqaeg mauhppig; da dakka iikku daattem, amu gemu ag da ele iuppeg mauhkkulnu hetteb,” awa aum.


Nug a doye amu, Jesebel nug nai inam me, Elaiya toppa ukkom. “Na gemu dahil kayaknu propet kuɗum aqee, ag mauhppig daatteb amunu, da heppi, butti haen inamppa batak amu, na ag oolagppanu laa daatte bia ii daakkut dayeb amu, kayak laala ag bu okkainab meɗaglagnu ool daatte.” Nug nai amu me ukkom.


Elaiya nug Yawe nai aum amu awa, nug Ahap gumitta ukkom. Ukka te amu, haen Ahap nug Elaiya antta, nug inam amegppa aum. “Kekeɗ dahil na, na eɗun dahilppa bemete?” awa aum. Awa a amu, Elaiya nug aum. “Ao, da na maditte uɗimi. Aɗinu? Na kobol eheɗib nahip ɠagattag ohppa hekkutnu dabmenan oittem. Yawe Nug nuhig neekkakppa kobol amunu am nauib dootte.


aa amelahppa inam appeg doyeɗ! ‘King nug inam atte. Aa danab imu aoya, maniguittakppa mewoya, bret, le ele nakokib medapeɗ dayebeb ukkeb, ban maleb, da maɗoɗ ele eɗue uɗikkul batak,’ ” awa aum.


Jehosapat nug Ahap anam oɗ mette, Israel dilag king Ahap nug aum. “Laippu laa ig hepput, nug Yawe oɗ metteb, aɗi ab doya, nug ab doognignu elele. Nug am Imla bekka Mikaia, amge da danab amunu nau ninig ele doottem. Aɗinu? Haen oh nug dimppa aɗi bekkunu nai dahilnu da amelppa maditte amu, keeke ena laa bekkunu ii maditte. Iitta. Nug nauib bekkunu atte,” awa aum. Ahap nug anam a, Jehosapat nug aum. “O king, na anam madikkutnu am ena iitta,” awa aum.


Anam amu king nug aum. “Da gemu Sapat bekka Elisa baag otaɗppi mauhkku. Da heppi, nai amu meu ii beeb amu, Kayak bu okkainab meɗakkunu ool daatte,” awa aum.


Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.


Na ahilagnu enanag anam heme, amge ag na oɗen ii dim lamidna, nahip nai tappaeg ne, ag nahip ɗo ag dimulagppa meppig. Ag nahipad propet danab, danab amu ag ag eɗun, na waatppa daaglagnu ag amelagppa madippig amu, ag ag aqaeg mauhppig. Ag dabittak nai nau ele madippig.


Amu beeb am, danab ag akkulag. “Am genab, laa ag genab tutukku hak danab ah daatteb, ag nob ena anidtteb. Ao, genab, Kayak Nug wan imuppan danab ah epeɗiadtte amu, Nug daatte,” aon akkulag.


Danab ag baelag laih nauhak ele, ag tappan gonana, oolna tena oolna nenana, ahi ele goɗappeg, danab ah ag oɗelag qamutak ag geha nai mattinna, oo gamag ahak okkai doon, ewak okkai hekkulag. Yawe heeb, wan meu waknu nakokib elele, appa le okkai huanak daakku. Ao, atu taɗak, appa lenag kuɗum daaglag.


Da ag Israel ag oolag eɗukkunu bu mattami, amge ag oolag eɗukkunu uuppig. Ag laion doɗ laa aqe mauhtteb, amubia ag qep elabppa dahil propet aqaeg mauhppig.


Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.


Danab kobol nau amu hetteb ele, anukka danab ag Kayaknu propet ele anam eheɗ hadappig amunu, ag gemu ahilagnu ele anam heppeg, aria, ag gamalag ahebeb, ag oolag enaib dayaɗ! Aɗinu? Nob ahilag hab attan am okkainab.


Anam he amu Elisabet nug Marianu nai amu doyeye, nid ooppa niiom amu nug ottaia, oola te, Kayak Ouɗi Nug Elisabet ooppa ambeum.


Doye, da daulppa nahip humittak dooiyi, da oolppa nid nug ele gamag ahe, nug ottaia, oola teum.


