Luk 5:12 - Nobonob Baibel

¹² Jesus Nug aab laappa oiyeye, danab laa gaɗa oɗe nau ambak ele, nug ele appa oiyom. Nug oiyaya, haen nug Jesus antta amu, nug Jesus noobppa laippun gateg qaun o, gomela, iɗu wanppa ma, unuqa aum. “Naɗi, na oot heeb, na heppe, oɗe dahil iitta mekkunu amu, na elele daattem,” awa aum.

Luk 5:12 ပူးပေါင်းရင်းမြစ်များ

Genesis 18:14

Da Yawe, da keeke oh hekkulnu elele iittate? Da matu ami, amubia, haen da memippa, haen amuppa da geha eɗue uɗippi, amu haen gamag amuppa Sarah nug nid danab aweb daakku,” awa aum.

1 King 18:39

Aria, haen danab ah oh ag amu anidna amu, ag oh laippun gatelag qaun o, gomelna, iɗulag wanppa mena, ag inam eppig. “Yawe Nugib am Kayak genab, Yawe Nugib am Kayak genab!” aon eppig.

2 King 5:1

Naman nug am Aram dilag kingnu ban daup ikki anuqak. Yawe ehanitte, nug ban kuɗum eɗattom amunu, kingnu neekkakppa, nug danab okkainab dayom. King nug nuhignu oo huana heum. Naman nug ban haaha, nug ban ebehi ele heum, amge nug gaɗa oɗe nau ele.

2 King 5:27

Na Namannu men doɗo keeke laala ele aome amunu, Naman beɗuppa gaɗa oɗe nau ele dayom amu, gemu eɗua na beɗunppa ba, geha huu nahip dimppa bekkulag ag ele hanhan oɗe amu aoglag,” awa aum. Nug anam a, Gehasi nug Elisa uuitte, gaɗa oɗe nau amu nug beɗuppa ba, beɗu gaɗa amu hakkab eppa, sno bia dayom.

2 King 7:3

Haen amuppa Samaria aab okkainu aɗnu od okkai, od amu dimittim amu danab waɗele, ag gaɗa oɗe nau ele, ag appa daappig. Ag daanna, ag akka ahilagnu inam appig. “Aɗinu ig hamu inam daatta, mauhak haen ameg mettem?

1 Stori 21:16

Amu Dawit nug neekke, attan te, nug Yawenu engel nug hab, wan ele gamalahppa dayaya, nug qep elab eppegppa aɗe, qep amu Jerusalem attan daye antte, nug Israel dilag ikki danab ele, ag oh lamen heɗiag ele takkaladna amu, nug ag ele oh laippun gatelag qaun o, gomelna, iɗulag wanppa meppig.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Eksodas 4:6

Yawe Nug Moses amegppa anam awowa amu, Nug baula inam aum. “Na eppen meppe, saket nahip ooppa noaɗ!” awa aum. Nug anam a, aria Moses nug Yawe aum bia hewowa, nug eɗua eppeg eeɗa awe, nug eppegppa gaɗa oɗe nau ele dayom. Nug eppeg aakku hakkabnab eppom.

Lewitikas 13:16

Amge, ihi ledotto nak ele amu eɗua, hakkab eppeb, danab amu nug eɗua, mana mettak danab gumitta gokkuoitte.

Lewitikas 9:24

Aakku, Yawe toppan aab aɗu na, manaknu ofa, amu ittag ele qaɗabppa dayom, am laippun ewa iitta meum. Haen danab ah ag amu oh anidna, ag maɗoɗppan gamag ahak doon ena, ag laippun gatelag qaun ona, gomelna, iɗulag wanppa meppig.

Matyu 26:6

Aria, Jesus Nug Betani appa danab onig Saimon, nug ⌊matu⌋ gaɗa oɗe nau ele, ⌊gemu iitta meum⌋ amu, nug laugppa dayeye,

Matyu 9:28

Anam eeheh, Jesus Nug lakka no, amelah gaɗuak aɗit aa Jesus toppa uɗipiɗ. Uɗieh, Nug aa oɗ matom. “Da aa ehanatkkulnu elele oolahppa genab doottepte?” awa aum. Awa a amu aa, “Yo,” aoya apiɗ.

Mak 5:23

nug oo unuqagppanu Jesus unuqa aum. “Nid ahin dahil nug mauhkkun hette amunu na gona, eppenppa aɗappe, ena dayaya, bau daakkunu oɗ medattem,” awa aum.

Luk 17:16

Nug ukka, Jesus baegppa laippun gateg qaun o, gomela, iɗu wanppa ma, “Na ena heme,” aum. Danab amu nug am Samaria danab. ⌊Samaria Juda ele ag am layam iitta.⌋

Luk 5:13

A amu Jesus Nug eppeg bahia, danab aɗa, amegppa aum. “Da ool anam daatte, na ena daye!” awa aum. Aria, geha aakku pahanab gaɗa oɗe nau amu uuittom.

Duteronomi 24:8

Ag gaɗalagppan oɗe nau ohnu amu, ag mana mettak danab, ag ele am Lewi buɗub amu, ag amu dilag nai oh dim lamitta haknu atteb amu dim lamitteg! Da haknunab anak nai mana mettak danab mattami amu, ag amu dim lamitteg!

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

Josua 5:14

Josua nug anam oɗ mette amu, danab amu nug nob ma aum. “Da ahilagnu laa iitta; da kekeɗ dilagnu laa ele iitta. Aɗinu? Da Yawenu ban daup ikki daattem,” awa aum. Nug anam a amu, Josua laippun gateg qaun o, gomela, iɗu wanppa ma, nug aum. “Da amu nahip maɗi nid laa. O naɗi, na da aɗi nahip hekkulnu oot daatte?” awa aum.