Luk 20:16 - Nobonob Baibel

¹⁶ Nug inam hekku. Nug aha ukka, dad uɗat danab amu oh aqeb mauhppeg, nug grep dad amu eɗua awa, danab laala eppelagppa mekku,” awa aum. Am Jesus Nug nai amu mattie, danab ah ag doyona, ag appig. “Keeke anam amu aib beum!” aon appig.

Luk 20:16 ပူးပေါင်းရင်းမြစ်များ

Matyu 21:34

Dimppa, haen grep meu awak haen miag do, nug nuhikkud maɗi nid laa maatte, ag grep meu nuhig aoglagnu dad uɗat danab gumadna goppig.

Matyu 21:41

Jesus Nug anam a amu, ag appig. “Nug maɗi nid nau amu aqa aut autanab aweb mauhkkulag. Mauhppeg, nug grep dad amu eɗua awa, dad gumak danab laa eppelagppa meeb, dimppa ag meu ena haenppa aon mettaglag,” aon appig.

Matyu 22:7

Am king nug nai anam doya, nug oppoɗi huanak be ameg ele kokoɗ eppe, nug he, nuhikkud ban danab ag gona, danab ag nuhikkud maɗi nid aqaeg mauhppig ele, ag ohnab aqappig; aab okkai ahilag ele manaeg ewa, iitta meum.

Mak 12:9

Jesus Nug anam ana amu, Nug nai tuɗitta oɗ mattom. “Ag anam heppig amunu, dad mameg nug ahilagnu aɗi hekku? Nug inam hekku. Nug aha ukka, dad uɗat danab amu oh aqeb mauhppeg, nug grep dad amu eɗua awa, danab laala eppelagppa mekku,” awa aum.

Luk 19:27

King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.

Luk 20:15

Ag anam awona, ag ahan, bekka amu aɗan buɗieg, grep dad dimittim ukke, ag qeeg mauhom,” awa aum. Jesus Nug anam awowa, Nug nai tuɗitta aum. “Aria, ag anam heppig amunu, grep dad mameg nug ahilagnu aɗi hekku?

Aposel 13:46

Ag anam heppig amge Pol, Barnabas ele aa amunu ii baɗapiɗ. Iitta! Aa nai baɗak iitta ele mattiya amelagppa apiɗ. “Imu genab, i Kayak nai tatam ag amelagppa apuɗ dooglagnunab dayom, amge ag nai bauklel hanhannu imu doon dim lamidkkulagnu uunna, ag akka ag bauklel hanhannu amu aoglagnu elele ii dootteb heeg miag atiak bette amunu, ag imu doyeg! Gemu i ag uuadɗa, iitta aɗi gumadɗa gokkunih.

Rom 11:1

Amunu da oɗ mettem. Kayak Nug danab nuhikkud geɗattomte? Iittanab iitta! Da ele am Israel ted. Da amu Abraham buɗub, Israel dilag huu okkai Benyamin, amuppanu danab laa.

Rom 11:11

Aria, nai anam daatte amunu, da baula oɗ mettem. Ag eheɗnab nena qeppig, amuppanu ag eɗun ii hippaidmanate? Iittanab iitta! Ag ib apiɗitteg, Kayak Nug danab laa, iitta aɗi, Nug ag diiom. Nug iitta aɗi eɗua diiomnu diig am, amuppa Nug heeb, Israel danab ag, ag iitta aɗi ag gemu Kayaknu kobol enanag aotteb anidna, ag amunu ittag aqeeb, ag dabmak aona, ag Kayak baekkudppa daaglagnu dokkulag.

Rom 3:31

Amunu ig ooppa genab doyak amuppatai ɗo qeut neumte? Iittanab! Ig ɗo aakku qappamut daatte.

Rom 3:4

Iittanab! Danab oh ag hambuppulob, amge Kayak Nug nai hambuppuak ii mattima. Iitta. Nug nai doyak diig genabibppanu aakkuib maditte. Amu Kayak naippa nai laa daatte amubia. Nai amuam inam. “Da hipunin hemi amunu, na Kayak, haen na dahilnu, ‘Na hipunin heme,’ attem am genabib attem. Yo, haen na da hettoɗiakppa meiɗna, na tutukkuib hettem.”

