Luk 3:7 - Nobonob Baibel

⁷ Aria Jon nug nai mehuqeqe, danab ah kuɗumnab ag layattak aoglagnu nug gumidna goppig. Ukkaeg nug ag amelagppa aum. “Ag am danab nau, mat nau bia. Aun nug nau aomnanu nai ag amelagppa mattie, ag Kayaknu oppoɗi bak uɗitte ele ii aqamanu uɗippig?

Luk 3:7 ပူးပေါင်းရင်းမြစ်များ

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

Aisaia 59:5

Mat nau oppalkad makkuleg, mat nau betteb, amubia Israel danab ag heeg, kobol eheɗ kuɗum betteb. Danab laa nug mat nau amu oppa laa lakkunu haaha, oppa oppate, mat nau ba emale mauhtte. Ge, laa nug oppa amu oppate, mat nau aakku bette. Danab amu ag goɗim nug nuhig teɗ bappaidtte, amubia danab amu ag hambuppuak nai maditteb.

Matyu 12:34

Ag danab nau, ag am mat nau bia. Danab ooppa aɗi dabmak ambak niitte, amuib amu oɗeppa ele maditte amunu, ag nau daatteb, ag attemun ag kobol enanu mattiglag?

Matyu 23:33

Ag danab nau, mat nau bia! Kayak Nug ag hettoɗiakppa maatteb, ag padal mekkulag. Ag attem hena amu ii anidmana?

Matyu 3:6

ag hipunin ahilag miagib mattiegeg, Jon nug Jodan leppa layattom.

Jon 8:44

Ag mamelag am Satan; ag nug bekkod daatteb amunu, ag mamelag oo niitte amu, ag dim lamidkkulagnu wagai metteb. Nug wannu digmak haenppanu danab aqe mauhtteb. Ag mamelag nug doyak diig genabib ii dim lamidtte. Aɗinu? Doyak diig genabib amu nuhigppa ii daatte. Nug hambuppuak nai mattiaya amu, nug nuhig diig aakkuib dim lamidtte. Aɗinu? Nug nai hambuppuak maditte, nug nai hambuppuak mamegnab ele daatte.

Aposel 13:10

“Na Satan bekka. Na kobol ena oh dilag kekeɗ. Hambuppuak kobol oh amu kobol naunab oh ele na beɗunppa ambaknab. Na hanhan Naɗinu ib tutukku oh heppe, kaliak daaglagnu hettem amu, na kobol amu genab iinab uumna?

1 Tesalonaika 1:10

ag Kayak Bekka Nug hab aabppanu eɗua uɗikkunu haen ameg mettebnu ele maditteb. Nug anukka mauhe, Kayak Nug he, Nug mauhakppanu eɗua hibaittom. Amuam Jesus, Nug dimppanu hipuninnu bu aqak, Kayak eppegppanu uɗitte amu, ig amu aomtanu eɗua awikkom.

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.

1 Jon 3:8

Satan nug digmakppanu uɗie, gemu ele hipunin hette amunu, aun nug hipuninppa oitte amu, nug Satannu danab daatte. Kayak Bekka Nug Satannu hak nau amu heeb nauhkkunu miag atia beum.