Luk 2:6 - Nobonob Baibel

⁶ Aa appa goya daaeheh, Marianu nid awak haen do,

Luk 2:6 ပူးပေါင်းရင်းမြစ်များ

Sam 33:11

Amge Yawe Nug aɗi keekenu maittak aotte amu, keeke amuam ɠagattag hanhan daatte. Yo, Nug aɗi keekenu oo unuqagnab, amuppa maittak aotte ele amu, keeke amuam ɠagattag hanhan dayaya bette.

Prowerb 19:21

Danab ag keeke laala haknu maittak digdig kuɗum aotteb; amge Yawe Nug aɗi bekkunu oo daatte ele amu, gog takppa amuib aakku bette.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Luk 1:57

Maria nug eɗua appagppa ukke, Elisabet nug nuhig nid awak haen be, nug nid danab menuom.

Luk 2:5

Nug nug onig bukppa yaak daakkunu appa ukke, Maria ele oh gopiɗ. Maria, Josep ele a layam daapiɗ, amu Maria nug oo ele dayom.

Luk 2:7

nug nid naanaeg, am nid danab, nug Nug menuom. Menua, niiak lag ambeum amunu, nug bekka lamen elabppa ehakka, doɗ dilag ee lanak taɗaɗ ooppa me niiom.