Luk 3:5 - Nobonob Baibel

⁵ Ag ib uɗem elele ukkak daakkunu, ag oolnu noak elele mettan, qauko nakok buun, elele mettan, ib kaliak amu tutukku mettan, amu ib qe ta qe nak am ele tutukku elelenab metteg!

Luk 3:5 ပူးပေါင်းရင်းမြစ်များ

Aisaia 40:4

Ag ib uɗem elele ukkak daakkunu, ag oolnu noak elele mettan, qauko nakok buun, elele mettan, ib qe ta qe nak am ele tutukku elelenab mettan, ib bai biappa gotte am heppeg, uɗem dayaɗ!

Aisaia 42:16

Da geha dahilad danab ah, ag amelag gaɗuak bia daatteb amu, da ag omaladppi, ib ag anukka ii dooppig ele amuppa gokkunig. Yo, da ag omaladppi, ib ag anukka ii anidppig ele, ig amuppa gokkunig. Da heppi, gatatu ag tonattom daatte amu, gatatu amu oppiak ele dayeb, ag amahlak aoglag. Da heppi, aben qe ta qe nak ele, am uɗem tutukku daakku. Genab, da anam aakku ehanadkkulnu hekkul; da ag iinab uuadpa.

Aisaia 45:2

“Da geha anuqe ukken, na uug nau nittamanu da danab nug laa ag ib laappa oiglagnu ib bappaidtte bia, da ehanitte, nahip ib babaitte medakkul. Amu danab laa, aab okkai, o iitta lag laa ooppa nokkunu od brasppa hattak, o manak qaknu keeke aenppa hattak okkulatta, ooppa notte, amubia da na ehanitten, qagaiettak okkai anidkkut amu, da mautkkul.

Aisaia 49:11

Da heppi, qauko ag eɗun aon, ib daaglag, amu ib da bappaidttem ele, amu oh am ib enaib daaglag.

Esekiel 17:24

Amu wanppan ad oh ag danab daaloblob, ag dahilnu inam doolob, ‘Nug Yawe, Nug he, ad elab ag tutu daatteb, amu Nug he, ad naunau ag elab tetteb. Nug he, ad bau ag bunaɗtteb, amu nug he, ad bunaɗak ag bau daatteb. “Da, Yawe, da nai madittem. Da aɗi keeke hekkulnu ami amu hekkul.” ’ ” Naɗi Yawe Nug anam atte.

Jems 1:9

Ig Kristen lainig laa nug daɗek daatte amu, nug maɗoɗppan gamag ahak dookku am ena. Aɗinu? ⌊Nug Jesusnu ooppa genab dootte amunu,⌋ nug Kayak noobppa onig ele.