Luk 23:4 - Nobonob Baibel

⁴ Aakku Pailat nug mana mettak ikki danab amu danab ah kuɗum ag amelagppa aum. “Da danab imu nuhigppa eheɗ hak laa da ii anidmi,” awa aum.

Luk 23:4 ပူးပေါင်းရင်းမြစ်များ

Matyu 27:19

Pailat nug anam oɗ matta, nug hettoɗiak abenppa dayeye, nug wau nai inam me uɗiom. “Danab beɗuppa aab iitta amunu amu, na nuhigppa keeke laa aib heme. Da gemu nuhignu tul niimi, amu da uug, guittak ele huanak doomi,” awa aum.

Mak 15:14

Ag anam eppig, amge Pailat nug oɗ mattom. “Aɗinu? Nug aɗi eheɗ heum?” awa aum. Nug anam aum, amge ag huanak ena appig. “Ad emaitakppa atule!” eppig.

Luk 23:22

Aria Pailat nug baula, amuam haen ewam, amelagppa aum. “Aɗinu? Nug ɗo tippalak aɗi heum? Nuhigppa ɗo tippalak laa, ig Nug qepput mauhkkunu da laa ii anidmi. Anam amunu, da heppi, nug bu mettak aweb, da heppi gokku,” awa aum.

Jon 18:38

Nug anam a amu Pailat amegppa aum. “Doyak diig genabib am aɗi?” awa aum. Nug anam ana, nug aha, dimittim Juda gumatta ukka aum. “Da nuhigppa ɗo tippalak laa ii anidmi.

Aposel 25:25

Amge da nug mauhkkunu keeke laa ii anidmi. Amge nug nukka Sisar nug nuhig nai dookkunu a amu, da nug Sisar toppa meppi gokkunu ai, nug amu ameg ma daatte.

Aposel 3:13

Abrahamnu, Aisaknu, Jakop elenu Kayak, Nug am ig mamenkad aɗi dilag Kayak, Nug aakku nuhig uɗat imuppa nuhig maɗi nid Jesus binag amahlak oppiaawak ele mettom. Amge ag amu, ag Nug aon, kekeɗ eppelagppa meppig. Pailat nug uhuqkkunu aum, amge iitta, ag am danab amu, Nug Jesus amu, ag Nug Pailat noobppa dimedappig.

Hibru 7:26

Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.

1 Pita 1:19

Ag Kristus, Kayaknu Sipsip Nag, Nug am hipunin iitta, dubuttid ele iitta, ag Nug tiig enanag, amuppa ag uhuqak amu aoppig.

1 Pita 2:22

Nug hipunin laa ii heum, oɗeppa nai hambuppuak ele ii dayom.

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.