Luk 20:10 - Nobonob Baibel

¹⁰ Am nug appa dayeye, grep meu awak haen be, nug maɗi nid nuhig me, grep meu laih nuhig aokkunu dad uɗat danab gumatta ukkom, amge dad uɗat danab ag maɗi nid amu makkuɗna meeg, eɗua hamu ukkom.

Luk 20:10 ပူးပေါင်းရင်းမြစ်များ

1 King 22:24

Mikaia nug anam a, amu Kenana bekka Sedekaia nug Mikaia nai amu Ahap amegppa mattieye doya, nug aha, Mikaia gumitta ukka, hippeg mataɗa, nug aum. “Ouɗi Yawenu uɗiom amu, nug da uuiɗa, ib attem nahip-ppa ukka, nai amu na amenppa aum?” awa oɗ mettom.

2 King 17:13

Yawe Nug Juda, Israel ele, ag nau aomnanu nai, nuhikkud propet oh oɗelagppa mattom. Nug ag oɗelagppa, Juda, Israel ele dilagppa inam aum. “Ag oolag eɗueb, ahilag kobol nau am uueg! Ag dahil haknunab nai, am ɗo nai ele, da ag mamelkad aɗi dim lamidkkulagnunab mattoya, dahilad maɗi nid, propet, da ag oɗelagppa ele ag amelagppa mehuqmi amu, ag amu dim lamitteg!” awa aum.

1 Stori 19:4

Amon dilag anuqak danab ag anam aeg, Hanun he, laa danab Dawit maatte goppig amu aɗualadna, akkaɗilkad hoina, ahilkad lamen ele gamagppa, ag bitolagppa otaɗadna heeg, ag eɗun goppig.

2 Stori 16:10

Propet danab nug anam a, Asa doya, nug nuhignu oo nauhom. Nug oo huana nauhom amunu, nug Hanani maniguittakppa me dayom. Amu haen amuppa Asa nug eheɗ laa ele ha, nug Juda danab laala, ag nug waappa gai-iitta daappig amu, nug ag eheɗ hattom.

Nehemaia 9:26

Na ahilagnu enanag anam heme, amge ag na oɗen ii dim lamidna, nahip nai tappaeg ne, ag nahip ɗo ag dimulagppa meppig. Ag nahipad propet danab, danab amu ag ag eɗun, na waatppa daaglagnu ag amelagppa madippig amu, ag ag aqaeg mauhppig. Ag dabittak nai nau ele madippig.

Nehemaia 9:30

Ig mamenkad aɗi ag anam heegeg, maɗ kuɗum na oot bodoette, bu ii mattame. Ag oolag eɗueb, na dim lamidkkulagnu haen mattame. Nahip Ouɗi Nug propet danab ehanatte, na propet danab amu oɗelagppa danab amu daulag batame. Na anam heme, amge ag dab-ii-medappig amunu, na hee, ag kekeɗ ag taliliadna daappig ele eppelagppa daappig.

Sam 1:3

Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

Jeremaia 2:30

Da ag Israel ag oolag eɗukkunu bu mattami, amge ag oolag eɗukkunu uuppig. Ag laion doɗ laa aqe mauhtteb, amubia ag qep elabppa dahil propet aqaeg mauhppig.

Jeremaia 20:2

nug he, ag Jeremaia, nug propet amu, ag nug eheɗ makkuɗnana, ag aon gona, Yawenu mettid lagnu aɗnu od laa onig Benyaminnu Od Attan, ag aben amuppa ag nug eppeg, baeg ele ad mahappa qagappig.

Jeremaia 35:15

Da haen kuɗum dahilad maɗi nid, ag propet amu, da ag maatti, ag gona, ag Israel, ag amelagppa inam appig. ‘Ag anen anen ag nau hak ahilag uun, ii henana, ag ena hak henana, ag kayak laa dim lamadna, waappa daan, ag oɗelag dim lamidkkulagnu aib heppig. Ag amu hekkulag dayeb amu, ag haen elab wan imuppa, da wan imu ag mamelkad aɗi mattami amu, ag wan imuppa haen elab daaglag.’ Da propet oɗelagppa haen kuɗum anam ami, amge ag daulag human, nai dahil ii dabmedappig. Ag dahil nai ii dooppig.

Jeremaia 5:24

Ag dabmak tutukku aolob, ag inam alob. ‘Yawe, ihinig Kayak, Nug gu nekkunu daatte haenppa gu he nette amunu, ig ee ele daattem. Nug anam hette amunu, ig nuhignu ebehinig oh bodoetta le maɗ!’ Ag anam mattilob, amge ag dabmak tutukku amu ii aotteb amunu, ag anam ii atteb.” Yawe Nug anam awa atte.

Luk 13:34

O Jerusalem, O Jerusalem, na propet aqae mauhtteb, maɗi nid Kayak nahip-ppa maatte uɗitteb ele amu, na ag ele menppa aqae mauhtteb. Da haen kuɗum na begapad, matuk anig nug nakkud haugppa qagmaatta tonadtte, amubia qagmaadkkulnu hemi, amge ag uuppig.

Luk 20:11

Am dad mameg nug maɗi nid laa he, dad uɗat danab gumatta ukkom, amge ag nug ele makkuɗna, kobol eheɗ laala nuhigppa hena meeg, eɗua hamu ukkom.

Luk 20:9

Jesus Nug anam awowa, Nug digma keeke danab ag dootteb, ii dootteb ele ouaqata ippuanatta, danab ah amelagppa mattia inam aum. “Danab laa nug grep dad eppom. Nug grep dad eppowa amu awa, nug dad uɗat danab eppelagppa mewowa, nug aha laih umanab ukka haen elab dayom.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Rom 7:4

Amunu O lailad, gemu ag laa, Nug mauhe, Kayak he, Nug eɗua hibaittom ele amu, nuhig daaglagnu, ag ig ele oh ig Kayaknu kobol ena hekkunignu, ag Kristusnu mauhakppa, danab laa mauha ɗo waappa ii daatte, amubia ag ɗo waappa ii daatteb.