Luk 2:51 - Nobonob Baibel

⁵¹ Aria, Jesus Nug aa ele eɗun, Nasaret gona, Nug aa oɗelah dim lamittette, anig nug keeke amu ohnu ooppa me dayeye, dabmaama dayom.

Luk 2:51 ပူးပေါင်းရင်းမြစ်များ

Genesis 37:11

Anam amunu, nug awakkud ag nuhignu, ihinigppa anam doolon dabmak aɗan daappig, amge nug mameg nug Josepnu tul niiak amu dabmakppa me dayom.

Sam 119:11

Da nahip-ppa hipunin qak hepa, da nahip nai da oolppa mein, dabmak dahilppa ele memi.

Daniel 7:28

Da Daniel, da anam aakku antten doomi, amu da dabmak huanak aomi. Da iɗul am hakkab eppom, amge da laa amegppa amunu laa ii mattimi.

Matyu 12:46

Jesus Nug danab ah kuɗum appa daappig nai anam madette, Nug anig, amakkud ele ag Nug anidppeg, Nug ele nai mattiglagnu uɗin, dimittim daappig.

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Mak 1:9

Aria, haen amuppa Jesus Nug Galilinu aab Nasaret, Nug appanu aha uɗie, Jon nug Jodan leppa laaittom.

Mak 6:3

Nug lag hak danab iite daatte! Ig doottem, nug am Maria bekka. Nug amakkud am Jems, Josep, Judas, Saimon ele. Amu nug appinkkud ag oh ig ele iite daattem?” aon appig. Ag anam anana, ag oolagppa Jesusnu ena iinab dooppig.

Luk 18:37

A amu ag nug amegppa appig. “Jesus, Nasaret ted, Nug uɗitte,” aon appig.

Luk 2:19

Amge Maria nug nai amu ooppa me dayeye, dabmettom.

Luk 2:39

Amu aa keeke oh Naɗinu ɗo atte bia heya malaeh, ag Galili goya, ahilah aab Nasaret, ag appa goppig.

Luk 4:16

Anam dayeye, deɗ laa Jesus Nug Nasaret ukkom. Nug appa nid nakok dayeye, anig mameg ele aa atognoeheh, ena meum. Nug Nasaret ukka, Nug Sabat deɗppa Juda dilag nai doyak lakka, Nug haen oh hettom bia ha noum. Noa amu, Nug Kayak nai ebqekkunu hibaittette,

Luk 4:23

Aon aeg, aria Nug ag amelagppa aum. “Genabnab genab ag oiyak ehanittaknu nai tutu dahilnu inam akkulag, ‘Dokta, na nakka na beɗun babaitte! Kobol na Kaperneam aabppa he, ig nai doomut ele amu, amubia ippa, imuam na appan diig, ippa ele he!’ aon akkulag.”

Epesus 5:21

Ag Kristusnu ebehilkad oh bodoetta le meeb, ag akka akka ag nug waappa dayeg!

1 Pita 2:21

Amu Kayak Nug ag kobol amu dim lamidkkulagnu onilagppa eum. Aɗinu? Kristus Nug guittak naɗi ag ehanadkkunu awom. Nug heumppa amu, Nug antte oo maittaknu kobol, ag kobol nuhig amu dim lamidkkulagnu ag ippunatta mattom.