Luk 2:49 - Nobonob Baibel

⁴⁹ Anam a amu Nug eɗua amelahppa inam aum. “A aɗinu ahaya, da mattiɗttep? Da Mamel laugppa daakkulnunab daatte amu, aa iite doottep?” awa aum.

Luk 2:49 ပူးပေါင်းရင်းမြစ်များ

Sam 40:8

O dahil Kayak, nahip dabmaknab awak aɗi daatte amu, da amu hekkulnu ool daatte. Yo, nahip ɗo amu, da oolppa memi daatte”.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Matyu 21:12

Anam amu, Jesus Nug Kayaknu mettid lag nuhig tomppan keeke oh ele ooppa noa, Nug danab appa mana mettaknu keeke dadennu maadppig, laala daden meppig ele, Nug ag oh lamattom. Appan danab laala ag men doɗo baolippig ele amu, Nug ahilag balal huma awe, ukka na qe, am laala ag uppuɗil beɗulag nakok maatteg daden maadppig ele, Nug ahilag dayak aben ele huma awe, ukka na qeum.

Luk 2:48

Daaegeg, mameg anig ele aa Nug anidya, aa ottaiya, dabmak kuɗum aoya, anig Nug amegppa aum. “O nid dahil, na aɗinu inam he, i inam oittep? Na mamen nug da ele i oonih uugnab dayeye, na mattidmuɗ,” awa aum.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Jon 5:17

Ag anam heppig, amge Jesus Nug amelagppa aum. “Mama Nug hanhan uɗat heehe uɗiom, gemu ele haaha daatte, amu da ele uɗat hettem,” awa aum.

Jon 5:36

Amge keeke laa ele, Mame Nug da meiɗe uɗimi amu ippunadtte. Keeke amuam Jonnu nai eɗidtte. Keeke amuam uɗat da hettem imu. Da Mamel Nug da amu hein malakkulnu meiɗe uɗien hettem.

Jon 6:38

Aɗinu? Da hab attannu wanppa uɗimi amu, da dahil dabmaknab awak dim lamidkkulnu ii uɗimi. Iitta. Da am laa, Nug da meiɗe uɗimi ele, da nuhig dabmaknab awak dim lamidkkulnu uɗimi.

Jon 8:29

Am laa Nug da meiɗe uɗimi ele, Nug da ele daattem. Nug da ii uuiɗe, dakka ii daattem. Aɗinu? Da haen oh keeke Nug oo niitte ele, da amu hettem,” awa aum.

Jon 9:4

Amahlak aakku daatte amunu ig laa, Nug da meiɗe uɗimi ele amu, ig nuhig uɗat hekkunigoitte. Gatatu nekkunu haen aakku malatte, gatatu neeb amu, aun laa nug uɗat ii hema.