Luk 5:17 - Nobonob Baibel

¹⁷ Deɗ laa Jesus Nug danab ah nai ippuanattatta dayeye, ɗo gumak danab-Parasia amu ɗo mehuqak danab ele, ag Galilinu aab ohppanu, Judanu, amu Jerusalemnu ele uɗin daaegeg, Jesus Nug nai mehuqom. Naɗinu ɠagattag am Jesus Nug oɗe danab heeb ena daaglagnu ele nuhigppa dayom.

Luk 5:17 ပူးပေါင်းရင်းမြစ်များ

Matyu 11:5

Amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu oɗe amu iitta mette, daulag ituak amu ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

Matyu 15:1

Aria, amu dimppa ɗo mehuqak danab laa amu ɗo gumak danab-Parasia laala ele ag Jerusalemnu ahan, Jesus gumidna uɗin appig.

Mak 1:45

Jesus anam aum, amge danab amu nug Jesus oɗe bia ii heum. Iitta. Nug ukka, danab kuɗum amelagppa a dooppig amunu, Jesus Nug aabppa miag nokkunu elele iitta dayaya, Nug aben aben danab haen oh ii daattebppa dayom, amge appa ele danab aben ohppanu Nug gumidna goppig.

Mak 16:18

Ag mat nau aɗaglag, o le nau danab qe mauhtte ele, ag amu lakkulag, amge ag amuppa ii mauhmana. Ag oɗe danab beɗulag aɗappeg, ag oɗe uuadkku,” awa aum.

Mak 3:22

Anam appig amge, ɗo mehuqak danab ag matu Jerusalemnu neppig, ag Nug heumnu inam appig. “Ouɗi nau ikkilag Belsebub nug danab imu beɗuppa daatte amunu, Nug ɠagattag amuppa ouɗi nau lamadtte,” aon appig.

Mak 5:30

Jesus Nug nuhig ɠagattag laa ukke doya, Nug eɗua oɗ mattom. “Aun dahil lamen lauɗittom?” awa aum.

Mak 7:1

Aria, amu dimppa ɗo gumak danab-Parasia laa, amu ɗo mehuqak danab laa ele ag Jerusalemnu ahan, Jesus gumidna gona,

Luk 15:2

Amunu ɗo gumak danab-Parasia amu ɗo mehuqak danab ele ag nai hena appig. “Danab amu Nug hipunin danab, amu danab laa, ag ig Juda, ihinig ɗo oh ii dim lamidtteb ele, Nug ag ele laippu dayaknu ooppa eleleib dootte, amu ag ele oh ee latteb,” aon appig.

Luk 2:46

Goya, aa Nug mattieheh, deɗ aɗit ukke, dimppa deɗ ewamppa aa Nug Kayaknu mettid lag ooppa dayeye anidpiɗ. Nug Juda dilag ippunittak danab oolagppa dayeye, ag nai mattiegeg doya, Nug eɗua oɗ madette daappig.

Luk 5:21

Nug anam a amu ɗo mehuqak danab amu ɗo gumak danab-Parasia ele appa daana, ag akka akka dabmakppa inam appig. “Danab imu amu Nug am aun? Nug nai umu atte amu Nug Kayaknu dabittak nai maditte. Kayak Nug nukka hipunin uhuqa megakkunu elele,” aon appig.

Luk 5:30

Laegeg amu ɗo gumak danab-Parasia amu ɗo mehuqak danab laala, ag ɗo gumak danab-Parasia huuppa daappig ele amu, ag ele Jesusnu ippunittak awak danab noolagppa nai hena, amelagppa appig. “Aɗinu ag takis awak danab, danab ag ihinig ɗo oh ii dim lamidtteb ele, ag ele oh daanna ee, le ele latteb?” aon appig.

Luk 6:19

Danab ah oh ag eppelag bahin, Jesus beɗu aɗaglagnu oolag dayom. Aɗinu? Ag aɗaegeg, nuhig ɠagattag amu beɗulagppa ukka he, danab amu oh ag ena daappig.

Luk 7:30

Amge Juda dilag ɗo mehuqak danab amu ɗo gumak danab-Parasia ele ag amu, ag Kayak Nug ib ena ippuanattom amu ag uun dimettan, Jonnu layattak ii aoppig.

Luk 8:46

Amge Jesus Nug aum. “Da doottem, laippu laa eppegppa da aɗaele, ɠagattag laa uuiɗa ukkom,” awa aum.

Jon 3:10

Nug anam a, Jesus baula Nikodemus oɗeppa awa aum. “Na am Israel dilag ippunittak danab okkai laa, amu attemun na keeke imu ii doottem?

Jon 3:21

Amge laa nug doyak diig genabib kobol dim lamidtte, nug laa ag Kayak a doya hette miag atiak anidkkulagnu, nug amahlakppa daakkunu uɗia daatte,” awa aum.

Aposel 19:11

Kayak Nug Pol eppegppa kobol danab hekkunu elele iitta okkainab heum.

Aposel 4:30

Laa ele amu na Jesus, nahip maɗi nid oppiaawak ele amu, na Nug onigppa eppen bahin, oɗe danab aɗualadppe, ag eɗun ena daaglagnu unuqidttem. Kayak dabmettaknu kobol danab haknu elele iitta amu, na amu ele Jesus onigppa hekkutnu oɗ medattem,” aon unuqidppig.

Aposel 5:34

Ag anam hekkulagnu appig, amge Juda dilag hettoɗiak okkai onig Sanhidren, amunu danab laa aha hibaittom. Nug am ɗo gumak danab-Parasia onig Gamaliel, amu nug ele am ɗo mehuqak danab. Danab ah oh ag nug binag humappig. Nug aha, ag laa amelagppa ag totol danab 12 appeg, dimittim haen tutunu gokkulagnu haknunab aum.