Luk 6:2 - Nobonob Baibel

² Aon laeg amu ɗo gumak danab-Parasia ag heppig, ag amunu inam appig. “Ag aɗinu ɗo nug danab laa Sabat deɗppa ee dattanu ii aoma ippunigtte amu, ag Sabatnu ɗo amu tippalna, ee aon latteb,” aon appig.

Luk 6:2 ပူးပေါင်းရင်းမြစ်များ

Eksodas 22:10

Aria, danab laa nug donki, o makau okkai ebehi ele, o sipsip, o doɗ laa, doɗ amu nug ii qettoɗmananu mudippan layag metteb gumebeb, danab laa dayaya ii anttebeb, doɗ amu nug mauhkku dayeb, o nug guittak aokku dayeb, o laa nug yab aokku dayeb amu,

Eksodas 31:15

Mettid oh ag deɗ eblaih laippu ele uɗat hekkulag, amge deɗ ebqak eblaih aɗit ele amu, amuam Sabat deɗ, am hik awaknu deɗ. Sabat deɗnu amu, da, Yawe da deɗ amunu, dahilnu tituanak daatte anidttem. Danab aun nug Sabat deɗppa uɗat hekku amu, ag nug qeppeg mauhaɗ!

Eksodas 35:2

Mettid oh amu, ag deɗ eblaih laippu ele uɗat hekkulag, amge deɗ ebqak eblaih aɗit ele amu, amuam deɗ Yawenu tituanak daakku. Am Sabat deɗ, am hik awaknu deɗ, Yawe Nug deɗ amunu, nuhignu tituanak daatte anidtte. Danab aun nug deɗ amuppa uɗat hekku amu, ag nug qeppeg mauhaɗ!

Aisaia 58:13

Amu Yawe Nug atte. “Ag Sabatppa ɗo dahil dim lamidkkulag dayeb, ao, ag dahil deɗ, deɗ amuam dahilnu tituanak daatte, ag deɗ amuppa aɗi keeke ag amu hekkulagnu amelag qette, amge da ag amu hekkulagnu ii ami, ag amu hekkulagnu uuglag dayeb, ag Sabatnu, ‘Deɗ enanagnab, ehanigtte ele,’ dooglag dayeb, ao, ag da, Yawe, ag dahil deɗ, dahilnu tituanak daatte amu, ag deɗ amunu, ‘Deɗ imuam deɗ binag ele,’ dooglag dayeb, ag ahilag dabmak ii dim lamidna, amuppa ag dahil deɗ binag mekkulag dayeb, ao, ag dahil Sabatppa ele aɗi keeke hekkulagnu oolag hette, amge da ag amu hekkulagnu ii ami amu, ag amu ii hekkulag dayeb, ag deɗ amuppa nai hamu hamu ele ii mattiglag dayeb,

Matyu 12:2

Aon laegeg, ɗo gumak danab-Parasia ag amu anidna, ag Jesus amegppa appig. “Antte, nahipad ippunittak awak danab ag ɗo nug danab laa Sabat deɗppa ee dattanu ii aoma ippunigtte amu, ag Sabatnu ɗo amu tippalna, ee aon latteb,” aon appig.

Matyu 15:2

“Aɗinu nahipad ippunittak awak danab ag alai aɗi anukka ɗo meppig niitte amu ag tippaltteb? Ag ee lakkulagnu hena amu, ag eppelag, ɗo atte amubia ag ii ihatteb,” aon appig.

Mak 2:24

Anam heegeg amu ɗo gumak danab-Parasia ag Jesus oɗ medappig. “Antte! Ɗo nug danab laa Sabat deɗppa ee dattanu ii aoma ippunigtte amunu, aɗinu nahipad ippunittak awak danab ag Sabatnu ɗo amu tippalna, ee aon latteb?” aon oɗ medappig.

Luk 5:33

Amu laala ag Jesus amegppa appig. “Layattak Jonnu ippunittak awak danab ag am deɗ kuɗum ee ohnu kud mena daanna, hanhan unuqidtteb. Amu ɗo gumak danab-Parasia dilag ippunittak awak danab ag ele anamib hetteb, amge ippunittak awak danab nahipad ag amu anam ii hetteb, ag hamu ee le ele latteb,” aon appig.

Jon 5:16

Nug anam a, Jesus Nug keeke amu Sabat deɗppa heum dooppig amunu, diig amunu Juda okkai ag digmena, Jesus eheɗ hedappig.