Luk 4:2 - Nobonob Baibel

² Ukka dayeye, Satan nug Jesus deɗ 40 eheɗ hekkunu oo eeɗom. Amu haen amu ohppa Jesus Nug ee laa ii la, haen amu male, Nug enug qeum.

Luk 4:2 ပူးပေါင်းရင်းမြစ်များ

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

1 King 19:8

Engel nug anam a, Elaiya nug ee, le ele baula lawowa, nug aha, ee, le ele amu ɠagattag mette, deɗ 40, tuqan 40 ele ukka ukka, Kayaknu qauko onig Horep, appa ukkom.

Esta 4:16

“Gona, Juda danab ah Susanu oh da ehaniɗkkulagnu diin qagmaadppe, ag ee lamananu, ee ohnu kud mena dayeg! Ag tuqan, amun ele deɗ ewam ee, le ele ohnu anam kud mena dayeg! Da, amu dahilad ehanittak ah ele, ig ele anamib hekkunig. Ig oh anam dayota, ɗo am laa nug hamu ukka, king anidkkunu aib atte me, geha da ukke, king anidkkul. Da mauhkkul dayeb amu, da mauhkkul. Am nai iitta.” Esta nug nai amu me, Mordekai dookkunu ukkom.

Eksodas 24:18

Nug anam e, aakku Moses nug qaukoppa taata, nug lombig ooppa noa, nug qauko igippa ta, nug appa amun 40, tuqan 40 ele dayom.

Eksodas 34:28

Amu Moses nug Yawe ele qaukoppa deɗ 40 daayya, tuqan 40 ele daapiɗ. Moses nug appa anam dayaya, nug ee laa ii laum, le ele ii laum. Am Yawe Nug men maha aɗit, Moses awa teum ele, Nug amuppa nug tituana nai qakkak heppig, Nug amunu nai yom. Nai amuam Yawenu ɗo 10.

Jona 3:7

Nug anam ha, king nug Niniwe danab oh dooglagnu nai inam me ukkom. “Da, dahilad anuqak danab ele ig ɗo inam mettem. Danab ah oh, amu doɗ oh ele, ag aɗitai keeke ii lamana. Danab, ah, makau, sipsip keeke, ag oh ee, le ele ii lamana.

Matyu 21:18

Wakkaɗe buttua Jesus Nug aha, eɗua aab okkaippa ugekke, enug qeum.

Matyu 4:2

Nug omala ukke, Jesus Nug deɗ 40, tuqan amun ele, ee ohnu kud ma dayowa, Nug enug qeum.

Luk 4:3

Enug qe, Satan nug Jesus amegppa aum. “Na Kayak Bekka daattem dayeb amu, na appe, men imu eɗua bret maɗ!” awa aum.

Jon 4:6

Anukka Jakop nug appa le moɗ nuhig buuom. Amu Jesus Nug ukka, amuppa ta, beɗu maidadaɗom amunu, Nug le moɗ amu guguittak hik awa, appa dayom. Haen amu aam ameg tutukku anam.

Duteronomi 9:18

Aria, ⌊dimppa da eɗue qaukoppa tein,⌋ da Yawe noobppa laippun gatel qaun o, gomelen, iɗul wanppa memi. ⌊Da anam hei, da deɗ 40, tuqan 40 oh da Yawe noobppa dagom dayeye, da Nug unuqidmi.⌋ Da ee laa ii lami, le ele ii lami. Ag hipunin qeppig akkunu da anam hemi. Ag kobol laa, kobol amuam Yawenu neekkakppa eheɗ daatte, ag eheɗ amu heppig amunu, Nug oo huanak nauhom.

Duteronomi 9:25

Nug heeb, ag padal mekkulagnu ana malom, amu diig amunu da dagom dayeye, Yawenu deɗ 40, tuqan 40 ele unuqidmi.

Duteronomi 9:9

Haen amuam da qaukoppa men maha aɗit, Yawe Nug he, Nug ag ele nug tituana nai qakkak heppig, Nug nai amu men maha aɗit amuppa yom, amu da men maha aɗit amu diiatkkulnu temi. Da attan appa deɗ 40, tuqan 40 oh daami, da ee laa ii lami, le ele ii lami.

Hibru 2:18

Amu Nug nukka hipunin hekkunu eeɗak doyaya, uug mawa guittak doyom amunu, haen danab ag hipunin hekkulagnu eeɗak dootteb ele amu, Nug ag ehanadkkunu elele.

Hibru 4:15

Ele amu ihinig mana mettak ikki danab, Nug am danab laa ihinignu oo ii dookkunu laa iitta. Hipunin haknu eeɗak kobol oh ihinigppa bette amu, amu ele nuhigppa beum, amge Nug hipunin laa iinab heum amunu, keeke nuhigppa beum bia ihinigppa beebe, ig gai-iitta bia daautut amu, Nug ihinignu oo doyak dookkunu elelenab daatte.

1 Samuel 17:16

Ag am Saul dim lamidna goppig, haen amuppanu ukke, deɗ 40 amu Goliat nug buttua, tueb ele uɗia, hibaitta dayaya, Israel danab laa nob, nug ele ban hekkulahnu ettom.