Luk 22:40 - Nobonob Baibel

⁴⁰ Ukka Nug qaukoppa ta amu, ippunittak awak danab amelagppa aum. “Satan ag eeɗatteb eheɗppa gomananu amu, ag unuqitteg!”

Luk 22:40 ပူးပေါင်းရင်းမြစ်များ

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

Luk 22:46

Anatta Nug amelagppa aum. “Ag aɗinu niitteb? Satan ag eeɗatteb eheɗppa gomananu amu, ag ahan unuqitteg!” awa aum.

Revelesen 3:10

Na dahil haknunab nai dim lamidna, uug oh oo bodoettak ele maon oime amunu, da danab ah wan atu oh dilagppa uug naɗi, ma anttak madakkunu bekku amu, da na atognoidkkul; uug amu nahip-ppa ii bema.

Luk 11:4

Laa hipunin megatteb, ig uhuqta madattem amubia na hipunin ihinig uhuqna megakkutnu na unuqidttem. Na ippun ena, ig nau hekkunignu eeɗak iittappa omaigppe gokkunignu oɗ medattem,’ ” awa aum.

Sam 119:133

Na nahip nai ippuniɗnana, amuppa na oiyak dahil ulum mettan heppe, hipunin da ii gumiɗmanu oɗ medattem.

Sam 17:5

Da na ippunppa oimi. Ao, da na dim lamittaknu ii uumi.

1 Stori 4:10

Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

Sam 19:13

Keeke laa amu, na oot da, nahip maɗi nid, na da meɗan ehaniɗna heppe, da doyeye hipunin ii hepanu unuqidttem. Ao, na oot da meɗan ehaniɗna heppe, hipunin amu da ii gumiɗmanu oɗ medattem. Na anam hekkut amu, da oolppa nahip neekkakppa kaliak laa ii daama. Yo, da hipunin laa, okkai naɗi daatte amu, da amu ii hein, beɗulppa aab ii daama.