Luk 5:24 - Nobonob Baibel

²⁴ amunu, ag Danab Bekkalag da, da wan imuppa hipunin uhuqen madakkulnu ɠagattag ele, ag amu dooglagnu amu da heppi, aha gokku,” awa aum. Jesus Nug anam ana amu Nug eɗua, oɗe danab amegppa aum. “Na ahan, qaɗaqaɗ nahip aon, lakka ukke!” awa aum.

Luk 5:24 ပူးပေါင်းရင်းမြစ်များ

Aisaia 53:11

Amu Yawe Nug atte. “Dahil maɗi nid, nug genab tutukku hak kobolib dim lamidtte amu, Nug guittak amu mawa malowa, nug bau dayaya, ⌊danab oolag eɗueb ele antta,⌋ elele dookku. Dahil maɗi nid nug nuhig doyak, nug amuppa heeb, danab ah kuɗumnab ag genab tutukku hak danab ah daaglag. Nug ahilag hipunin mawa heeb, iitta mekku.

Daniel 7:13

Da tuqan tulegleg anidmi, amuppa da neekki ukke, da noolppa laa nug danab bekka bia, nug lombig hab waappa daatteb, nug amuppa dayaya uɗieye anidmi. Nug ukka, Kayak Hanhan Daatte guguitta ukke, laa ag omaleg, Nug gumittanab ukkom.

Matyu 16:13

Aria, Jesus Nug nuhikkud ippunittak awak danab ele ag gonana, ag Sisaria Pilipai gukkuidna wanana, amu Jesus Nug ag oɗ mattom. “Danab ag, Danab Bekkalag da, ag dahilnu, ‘Da am aun,’ ag amunu aɗi atteb?” awa aum.

Matyu 25:31

Jesus Nug anam ana Nug nai tuɗitta aum. “Dimppa haen Danab Bekkalag da, da binal amahlak oppiaawak ele uɗippi, engel oh ele uɗignig, haen amuppa da sia king binag amahlak oppiaawak ele dahilppa daakkul.

Matyu 26:64

Nug anam a amu, Jesus Nug oɗeppa awa aum. “Na ame. Amge da ag amelagppa attem. Dimppa Danab Bekkalag da, da Kayak Ɠagattag Oh Ele eppeg naɗiap-ppa daabppi aniɗna, amu ele ag lombig hab waappa daatteb, da lombig amuppa dayeye uɗippippi aniɗkkulag,” awa aum.

Matyu 28:18

Anam heegeg, Jesus Nug ag gumatta doa, amelagppa aum. “Kayak Nug da keeke oh wanppanu, habppanu ele ikkilag daakkulnu meiɗom

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Matyu 9:6

amunu, ag Danab Bekkalag da, da wan imuppa hipunin uhuqen madakkulnu ɠagattag ele, ag amu dooglagnu amu, da heppi aha gokku,” awa aum. Jesus Nug anam ana, Nug eɗua oɗe danab amegppa aum. “Na ahan, qaɗaqaɗ nahip aon, lakka ukke!” awa aum.

Luk 5:13

A amu Jesus Nug eppeg bahia, danab aɗa, amegppa aum. “Da ool anam daatte, na ena daye!” awa aum. Aria, geha aakku pahanab gaɗa oɗe nau amu uuittom.

Luk 5:18

Dayeye, danab laala ag lailag oɗe ele, nug baeg eppeg mauhak ele, ag nug qaɗaqaɗppa maon uɗippig. Ag maona, lag ooppa nona, Jesus gumidna wana mekkulagnu heppig,

Luk 5:23

Aɗi nai am anaknu uug iitta? Hipunin uhuqa mettaknu nai, amute am uug iitta o iitta aha tappa ukkaknu nai, amutai am uug iitta? ⌊Amu oh iitta. Danabib am aɗit oh hekkunu elele iitta⌋

Luk 7:14

Anam ana, Nug qaɗaqaɗ maoppig amu gukkuitta wana, eppeg bahia, danab mauhak niiom ele qaɗaqaɗ amu aɗe, danab qaɗaqaɗ maoppig ele, ag hippaidna daappig. Daaegeg Jesus Nug aum. “Nid bau, da attemde, na ahe!” awa aum.

Luk 8:54

Amge Nug nid ahin amu eppegppa aɗa aum. “Nid ahin dahil, na ahe!” awa aum.

Jon 11:43

Nug anam unuqittowa, Nug huanak ewa aum. “Lasarus, na ahan dimittim do!” awa aum.

Jon 3:13

Laippu laa nug hab aabppa ii teum. Iitta. Danab Bekkalag da aakkuib appa dayeye, hab aabppanu uɗimi.

Jon 5:27

Amu ele, da am Danab Bekkalag amunu, Nug da danab epeɗiadkkulnu ɠagattag ele meɗom.

Aposel 14:10

amunu, Pol nug baag okkaippa amegppa inam aum. “Na ahan hibaitte!” awa aum. Awa a amu danab amu laippun qa ottaiya aha, hibaitta oiyom.

Aposel 5:31

Jesus Nug heeb, ig Israel ig oonig eɗueb, Kayak Nug ihinig hipunin uhuqa megakkunu Kayak he, Jesus Nug Kayak eppeg naɗiap, amuam aben onig okkainab ele, Nug appa ihinig Okkai, ihinig Eɗua Awikkak Danab ele daatte.

Aposel 9:34

Pita nug antta amegppa aum. “Ainias, Jesus Kristus Nug na beɗun ehanidtte amunu, na ahan nahip niiak aben babaitte!” awa aum. Awa a aria Ainias nug pahanab ahom.

Aposel 9:40

Ag anam heeg amu Pita nug he, danab ah oh dimittim ukkaeg amu nug gateg qaun o, unuqittowa eɗua ah gaɗa amu neekkitta, nug aum. “Tabita na ahe!” awa aum. Awa a, aakku ah ameg oppate nug neekka, Pita antta, aha heɗep na dayom.

Revelesen 1:13

Anam andette amu da laa, nug danab bia, lam maknu balal amu oh oolagppa hibaitta dayeye anidmi. Nug lamen elab ukka baegppa batak takkowa, lamen golppa hak momoppa qakkom.