Luk 23:7 - Nobonob Baibel

⁷ Aria, nug Jesus am Galilinu, Herot Antipas wan amu gumom ele, appanu uɗiom doyowa, nug me, Herot toppa ukkom. Haen amuppa Herot nug Jerusalem dayom.

Luk 23:7 ပူးပေါင်းရင်းမြစ်များ

Matyu 14:1

Haen amuppa Herot Antipas nug Jesus onig binag ele doyom.

Matyu 14:3

Amunu diig am Herot, Pilip ele, aa eamag, amu Herot nug Pilip wau Herodias aɗitta awe, Jon nug Herot amegppa aum. “Na nug wau aome, amuppa na ɗo tippalme, kobol amuam ena iitta,” awa aum. Nug anam awa attom amunu, Herot nug Jon hippala, maniguittakppa meum.

Matyu 14:6

Anam dayom, amge Herotnu menuak deɗppa, Herodias aɗeg ɗo danab kuɗum noolagppa ahi goɗe, Herot nug ittag qeum

Mak 6:14

Amu Jesus Nug nuhig uɗat heehe, uɗatnu nai wan amu oh tone, King Herot Antipas doyom. Doyeye, danab laala ag Jesusnu uɗat amu anidna doona ag, “Danab amuam Layattak Jon mauhe, Kayak he, nug eɗua hibaittom amunu, kobol danab hekkunu elele iittanu ɠagattag okkai okkai amu nuhigppa bette,,” appig.

Luk 13:31

Jesus Nug nai amu mattia male, haen amuppa ɗo gumak danab-Parasia laala ag dona, nug amegppa appig. “Na laih imu uun, ahan laih ukke! Herot Antipas nug na nitteb mauhkkutnu hette,” aon appig.

Luk 23:6

Ag anam aon aeg, Pailat doya amu nug ag oɗ mattom. “Danab imu Nug am Galili danabte?” awa aum.

Luk 3:1

Amu Sisar Taiberius nug Rom danab gumadkkunu digme ukke ukke, maɗ 14 uue, nuhig gumak maɗ 15 ooppa, Romnu wan okkai laa onig Palastin ooppa, Pontius Pailat nug wan obatak laa onig Judanu gawana daya, amu gume, Herot Antipas nug wan obatak laa onig Galili gume, amag Pilip nug wan obatak aɗit laa onilah Ituria amu Trakonitis ele gumate, Lisanias nug wan obatak laa onig Abilene gumom.

Luk 9:7

Aria, Herot Antipas nug Galili wan guma dayeye, Jesus Nug nuhig uɗat heehe, Herot nug uɗat oh Jesus heumnu doya, nug dabmak kuɗum awom. Aɗinu? Danab laala ag, “Herot nug Layattak Jon baag otaɗom, amge Layattak Jon nug eɗua hibaitta oitte,” aegeg doyom.

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.