Luk 3:8 - Nobonob Baibel

⁸ Ag oolag eɗueb, kobol ena dim lamitteg! Amu ele ag oolagppa inam aib digmena appig. ‘Abraham nug ig mamenig, nug am genab tutukku hak danab, ig nug buɗub daattem amunu, nuhig hak enappa ig nob ii aomta.’ Da ag amelagppa attem, Kayak Nug men imu ag eɗun, Abraham bekkod daaglagnu hekkunu elele.

Luk 3:8 ပူးပေါင်းရင်းမြစ်များ

Nehemaia 5:11

Amge anamib iitta. Ag laa ag amu heppig ele amu, ag paha eɗun, ahilkad wan, ahilkad grep dad, ahilkad olip dad, ag laulkad ele, ag amu dilag keeke amu lonnu onig awak daye aoppig ele amu, ag eɗun paha matteg! Ag amu mattanna, ag aɗi lon mattan, dimppa eɗun, lonnu intres, ag amu ele aoppig, ag tuɗittak amu ele eɗun matteg! Ag tuɗittak amu men doɗoppanu aoppigtai, o ee aegppanu aoppigtai, o wain bauppanu aoppigtai, o goɗenppanu aoppigte amu, ag men doɗo, o ee aeg, o wain bau, o goɗen amu oh, ag amu eɗun, daɗek matteg!” awe ami.

Esekiel 33:24

“Danab bekka, kekeɗ ag Israel wan heeg nauhom amu, Israel danab ah appa daatteb ele ag inam atteb. ‘Abraham nug danab laippuib, amge Kayak wan imu mette, nug wan imu oh awom, amge ig am kuɗum amunu, genab Kayak he, ig wan imu ihinig daakkunu aomut daattem,’ aon atteb.

Matyu 21:43

Amunu da ag amelagppa attem. Kayak Nug nuhig ɗo maɗoɗ ahilagppanu awa, danab laa eppelagppa meeb, ag meu ena aon mettaglag.

Matyu 3:8

Ag oolag eɗueb, kobol ena dim lamitteg!

Matyu 3:9

Amu ele, ag oolagppa inam akkulagnu aib dabmeppig. ‘Abraham nug ig mamenig, nug am genab tutukku hak danab, ig nug buɗub daattem amunu, nuhig hak enappa ig nob ii aomta.’ Da ag amelagppa attem, Kayak Nug men imu ag eɗun, Abraham bekkod daaglagnu hekkunu elele.

Luk 13:25

Lag mameg nug aha, lag od maneb amu ag uɗina, dimittim daanna od qeqalnana, inam unuqkkulag. ‘Naɗi od matulna mekke!’ aon akkulag. Amu geha nug ag amelagppa akku. ‘Da ag ii doyadttem, ag adeppanu uɗippig?’

Luk 13:26

Nug anam ab amu, ag nug amegppa akkulag. ‘Ig amu na ele ee, le ele lamut. Na ig ippunigppa daanna, ippunittak nai ele ame,’ aon akkulag.

Luk 14:9

Anam dayeb amu, aa oh hobulppa uɗipeɗ, aria danab onilahppa eum ele nug doa, na balal anuqakppa daappe anitta, nug na amenppa, ‘Na balal amu danab okkai binag ele imu mette!’ akku. Anam ab am na geha uɗan eheɗ neebeb, na gona laa oh dimulagppanab daakkut.

Luk 19:40

Aon aeg amu Jesus Nug ag anam appig amunu amelagppa aum. “Da ag amelagppa attem, imu ag oɗelag qamutppeg amu, men ag ekkulag,” awa aum.

Luk 19:9

Anam a, Jesus Nug Sakius amegppa aum. “Gemu Kayak Nug na, nahipad ele eɗua diiattom. Aɗinu? Na am Abraham bekka genab,” awa aum.

Luk 5:21

Nug anam a amu ɗo mehuqak danab amu ɗo gumak danab-Parasia ele appa daana, ag akka akka dabmakppa inam appig. “Danab imu amu Nug am aun? Nug nai umu atte amu Nug Kayaknu dabittak nai maditte. Kayak Nug nukka hipunin uhuqa megakkunu elele,” aon appig.

Jon 8:33

Jesus anam a amu ⌊laala nuhignu oolagppa genab ii dooppig amu⌋ ag appig. “Ig am Abraham bekkod, am ig haen laa wanppanu danab laanu begbeg maɗi nid ii daamut. Am attem hena, na ig uhuqak ena aognignu attem?” aon appig.

Jon 8:39

Nug anam a amu, ag appig. “Ig mamenig am Abraham,” aon appig. Aeg amu Jesus amelagppa aum. “Ag genab Abraham buɗuppudlob, ag nug kobol heum bia helob.

Aposel 26:20

Iitta. Da tatam Damaskus danab amelagppa nai mattie, dimppa Jerusalem danab, Juda danab, amu iitta aɗi ele amelagppa ami. Da ag amelagppa nai inam mattimi. ‘Ag oolag eɗueb, ag eɗun Kayak waappa daanna, danab laala ag genab oolag eɗuom anidkkulagnu, ag kobol tutukkuib dim lamitteg!’ awe ami.

Rom 4:16

Amu Kayak Nug nai qakka ana, ig eɗua awigkkunu aum, amge ig amu hamu mauhnoak aognignu ii aum. Iitta. Ig nuhignu oonigppa genab doota, ig aognignu aum. Ig ɗo dim lamidta aognignu ii aum. Ig ooppa genab doyaknu ib, ig ib amuppa aognignu diig am, ig Kayak Nug ehanittak okkai hamu megatte, kobol nuhig amuppaib ig aognignu babaittom. Aria, ib amuppa awaknu daatte dayeb amu, ig Abraham buɗub oh, laa ig Juda danab, laa ag Juda danab iitta, ig oh ig Abraham ooppa genab doyom, amubia ig oonigppa genab doot, nug buɗub daattem ele amu, ig oh ib amuppa Kayaknu keeke ena genabnab aognignu doognig. Aɗinu? Ib amuam danab oh tonadkkunu elele daatte. Anam daatte amunu, Abraham nug am ig oh ig mamenig daatte,

Rom 9:7

Ele amu laa oh ag Abraham tiigppan doppig ele amu, Kayak Nug ag ahilag ohnu nai ii qakkom amunu danab oh ag Abraham tiigppan doppig, ag oh am nug bekkodnab ii daatteb. Aɗinu? Anukka Kayak Abraham amegppa inam aum. “Na buɗunadnab am Aisak, nuhigppa bekkulag,” awa aum.

Pilipai 1:11

Oo mauhak kobol ahilag am okkai dayebeb, haen ag wan imuppa oitteb ele, genab tutukku hak kobolppan meu, Jesus Kristus he betteb ele amu, meu amu oh ahilagppa naɗi daaglag. Amuppa ag Kayak Nug binag amahlak oppiaawak ele okkai medappeg, Nug binag naɗi ele daakku.