Luk 22:11 - Nobonob Baibel

¹¹ Goya lag mameg amegppa inam aiɗ! ‘Ippunittak danab ihinih Nug inam aum. “Da dahilad ippunittak awak danab ele ig na lautppa oo attenppa Pasowanu ee lakkunignu elele?” ’ aoya akkulah

Luk 22:11 ပူးပေါင်းရင်းမြစ်များ

Matyu 21:3

Aa anam hebepeɗ, danab laa nug anata, nai laa ab amu, aa inam aiɗ! ‘Naɗi Nug ahilahppa uɗat ele.’ Anam apeɗ amu, nug pahanab mateb, aa diiatya uɗiglah,” awa aum.

Mak 14:14

Dim lamidya gopeɗ, nug lag attenppa teeb, aa lag amu mameg amegppa inam aiɗ! ‘Ippunittak danab ihinih Nug inam aum. “Da dahilad ippunittak awak danab ele ig na lautppa oo attenppa Pasowanu ee lakkunignu elele?” ’ aoya akkulah.

Luk 19:31

Aa anam hebepeɗ, danab laa, ‘Aɗinu aa donki amu uhuqttep?’ awa oɗ mateb amu, aa inam aiɗ! ‘Naɗi Nug nuhignu uɗat ele.’ Aa anam aiɗ!” awa aum.

Luk 19:34

Aon aeg amu aa apiɗ. “Naɗi Nug nuhignu uɗatab ele,” aoya apiɗ.

Luk 19:5

Amu haen Jesus Nug ukka ukka, Sakius dayomppa ta, ⌊baeg ya dayaya amu,⌋ Nug ameg huma attan neekka, nug amegppa aum. “Sakius na paha ne! Gemu da na lautppa daakkul,” awa aum.

Luk 22:10

Oɗ mettaeh, Nug amelahppa aum. “Doyeɗ! Aa goya aab okkaippa nobepeɗ, appa amu danab nug nippud le ambak ele mawa doa, aa uɗalah teeb, aa nug dim lamidpeɗ, nug lag laappa ukkeb, aa lag amuppa ele ukkeɗ!

Luk 22:12

Aa anam apeɗ, geha nug lag oo okkai attan, balal, dayak aben ele ippuanateb, aa lag oo amuppa Pasowa ee babaitteɗ!” awa aum.

Jon 11:28

Marta anam awowa, nug lakka ukka, nug Maria, nug Maria ele aa emakkeg, nug nug onigppa e do, omala nakok giginppa ukka, amegppa aum. “Ippunittak danab uɗiom, uppa uma ibppa dayaya na oninppa ette,” awa aum.

Revelesen 3:20

Antte! Da lag odppa dayeye, od qeqalele daattem. Aun laa nug doya od matuleb amu, da lag ooppa noppi, nug ele ee lakkunih.