Luk 5:26 - Nobonob Baibel

²⁶ Ugekke amu danab ah oh ag dabmak kuɗum aona, Kayak binag mena, ag nuhignu ebehilkad oh bodoetta le me, ag appig. “Gemu ig kobol imu laanab anidmut,” aon appig.

Luk 5:26 ပူးပေါင်းရင်းမြစ်များ

Jeremaia 33:9

Da Israel danab ah dilagppa, Juda danab dilagppa ele anam hewoya, da Jerusalemnu dabmein, da gamag ahak dookkul. Amu wanppan wan ohppan danab ah ag kobol ena ena da Jerusalem appa hekkul anidna, ag onig okkai, binag ele da meɗaglag. Ge, ag da maɗoɗ okkai, enub okkai ele Jerusalem danab ah madakkul anidna, ag dahilnu ebehilag oh bodoetta le meebeb, ag beɗulag hahaɗkku.” Yawe Nug anam atte.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Matyu 12:23

Danab nug neekka, nai mattieye, danab ah ameg naɗi ag ottaina dabmak kuɗum aona, Jesusnu appig. “Danab imuam Dawit bekkatai,” aon appig.

Matyu 28:8

Engel anam a amu ah aɗit aa baɗapiɗ, amge maɗoɗppan gamag ahak okkainab ele dooya, moɗ uuya, nuhikkud ippunittak awak danab amelagppa akkulahnu qaiqaɗ gopiɗ.

Matyu 9:8

Ugekke, danab ah kuɗum ag amu anidppig amu, ag Kayaknu ebehilkad oh bodoetta le me, ag Kayak, Nug danab uɗat amu hekkulagnu ɠagattag mattom ele amu, ag Nug binag meppig.

Mak 2:12

Nug anam a amu, oɗe danab nug aha, qaɗaqaɗ nuhig awa, ag noolagppa dimittim ukkom. Ugekke amu ag dabmak kuɗum aona, Kayak binag mena appig. “Ig deɗ laa keeke amubia ii anidmut,” aon appig.

Luk 1:65

Anam he, nug mudippanu laikkud ag oh baɗappig. Aria ag ahan, nai amu tuɗitteg, Juda wanppa qauko qauko daatteb, aben amu ohppa ukkom.

Luk 5:8

Anam amu, haen Saimon Pita nug kakai anam aona antta amu, nug Jesus baegppa laippun gateg qaun o, nug aum. “Naɗi, na da uuiɗna ukke! Da hipunin danabde,” awa aum.

Luk 7:16

Danab ah oh ag amu anidna, ag Kayaknu ebehilkad oh bodoetta le me, ag Kayak binag mena appig. “Propet naɗi laa ig oonigppa uɗiom. Kayak Nug ig ehanigkkunu uɗiom,” aon appig.

Luk 8:37

Mattieg, Gerasanu wan atu, appan danab oh ag Jesus uuatta gokkunu unuqppig. Aɗinu? Ag huan baɗappig. Aeg aakku Jesus Nug uub attan ta, Nug eɗua ukkom.

Aposel 4:21

Aa anam aeh, aria danab okkai ag aa amelahppa nai ɠagattag appig amu, ag nai anam bia laala ele tuɗidna awona, ag danab ah oh ag Kayak keeke he anidna, amunu oolag gamag ahe, ag Nug binag meppig anidna, ag danab ah amu diig amunu baɗappig amunu, ag Pita, Jon ele guittak mataglagnu ib ii anidna, heeg gopiɗ.

Galesia 1:24

Kayak Nug dahilppa anam he, ag nai doonna, ag Nug onig humappig.