Rom 3:6

Iittanab! Kayak Nug nai doya hettoɗia epeɗia elele mettak kobol ii dim lamidlo amu, Nug attemnab danab oh dilag kobol epeɗiadlo?

Rom 6:15

Amunu ig attem hekkunig? Ig ɗo waappa ii daattem, ig Kayaknu ehanittak okkai hamu megatte waappa daattem amunu, ig hipunin hekkunig am iittate? Iittanab iitta!

Rom 6:2

Iittanab iitta! Aɗinu? Ig am danab mauhom, hipunin laa ii hette, amubia ig hipunin haknu matu uumut amunu, ig attem heta, gemu ig kobol uumut ele eɗut baula hetat oignig?

Rom 7:13

Aria, gemu amu attemu? Keeke ena, amuam ɗo, keeke amute da iwe mauhmi? Iittanab iitta! Hipunin da iwe mauhmi. Amuppa amu, hipunin miag atie, ig nug keeke naunab daatte doottem. Hipunin nug keeke ena amu awa, amuppa haaha, oiɗe mauhmi amunu, hipuninnu diig miag atitte; nug am keeke naunab.

Rom 7:7

Amunu ig aɗi akkunig? Ig, “Ɗo amu hipunin ele aa am keeke laippu,” akkunigte? Iittanab! Amge genab, ɗo nug da hipunin ii ippuniɗlo amu, da aɗi kobol am hipunin ele, da ii doolom. Amu inam bia. Ɗo atte, “Na aib danab laanu keeke amen qeeb aolomnab dabmak eheɗ aome.” Ɗo anam ii alo amu, da danab laanu keeke ameg qeeb aolonab dabmak eheɗ awak kobol am nau amu, da ii doolom.

Rom 9:14

Amunu ig aɗi akkunig? Ig, “Kayak Nug kobol tutukku ii heum,” akkunigte? Iittanab!

1 Korint 6:15

Ag beɗulag anen anen, am Kristus beɗu laih naunau kuɗum daatteb, ag amu iite dootteb? Aria, ig beɗunig anen anen am Kristus beɗu laih naunau kuɗum daatteb amunu, da Kristus beɗu laih nakok laa awen, ib baag ah ele laippu ouaqatkkul am enatai? Anam iittanab! Da anam ii hepa!

Galesia 2:17

Aria, ig Mosesnu ɗo oh dim lamidta, genab tutukku hak danab bekkunignu elele iitta, amge ig Kristusnu oonigppa genab doottem amunu, Kayak Nug ihinignu, ‘Genab tutukku hak danab,’ atte. Amu ig ib amuppa genab tutukku hak danab daattem dayeb, ig haen amuppa ig iitta aɗi ag Mosesnu ɗo laala tippaltteb, amubia tippalttem dayeb amu, ig, ‘Kristus Nug hipunin hekkunignu eeɗikkom,’ akkunigte? Iittanab!

Galesia 3:21

Anam amunu, ɗo nug am Kayak anukka nai qakka aum ele, amunu kekeɗte? Iittanab iitta! Aɗinu? Ɗo am danab bauklel mattaknu ii daatte. Ɗo laa ig danab bauklel megakkunu daalo amu, ig ɗo amu dim lamidpput, Kayak Nug ihinignu, “Genab tutukku hak danab ah,” akkunu elele, amge ɗo laa anambia ii daatte.

Galesia 6:14

Amge da keeke laa binag ii mepa. Iitta. Da Naɗi Jesus Kristus, Nug ad emaitakppa mauhom, da nuhig uɗat amu oh aakkuib da binag mekkul. Kristusnu ad emaitaknu ɠagattagppa amu, wan imuppan kobol da ii toniɗtteb. Da ele, da kobol amu dim lamidttem.