Luk 3:1 - Nobonob Baibel

¹ Amu Sisar Taiberius nug Rom danab gumadkkunu digme ukke ukke, maɗ 14 uue, nuhig gumak maɗ 15 ooppa, Romnu wan okkai laa onig Palastin ooppa, Pontius Pailat nug wan obatak laa onig Judanu gawana daya, amu gume, Herot Antipas nug wan obatak laa onig Galili gume, amag Pilip nug wan obatak aɗit laa onilah Ituria amu Trakonitis ele gumate, Lisanias nug wan obatak laa onig Abilene gumom.

Luk 3:1 ပူးပေါင်းရင်းမြစ်များ

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

Matyu 14:1

Haen amuppa Herot Antipas nug Jesus onig binag ele doyom.

Matyu 14:3

Amunu diig am Herot, Pilip ele, aa eamag, amu Herot nug Pilip wau Herodias aɗitta awe, Jon nug Herot amegppa aum. “Na nug wau aome, amuppa na ɗo tippalme, kobol amuam ena iitta,” awa aum. Nug anam awa attom amunu, Herot nug Jon hippala, maniguittakppa meum.

Matyu 14:6

Anam dayom, amge Herotnu menuak deɗppa, Herodias aɗeg ɗo danab kuɗum noolagppa ahi goɗe, Herot nug ittag qeum

Matyu 22:17

amunu, na keeke imu appe doognig. Na attem doottem? Ig takis Sisar mettagnig am kobol tutukku, o kobol tutukku iitta?” aon appig.

Matyu 27:2

Qakkona amu, ag Jesus eppeg muɗippa qakkana, aon gona, Pailat eppegppa meppig. Pailat nug gawana dayom.

Mak 6:17

Amu Jon nug maniguittakppa ii dayom haenppa amu, Herot nug Pilip, aa eamag amu, nug Pilip wau Herodias aɗitta awom. Awe amu Jon nug Herot amegppa, “Na nug wau aome, amuppa na ɗo tippalme, kobol amuam ena iitta,” awa attom amunu, Herot nug a, nuhikkud daup danab ag gona, Jon aɗan, aon gona, maniguittakppa meppig.

Mak 6:21

Aria, ag anam daanna, deɗ laa Herodias nug Jon qekkunu ib anttom. Deɗ amuppa Herot nug nuhig menuak deɗ be, nug gabmannu ikki danab, ban daup ikki danab, amu Galilinu danab okkai laala ele, ag nuhig menuak deɗ amunu gamag ahak hekkulagnu hobul heum.

Luk 13:31

Jesus Nug nai amu mattia male, haen amuppa ɗo gumak danab-Parasia laala ag dona, nug amegppa appig. “Na laih imu uun, ahan laih ukke! Herot Antipas nug na nitteb mauhkkutnu hette,” aon appig.

Luk 2:1

Amu Elisabet nug Layattak Jon menue, haen amu nakok dimppa Kwirinius nug Siria dilag gawana dayeye amu, Sisar Ogastus nug Rom danab oh onilkad bukppa yaalattak daaglagnu ɗo meum. Imuam haen anuqak ag onilag yaak uɗat amu heppig.

Luk 23:24

amunu, Pailat nug ahilag nai dim lamidkkunu dabma,

Luk 3:19

Anam haaha amu nug Herot Antipas eheɗ ha, nug Pilip, aa eamag amu, nug Pilip wau Herodias aɗitta awa, kobol nau kuɗum laala ele heum doya, Jon nug amunu Herot daug batom.

Luk 9:7

Aria, Herot Antipas nug Galili wan guma dayeye, Jesus Nug nuhig uɗat heehe, Herot nug uɗat oh Jesus heumnu doya, nug dabmak kuɗum awom. Aɗinu? Danab laala ag, “Herot nug Layattak Jon baag otaɗom, amge Layattak Jon nug eɗua hibaitta oitte,” aegeg doyom.

Aposel 23:26

“Da Klodias Lisias, da ad uɗug imu danab naɗi, gawana Peliksnu iikku yaattem. Da na humidttem.

Aposel 24:27

Amu Peliks nug anam haaha dayeye, dimppa maɗ aɗit ukke amu, Porsius Pestus nug Peliks abenab aokkunu uɗiom, amge Peliks nug Juda ag oolag ena daakkunu Pol maniguittakppanu ii uhuqom.

Aposel 26:30

Pol nug nai amu mattia male, King Agripa, gawana Pestus, Bernaisi, amu danab daappig ele, ag ahan,

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.