Luk 22:32 - Nobonob Baibel

³² amge Saimon, da na ehanitten, ooppa genab doyak nahip amu iitta ii memanu Kayak unuqidmi. Amu geha na eɗun ɠagattag daanna, na laipad ɠagattag daaglagnu ehanatte!” awa aum.

Luk 22:32 ပူးပေါင်းရင်းမြစ်များ

Matyu 18:3

Nug aum. “Da genab ag amelagppa attem, ag oolag ii eɗueb, ag nid naunau ag ⌊mamelkad waalagppa⌋ daatteb bia ⌊Kayak waappa⌋ ii daaglag amu, ag Kayaknu ɗo maɗoɗ ooppa iinab nomana.

Matyu 26:75

Matuk gaye amu Jesusnu nai Pita daugppa doum. Nai amuam inam. “Tuqan imuppa na dahilnu, ‘Da Nug ii doottem,’ aon, ewam batak akkut. Na haen ewam anam appe, geha matuk dawai nug gaakku.” Nai amu Pita daugppa do, nug dimittim ukka, huanaknab gayom.

Mak 14:72

Pita nug anam a amu, matuk dawai nug paha haen ebqak aɗit gayom. Gaye amu Jesusnu nai, “Tuqan imuppa matuk dawai haen ebqak aɗit ii gayeb, na dahilnu, ‘Da Nug ii doottem,’ haen ewam batak akkut,” nai amu Pita daugppa doum. Nai amu Pita daugppa do, nug dabmaama gayom.

Mak 16:7

Amunu ag gona, Pita amu Jesusnu ippunittak awak danab laa oh ele inam appeg doyeg! ‘Jesus Nug anuqa, Galili gotte amunu, ag ele gona, Nug anukka aum bia appa Nug anidkkulag,’ ” awa aum.

Luk 8:13

Amu ee aeg men duqe ukkakppa nena qeppig ele, nai amu inam ippunigtte. Danab laa ag nai doon, oolag gamag ahehe, pahanab aotteb, amge ahilag ooppa genab doyak am ɠagattag iitta, haen tutuib daatte amunu, deɗ laa ahilag ooppa genab doyak iitta mekkunu uug laa be, ag paha ahilag ooppa genab doyak paɗatteb.

Jon 14:19

Nakok laa ele wan imuppan danab ah wannu kobol dim lamadtteb ele, ag da ii aniɗmana, amge ag dahilad daatteb amu, ag am da aniɗkkulag. Da haen amuppa bau daakkul amunu, ag ele bau daaglag.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Rom 8:32

Nug Bekka ig megakkunu amu Nug amunu oo ii qe, Nug ig oh ehanigkkunu me uɗiom. Nug anam heum amunu geha, keeke laa oh ele amu, Nug ig iite megakku? Yo, Nug megakku.

Rom 8:34

Aun nug danab ah amu hipuninnu nob nau aoglagnu akku? Auntai, laa iitta. Aɗinu? Jesus Kristus Nug nukka aakkuib mauhowa, Nug eɗua hibaitta, gemu Nug hab aabppa Kayak eppeg naɗiap-ppa dayaya, ihinignu Kayak unuqidtte.

2 Timoti 2:18

Danab amunu amu, ag doyak diig genabib apiɗidna, ag inam atteb. “Mauhakppanu eɗua hibaittak am ba malom,” aon atteb. Ag nai amuppa danab laala ag ahilag ooppa genab doyak heeg nauhtte.

Taitus 1:1

Da Pol, da Kayaknu maɗi nid, amu Jesus Kristusnu totol danab ele daattem. Kayak Nug da laa Nug ag tituanattom ele, da ahilag ooppa genab doyak ehanidkkulnu, da ele doyak diig genabib, doyak amuam ag Kayaknu neekkakppa genab tutukku hak danab daaglagnu ippunadtte amu, da ag doyak amu ele ippunadkkulnu meiɗe uɗimi.

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

1 Pita 1:1

Da Pita, da am Jesus Kristusnu totol danab. Da nai imu ag Kayaknu danab, Nug tituanattom ele, ag prowins onilkad Pontus, Galesia, Kapadosia, Asia, amu Bitinia ele, ag aab diig danab iitta goppig daatteb amu, da ahilagnu yaattem.

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

1 Pita 1:5

Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.

2 Pita 3:14

Amunu O lailad, ag keeke amu ameg mena daatteb amunu, ag oolagppa oppiak daaglagnu, ag danab oolagppa kaliak laa iitta ele daaglagnu, ag Kayak, Nug ele maɗoɗ daaglagnu, ag wagai menana dayeg!

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.