Luk 6:13 - Nobonob Baibel

¹³ Wagɗe, aam be, nuhikkud ippunittak awak danab diikkunu oo daye, Nug ag onilagppa e, gumidna uɗieg, Nug danab 12 tituanatta, ag onilag totol danab ataɗom.

Luk 6:13 ပူးပေါင်းရင်းမြစ်များ

Matyu 10:2

Nug totol danab 12 ɠagattag anam mattom amu, ag onilag am inam. Tatam am Saimon, amu Jesus Nug onig laa, Pita ataɗom. Laa amu Andru, nug Pita ele aa am eamag. Aɗit laa am Sebedi bekoɗ, Jems Jon ele.

Matyu 19:28

Nug anam a amu Jesus Nug eɗua, ag oh amelagppa aum. “Da genab ag amelagppa attem, keeke oh bau bak haenppa, Danab Bekkalag da, da sia king binag amahlak oppiaawak ele dahilppa daabppi, ag da dim lamiɗtteb ele ag sia king 12ppa daanna, Israel dilag huu okkai 12 amu gumadkkulag.

Matyu 9:36

Haen Nug danab ah kuɗumnab anam anatta amu, Nug oo bodoetta le meum. Aɗinu? Ag uug kuɗum ele dooppig, amge ehanittak laa iitta. Ag am doɗ sipsip ag gumak danab iitta, ag amubia daappig.

Mak 6:30

Aria totol danab 12 ag eɗun uɗieg, ag Jesus ele qagmena, ag keeke oh heppignu, nai oh ippunadppignu ele Jesus amegppa appig.

Mak 6:7

Nug anam oiyaya amu, Nug nuhikkud ippunittak awak danab 12 onilagppa e uɗieg, Nug aɗit aɗit maatte, ag aab laalappa gokkulagnu daaegeg, Jesus Nug ag ouɗi nau lamadkkulagnu ɠagattag matta,

Luk 11:49

Amu Kayak nuhig doyak enappa amunu Nug matu aum. ‘Da am dahil totol danab am propet ele maadppi, ahilagppa goppeg, ag danab amu laala eheɗ hattaglag, amu ag laala aqappeg mauhkkulag!’ awa aum.

Luk 6:14

Laa am Saimon. Amu Jesus Nug onig laa, Pita ataɗom. Laa am Andru; nug Saimon ele, aa am eamag. Aria, Jems, Jon ele amu Pilip, Bartolomyu ele.

Jon 4:33

Nug anam a amu ippunittak awak danab ag akka akka nug oɗ mettan appig. “Danab laa ee laa awa uɗia mettomtai,” aon appig.

Aposel 1:13

Haen ag aab okkaippa tena amu ag gona, ag lag oo attan, ag daappig ele amuppa teppig. Ag onilag amu Pita, Jon, Jems, Andru, Pilip, Tomas, Bartolomyu, Matyu, Alpius bekka Jems, Saimon, nug am Selot, amu Jems bekka Judas aakku.

Epesus 2:20

Ig oh am Kayak laug bia daatteb. Ig nuhig totol danab amu nuhikkud propet ele, ig lag amunu ukku meut, ag amu qaɗeppa daatteb. Kristus Jesus Nug am lag amu ukku ɠagattag daakkunu men anuqak daatte.

Epesus 4:11

Nugib ehah iɗu iɗu matta, danab laa ag totol danab dilag uɗat hekkulagnu mattom. Laa ag propet daaglagnu mattom. Laa ag nai mehuqak danab daaglagnu mattom. Laa ag pasto am laa ag ippuanittak uɗat hekkulagnu mattom.

Hibru 3:1

Amunu O ig lainkad, ag Kayaknu danab ah oppiaawak ele, Nug ag ig ele hab aabppa daagnignu tituanikkom amu, ag Kristus Jesus, Nug am ihinig ooppa genab doyaknu mana mettak ikki danab, Nug am ihinig ooppa genab doyaknu totol danab daatte ele amu, ag nuhignu atognona dabmena autna aweg!

2 Pita 3:2

Amu da ag Kayaknu propet ag nai appig, amu ag daulagppa dokkunu, ihinig Naɗi, Nug ihinig Padal ii maknu ehanittak ele daatte amu, nuhikkud totol danab ag Nug oɗeppanu haknunab nai aon ag amelagppa madippig amu, da nai aɗit amu oh ag daulagppa dob, ehanadkkunu ool daye yaami.

Revelesen 12:1

Epponak keeke okkai laa habppa tula be, danab ah anidna dabmak okkai aoppig; amuam ah laa, nug nuhig lamen am aam daye, kalam nug baeg waappa dayom. Nuhig haɗ, amuppa hoɗopai 12 daatteb amu, haɗ amu nug igippa dayom.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Revelesen 21:14

Aab okkai amunu aɗ ukku am men kuɗum duqe ukkak huu 12 ele. Aɗ nug amu attan daatte. Amu Sipsip Nagnu totol danab 12 onilkad amu, ag men amuppa yaalattak daappig.