Amge ag kekeɗ ahilkadnu ag oolag mauhaɗ! Amu ele ag ahilagppa kobol ena heig! Danab ag ahilagnu lon aoglagnu appeg amu matteg! Mattona, dimppa ag ahilagppa keeke amu eɗun aoglagnu aib dabmeppig. Ag anam heppeg amu, nob ena ahilag am okkai daakku. Ag Kayak Attannab Laa Oh Eɗattak, ag Nug bekkod daaglag. Aɗinu? Nug nuhig oo doyakppa danab laala, ag danab nau, danab nuhignu dab-ii-metteb ele, ag akka ahilagib dabmetteb ele, Nug amu dilag ele keeke ena madatte.


amunu, Pol nug baag okkaippa amegppa inam aum. “Na ahan hibaitte!” awa aum. Awa a amu danab amu laippun qa ottaiya aha, hibaitta oiyom.


Nug baekuɗ ɠagattag eppaeh, nug paha aha hibaitta tappa oiyeye, nug Pita, Jon ele oh Kayaknu mettid lag ooppa nonana, nug oola ta oola naana oiyaya, Kayak binag meum.


Ag anam heeg, totol danab 12 ag Juda dilag hettoɗiak okkai onig Sanhidren, amuppanu dimittim gona, ag maɗoɗppan gamag ahak doona, inam dabmeppig. “Kayak nug ig Jesus onignu uɗa nak, guittak ele aognignu elele anikkom amu, amuam ena.” Ag anam dabmeppig.


Ig amunuib maɗoɗppan gamag ahak ii doottem. Iitta. Uug laa beɗunigppa uɗitte, amuppa ele ig maɗoɗppan gamag ahak doottem. Aɗinu? Ig doottem, ig uug doopput, uug amu ag ig oonig ɠagattag qedappeg, ig uug doyaya eɗittaknuib dabmak awak danab bekkunig.


Anam amunu haen da Kristusnu uɗat hekkulnu amu da ɠagattag iitta, haen da Kristusnu uɗat hettem, danab ag amunu da eheɗ heiɗtteb, haen da Kristusnu uɗat hettem, da amunu uug digdig da beɗulppa doottem, amu haen da Kristusnu uɗat hettem, danab ag amunu heeg, da eheɗ daattem ele amu, da haen amuppa oolppa enanagnab doottem. Ao, haen da ɠagattag iitta daattem amu, haen amuppaib aakku da ɠagattagnab daattem.


Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.


Ig uug maognignu ɠagattag daattem dayeb; ig Nug ele keeke oh gumadkkunig. Ig Nug dimettagnig dayeb; Nug ig ele dimegakku.


Nug nob ena, butti aɗi Kayak medakku amunuib dabmeum amunu, nug Kristus onigppa uɗa nak aokkunu ena doya, Isip enubnu amu, nug keeke hamu doyom.


Danab laa nug ooppa genab ii dootte ele amu, Kayak Nug nuhignu oo ena dookkunu elele iitta. Aɗinu? Danab ag nuhigppa wakkulagnu oolag hette amu, ag Kayak Nug daatte, amu danab ag oolag unuqagppanu Nug mattin oitteb ele, Nug ag nob ena madatte oolagppa genab dooglagoitte. Ib laa iitta.


O lailad, haen ag ma anttak digdigppa daatteb amu, ag amunu oolag aib ottaiom. Iitta. Ag maɗoɗppan gamag ahak doyeg!


Iitta. Dimppa Kristus binag amahlak oppiaawak ele miag atiak bekku, haen amuppa ag maɗoɗppan gamag ahak naɗi dooglagnu, ag uug mawak haenppa ag uug anamppa ag Kristus uug mawom bia ag uug maotteb doonna, maɗoɗppan gamag ahak doyeg!


Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.


Aun laa nug ban eɗidkku, nug ele dahil dabmaknab tuɗitta dim lamitta, gog tak haen batak amu, da nug wanppan wan laappan dilag ikki daakkunu onig medakkul.


Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.


Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.


Aun laa nug ban eɗidkku amu, da nug dahil Kayak, nuhig mettid lagppa anuqak laa meppi daakku; nug haen oh lag uua dimittim ii wama. Da nug qaɗeppa dahil Kayak onig amu dahil Kayaknu aab okkai onig ele yaakkul. Aab okkai amuam Jerusalem bau, am dahil Kayak toppanu attannu nette. Am da onil bau ele nug qaɗeppa yaakkul.


Aun laa nug ban eɗidkku amu, nug danab ag lamen hakkab tagappig ele, nug ag oolagppa ele daya, lamen hakkab ele tagakku. Da nug onig buk laa, amuam buk onig Bauklel Awe Onig Yaaknu Buk, buk amuppanu ii obipa. Iitta! Da nug da Mamel noobppa, amu engel noolagppa ele nug onig miag akkul.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