Luk 3:23 - Nobonob Baibel

²³ Jesus Nug layattak awom dimppa, Nug nuhig maɗ 30 anam dayaya, Nug uɗat digma heum. Nug am Kayak Bekka, amge danab ah ag nuhignu, “Nug Josep bekka,” aon appig. Josep mameg am Heli.

Luk 3:23 ပူးပေါင်းရင်းမြစ်များ

Genesis 41:46

Josep nug maɗ 30 dayaya, nug Isip dilag King Paronu uɗat digma, nug toppanu aha ukka, Isip wan ooppa talilia oiyom.

2 Samuel 5:4

Dawit nug maɗ 30 dayaya, nug king ba dayom. Nug king ba, nug maɗ 40 king dayom.

Namba 4:47

Ag danab oh ag maɗ ahilag 30 ukka 50 batak ele, danab amu ag uɗin, mettid haknu peh lag danab ah appa qagmetteb ele, ag appa Yawenu uɗat hekkulagnu, ag lag amunu keeke ele maoglagnu elele amu, ag ag ebaqappig. Ag ahilag ebqak amu 8,580 teum.

Matyu 1:1

Imuam Jesus Kristus memetappud buɗulkad dilag nai. Jesus Nug am Dawit buɗub, Dawit nug Abraham buɗub.

Matyu 1:16

Jakop bekka am Josep. Josep amu, nug Maria gamu. Maria nug Jesus menuom. Jesus Nug am Kristus.

Matyu 1:6

Jesi bekka am King Dawit. Amu Dawit wau Batseba ele, aa bekkalah am Solomon. Batseba nug tatam Uria wau dayom.

Matyu 13:55

Nug am lag hak danab bekka! Ig doottem, Maria amu nug anig. Nug amakkud am Jems, Josep, Judas, Saimon ele.

Matyu 4:17

Haen amuppa Jesus Nug Galili appa digma nai mehuqom. Nug nai inam mehuqaqa aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Mak 6:3

Nug lag hak danab iite daatte! Ig doottem, nug am Maria bekka. Nug amakkud am Jems, Josep, Judas, Saimon ele. Amu nug appinkkud ag oh ig ele iite daattem?” aon appig. Ag anam anana, ag oolagppa Jesusnu ena iinab dooppig.

Luk 2:48

Daaegeg, mameg anig ele aa Nug anidya, aa ottaiya, dabmak kuɗum aoya, anig Nug amegppa aum. “O nid dahil, na aɗinu inam he, i inam oittep? Na mamen nug da ele i oonih uugnab dayeye, na mattidmuɗ,” awa aum.

Luk 3:31

Eliakim mameg am Melea, Melea mameg am Mena, Mena mameg am Matata, Matata mameg am Natan, Natan mameg am Dawit.

Luk 4:22

Nug a, ag doonna, ag Nug binag menana, ag nai genab ittag ele Nug mattiom amu, ag amunu dabmak kuɗum ele aoppig. Amu ag appig, “Adekkutai? Danab umu Nug am Josep bekka iittatai?” aon appig.

Jon 1:45

Anam a amu Pilip nug Nataniel mattia antta, amegppa aum. “Danab Moses nug anukka ɗo naippa nuhignu yom, propet ag ele nuhignu yaappig amu, ig aakku anidmut. Nug am Josep bekka Jesus, Nasaret ted,” awa aum.

Jon 6:42

Ag inam mattinna appig. “Danab umu Nug am Jesus, Josep bekka. Nug anig mameg ele amu ig iite doottem? Attem he Nug, ‘Da hab aabppanu uɗimi,’ awa atte?” aon appig.

Aposel 1:1

O Tiopilus, yaak dahil da tatam yaami amu, da yaak amuppa Jesus Nug uɗat oh heumnu, Nug danab ah keeke ippuanattomnu ele yaami. Nug uɗat amu digme uɗie, deɗ Nug hab aabppa teum batak, Nug uɗat amu oh heum. Amge ii ukkom haenppa Nug gokkunu haaha, tatam Nug nuhikkud totol danab 11, Nug tituanattom ele amu, ag aɗi aɗi hekkulagnu, Nug Kayak Ouɗi ɠagattagppa nai mattom.