Luk 6:22 - Nobonob Baibel

²² Ag Danab Bekkalag da, ag da dim lamiɗtteb ele amu, ag da dim lamiɗtteb amunu, haen danab ag amu dabmetteb, ag ahilagnu oolagppa nau ninig ele doon, ag geɗadna, nai nau ahilagnu anana, ag am danab nau ele atteb amu, ag dahilad amu ag itittak ena aoppig daatteb.

Luk 6:22 ပူးပေါင်းရင်းမြစ်များ

Aisaia 65:5

Ag amu hewona, ag ahan, laa amelagppa, ‘Da am danab enanag, da am Kayaknu oppiaawak ele amunu, na gukkuiɗna aib uɗime!’ ⌊hambuppun⌋ atteb. Aab kah danab noobppa te, eheɗ dootte, amubia da ahilagnu anam doottem. Aab amunppa hanhan ewewe, aab kah taata, anam danab noolagppa hette, amubia da anam doottem.

Aisaia 66:5

Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Matyu 10:18

Da onil ahilagppa daatte amunu, ag ag diiadna, gawana, king ele eppelagppa maadppeg, ag hettoɗiadkkulag. Hettoɗiadppeg amu, ag haen amuppa dahilnu ag amelagppa mehuqna, iitta aɗi noolagppa ele mattiglag.

Matyu 10:22

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Matyu 10:39

Danab nug wanppanu bau dayak maditte ele amu, nug iitta mekku, amge laa nug dahilnu dabma, nug beɗunu bau mak kakidtte amu, nug genab bauklel anidkku.

Luk 20:15

Ag anam awona, ag ahan, bekka amu aɗan buɗieg, grep dad dimittim ukke, ag qeeg mauhom,” awa aum. Jesus Nug anam awowa, Nug nai tuɗitta aum. “Aria, ag anam heppig amunu, grep dad mameg nug ahilagnu aɗi hekku?

Luk 21:17

Am geha danab ah oh ag ahilagnu nau ninig ele dooglag. Aɗinu? Da onil ahilagppa daatte.

Luk 6:21

Ag gemu enug aqatte ele, ag itittak ena aoppig daatteb. Aɗinu? Kayak Nug heeb, ag oolag didikku. Ag gemu oolagppa uug doon gaatteb ele amu, ag itittak ena aoppig daatteb. Aɗinu? Ag oolag gamag ahakku.

Jon 12:42

Aisaia anam antta yom amubia ikki danab kuɗumnab ag oolagppa genab ii dooppig, amge laala kuɗum, ag oolagppa genab dooppig. Ag oolagppa genab dooppig, amge ag ɗo gumak danab-Parasia, amu dilag baɗappig. Ag ag lamadppeg, nai doyak lag dimittim daamnanu baɗana, oolagppa genab doyak amu miag ii atippig.

Jon 16:2

Danab ag Juda dilag nai doyak lag ooppanu lamadkkulag. Ge, dimppa haen beeb, ag ag aqappeg mauhppeppeg, ‘Ig Kayaknu uɗat ena hettem,’ aon akkulag.

Jon 17:14

Nai nahip amu da ag mattai, amu danab ah wannu kobol dim lamadtteb ele ag dahilad imu dilagnu oolagppa nau ninig ele dootteb. Aɗinu? Da wanppan danab ah wannu kobol dim lamadtteb ele laippu iitta, amubia ag ele wanppan danab ah wannu kobol dim lamadtteb ele laippu iitta.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Jon 9:34

Nug anam a amu, ag amegppa appig. “Na anin nug menuittette, na hipunin danab daan autna aome amunu, aɗinu na ig ippunigkkutnu hettem?” aon appig. Ag anam ana, lamitteg dimittim ukkom.

Aposel 22:22

Pol nug nai amu mattie, Juda danab ag Pol nai mattiom amu doyeg ukke ukke, nug iitta aɗi gumatta gokkunu aum, haen amuppa ag ahan, huana qattiɗna, baalag okkaippa eppig. “Qeppeg mauhaɗ! Danab anam amu nug wanppa bau daakkunu elele iitta,” aon eppig.

Aposel 24:5

Danab imu ig nug anidmut. Nug eheɗ kuɗum he bette. Nug wan atu ohppa Juda dilagppa nug he, Juda ag ahan nug qak bia hetteb. Aria huu ena iitta laa, ag amunu Nasaret huu aon atteb amu, danab imu nug ahilag anuqak danab laa daatte.

Aposel 9:16

Geha nug da onil ag ippuanattatta, amuppa nug uug nau digdig maokkunu daatte amu da nug ippunidkkul,” awa aum.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

1 Pita 3:14

amge na genab tutukku hak kobolib henana, diig amunu guittak aokkut dayeb amu, na aakku itittak ena aon daattem. Laa ag keekenu baɗatteb amu, ⌊ag Jesusnu oolagppa genab dootteb,⌋ ag amunu aib baɗappig; ag oolag aib ottaiom.