Luk 5:1 - Nobonob Baibel

¹ Deɗ laa Jesus Nug le ameg Genesaret, le amu ihippa hibaitta dayeye, danab ah kuɗum ag Kayak nai dooglagnu uɗin itun daaegeg,

Luk 5:1 ပူးပေါင်းရင်းမြစ်များ

Namba 34:11

Sepamnu amu, ahilag tom am ukka, aab onig Ainnu aam bedeppan ukka, Ripla ta, qauko laala, le gottu okkai Galili, le amuppanu laih aam bedeppanu daatteb amu, qauko amuam tom daakku.

Matyu 11:12

Jonnu haen uɗie uɗie gemu ele Kayaknu ɗo maɗoɗ nug okkai mekkunu wagai mette, amu wagai mak danab ag ele Kayaknu ɗo maɗoɗ aɗaglagnu wagai metteb.

Matyu 14:34

Jesus nuhikkud ele ag uub attan gona, le ameg mataɗona, Genesaret ihippa eeɗna teppig.

Mak 3:9

Ag kuɗum goppig amunu, Jesus Nug nuhikkud ippunittak awak danab amelagppa aum. “Danab kuɗum daana, hautiɗmananu ag dahilad, ag uub nakok aon dona aɗappeg, kobol anam beeb, da uubppa tekkul,” awa aum.

Mak 4:1

Aria, Jesus Nug Galili le ameg ihippa mehuqak uɗat baula digma heum. Nug anam he amu, danab ah kuɗumnab uɗin qagmeppig amunu, Jesus Nug uub attan teum. Nug ta, heɗep na dayeye, danab ah oh ag le ihippa daaegeg,

Mak 5:24

Nug anam a amu Jesus nug ele ukkaeheh, danab ah laala kuɗumnab ag Jesus happutna, qataiettan daaegeg goppig.

Mak 6:53

Aria, ag le ameg mataɗona, Genesaret ihippa eeɗna, ag uubnu anka appa buɗieg noum.

Luk 12:1

Haen danab ah ameg tausen kuɗum ag qagmena qataiettan, laala ag akka akka nug baeg tappan daaegeg amu, Jesus Nug tatam nuhikkud ippunittak awak danab amelagppa aum. “Ag ɗo gumak danab-Parasia dilag yisnu dabmeig! Da ahilag hambuppuak kobolnu attem.

Luk 5:2

Nug uub nakok aɗit laa le ameg ihippa eeɗya daaeheh anatom. Kakai awak danab ag uub aɗit amu uuatna nena, uhui ihaladna daappig.

Luk 8:22

Deɗ laa Jesus Nug nuhikkud ippunittak awak danab amelagppa aum. “Ig le ameg mataɗta, laih uppa gotu!” awa aum. Nug anam a amunu, ag uub attan tena goppig.

Luk 8:23

Uub ugekke amu Jesus Nug niiom. Niieye, ulah naɗi laa laippun na, le amegppa he, le ite, uub ooppa noa ambekkunu he, ag mauhkkulagnu hena,

Luk 8:33

Awa a amu, ouɗi nau ag danab amu uuidna, ag gona bo oolkadppa noppig. Noeg amu bo ag oolna, huana gona, aben oola noakppa le amegppa nona, le lanan mauhadna malappig.

Luk 8:45

Iitta me amu Jesus Nug dayaya, oɗ meum. “Aun da aɗailom?” awa aum. Oɗ me amu ag appig. “Da iitta, da iitta,” aon appig. Aon aeg, Pita nug aum. “Danab Okkai, danab ah kuɗum gukkuidnanab talilidna daatteb amunu aɗinu na, ‘Aun da aɗailom?’ aon attem?” awa aum.

Jon 1:40

Aria, nid aɗit Jonnu nai dooya, Jesus dim lamidpiɗ ele, amunu oolahppa laippu laa nug onig Andru; nug Saimon Pita ele, aa am eamag.

Jon 6:1

Imu dimppa Juda dilag Pasowanu Hobul haen miag do, Jesus Nug le ameg Galili, laa ag le amunu, “Le ameg Taiberias,” aon atteb, le amu heqo laih gokkunu mataɗom. Jesus Nug laih ugekke, danab huanak ag le ihi aiɗna, dim lamidna goppig. Aɗinu? Ag Nug Kayak dabmettaknu kobol danab haknu elele iitta oɗe danab beɗulagppa heehe, ag ena daaegeg anidppig. Jesus Nug appa ukka, qauko laappa nakok te, nuhikkud ippunittak awak danab ele ag heɗep nena daappig. Daanna amu, Jesus Nug neekke ukke, danab ah huanak ag gumidna uɗiegeg antta, Nug Pilip oɗ mettom. “Ig ee elele adeppanu imu oh mattagnignu daden mekkunig?” awa oɗ mettom.

Duteronomi 3:17

Ruben, Gad ele dilah wannu tom qaqan uɗitteppanu am Jodan le aakku. Jodan le am atu Araba, atu amuppa daatte. Tom amuam Galili Le amegppanu ukka, Mauhak Le aguppa batak, amu ahilag wannu tom kaɗag uɗitteppanu, amuam qauko Pisga aakku.

Hibru 13:7

Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!

Josua 12:3

Sihon nug Jodan leppanu kaɗag uɗitteppanu atu Araba ele gumom. Atu amunu tom laih yawalti uɗitteppanu daatte, amuam Galili le ameg, tom laih yau uɗitteppanu daatte, amuam Mauhak Le. Tom laa am aab Bet Jesimot, amu appanu ukka, qauko laa onig Pisga batak.

Josua 13:27

Aria, aab Jodan oolnu noakppan daappig ele, Moses nug Gad mettom ele, amu onilag am, Betharam, Betnimra, Sukot amu Sapon ele. Amu nug Amo dilag king Sihon, nug Hesbon dayom, nug nuhig wan maha laa ele mattom. Wan amunu amu, Jodan le am qaban uɗitteppanu tom dayom. Tom wan amunu yawalti uɗitteppanu am Galili le amegppa le nodeppa, aakku.