Luk 4:22 - Nobonob Baibel

²² Nug a, ag doonna, ag Nug binag menana, ag nai genab ittag ele Nug mattiom amu, ag amunu dabmak kuɗum ele aoppig. Amu ag appig, “Adekkutai? Danab umu Nug am Josep bekka iittatai?” aon appig.

Luk 4:22 ပူးပေါင်းရင်းမြစ်များ

Sam 45:2

Danab laala ag iɗulag tuqak ele, amge na ag oh eɗadttem. Na nai ena, nai ubuhi ele, nai maɗoɗ ele, na nai amu oɗenppa madittem. Na anam hettem amunu, Kayak Nug tuɗid ele na itidtte.

Sam 45:4

Na king, na dagom onig ɠagattag ele amunu, doyak diig genabib, onig qe nak kobol, amu genab tutukku hak kobol ele, keeke amu oh ɠagattag daaglagnu na ahan gona, ban hena, na amunu kekeɗ eɗadkkutnu ool daatte! Ao, na gona, nahip ɠagattagppa ban kobol naɗinab, danab nug nahip hak amu amegppa antta, o daugppa doya, nug ebehi oh bodoetta le mekku amu, na hak amu hekkutnu oɗ medattem.

Prowerb 10:32

Genab tutukku hak danab ag haen adekkuppa aɗi nai mattiglagnu daatte, ag dootteb; amge nau hak danab ag nai eheɗ tutukku iitta aakkuib maditteb.

Prowerb 16:21

Danab ag laa, nug doyak dabmak ena ele, ag nuhignu, “Nug am oo maittak awaknu ehah awom daatte,” aon atteb; amu laa nug nai maɗoɗ ele maditte, danab ah ag nuhig naippa ippunittak aoglagnu elele.

Prowerb 25:11

Nai tutukku hanebppanab mattiak; amuam keeke gol, silwa eleppa hak, anttaknu enanag, amubia.

Eklisiastis 10:12

Danab doyak dabmak ena ele nai maditte amu, nug oo bodoette enanag maɗoɗ ele hak kobol dim lamitta maditte amunu, nuhig nai ele am anam, am doyaknu enanag; amge danab nug Kayak dab-ii-maama ii dim lamidtte ele, nug nai mauhnoak mattiaya uug aotte.

Solomonnu Ahi 5:16

Danab laa nug ee ubuhinab ele lakkunu oo huan hette, amubia da dahil danab ootuqitte, da anamnab doottem; nug iɗu tuqak aakkuib daatte, aɗitai laa nuhignu am nakok nau laa iitta, enanagib. O Jerusalem ah, amuam laa, nug dahilnu oo mauhtte ele, nug da layal.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Luk 2:47

Amu danab oh ag nuhig nai dooppig ele, ag nuhig diignu doyak tutukku, nuhig oɗmaknu nob elenu dabmak kuɗum aoppig.

Luk 2:48

Daaegeg, mameg anig ele aa Nug anidya, aa ottaiya, dabmak kuɗum aoya, anig Nug amegppa aum. “O nid dahil, na aɗinu inam he, i inam oittep? Na mamen nug da ele i oonih uugnab dayeye, na mattidmuɗ,” awa aum.

Luk 21:15

Aɗinu? Da geha da dakka ag nai akkulagnu oɗelagppa mein, dabmak ena ele madakkul. Geha kekeɗ ahilkad ag da nai madakkul amu otaɗna tabappeg nokkunu ele iitta.

Luk 4:21

Anttegeg amu Nug digma amelagppa aum. “Gemu da Kayak nai imu ebqeiyi, nai amu aakku meu oum,” awa aum.

Jon 1:45

Anam a amu Pilip nug Nataniel mattia antta, amegppa aum. “Danab Moses nug anukka ɗo naippa nuhignu yom, propet ag ele nuhignu yaappig amu, ig aakku anidmut. Nug am Josep bekka Jesus, Nasaret ted,” awa aum.

Jon 6:42

Ag inam mattinna appig. “Danab umu Nug am Jesus, Josep bekka. Nug anig mameg ele amu ig iite doottem? Attem he Nug, ‘Da hab aabppanu uɗimi,’ awa atte?” aon appig.

Jon 7:46

Anam aeg am daup amu ag appig. “Danab laa nug danab imu nai maditte bia laa mattie ii anidmut,” aon appig.

Aposel 6:10

Am Kayak Ouɗi Nug doyak dabmak ena ele Stiven metta he, ag nuhig nai eɗidna, tabappeg nokkunu elele iitta.