Luk 4:16 - Nobonob Baibel

¹⁶ Anam dayeye, deɗ laa Jesus Nug Nasaret ukkom. Nug appa nid nakok dayeye, anig mameg ele aa atognoeheh, ena meum. Nug Nasaret ukka, Nug Sabat deɗppa Juda dilag nai doyak lakka, Nug haen oh hettom bia ha noum. Noa amu, Nug Kayak nai ebqekkunu hibaittette,

Luk 4:16 ပူးပေါင်းရင်းမြစ်များ

Matyu 2:23

Nug ukka, aab laa Nasaret appa ta dayom. Amuppa propet ag nai madippig amu, nai amu elele mettom. Nai amuam inam. “Ag nuhignu, Nug am Nasaret danab,” akkulag.

Luk 2:39

Amu aa keeke oh Naɗinu ɗo atte bia heya malaeh, ag Galili goya, ahilah aab Nasaret, ag appa goppig.

Luk 2:42

Haen Jesus Nug maɗ nuhig 12, aria ag hobul amunu kobol dim lamidna, Jerusalem teppig.

Luk 2:51

Aria, Jesus Nug aa ele eɗun, Nasaret gona, Nug aa oɗelah dim lamittette, anig nug keeke amu ohnu ooppa me dayeye, dabmaama dayom.

Luk 4:15

Hanhan Nug Juda dilag nai doyak lakka nai mehuqaqa, danab ah ippuanattette, danab ah oh ag Nug binag meppig.

Luk 4:17

ag Kayaknu propet Aisaianu buk itoɗiak medappig. Nug buk awa kola, Nug Kayak naippa nai inam daatte, amu antta ebqeum.

Luk 4:21

Anttegeg amu Nug digma amelagppa aum. “Gemu da Kayak nai imu ebqeiyi, nai amu aakku meu oum,” awa aum.

Luk 4:23

Aon aeg, aria Nug ag amelagppa aum. “Genabnab genab ag oiyak ehanittaknu nai tutu dahilnu inam akkulag, ‘Dokta, na nakka na beɗun babaitte! Kobol na Kaperneam aabppa he, ig nai doomut ele amu, amubia ippa, imuam na appan diig, ippa ele he!’ aon akkulag.”

Jon 18:20

Oɗ mette amu Jesus Nug oɗeppa awa inam aum. “Da Juda danab ah qagmettebppa, ag amelagppa miag atiakppa nai mattimi. Da nai doyak lag kuɗumppa, amu mettid lag ooppa ele ippunittak maadttami. Da lokkumakppa laa ii mehuqttami.

Aposel 17:2

amunu, Pol nug hettom amubia ha, nug Juda dilag nai doyak lag ooppa noa, Sabat ewam amu oh nug anam haaha, nug Kayak nai ippuanattette, nai amunu ag ele madippig.