Luk 2:47 - Nobonob Baibel

⁴⁷ Amu danab oh ag nuhig nai dooppig ele, ag nuhig diignu doyak tutukku, nuhig oɗmaknu nob elenu dabmak kuɗum aoppig.

Luk 2:47 ပူးပေါင်းရင်းမြစ်များ

Sam 119:99

Da hanhan nahip ɗonu dabmak unuqag awewe daattem amunu, dahil doyak dabmak ena ele am ippunittak danab dilag eɗidtte.

Matyu 13:54

Nug appag diigppa ukka, nug Juda dilag nai doyak lakka digma, danab ah amelagppa Kayak nai mehuqom. Nai mehuqe, ag dabmak kuɗum aona appig. “Doyak dabmak ena ele imu, kobol danab hekkunu elele iitta haknu ɠagattag ele amu, imu oh amu, Nug adeppanu awom?

Matyu 22:33

Danab ah kuɗumnab ag qagmena daappig ele, ag Nug nai amu mattie doona, ottaina dabmak kuɗum aoppig.

Matyu 7:28

Jesus Nug nai amu mattia male, danab ah kuɗumnab amu ag Nug nai mattiom, ag amunu dabmak kuɗum aoppig.

Mak 1:22

Ippuanatte, Juda danab ag dabmak kuɗum aoppig. Aɗinu? Nug ɗo mehuqak danab nai ippunadppig bia ag ii ippuanattom. Iitta. Nug danab nug anam hekkunu ehah ele, Nug amubia nai ippuanattom.

Mak 11:18

Jesus Nug anam a amu, mana mettak danab okkai amu ɗo mehuqak danab ele ag danab ah laa kuɗum amu oh ag Jesusnu nainu oolag okkai dayom anidppig amunu, ag Jesusnu baɗan, qeppeg mauhkkunu ib madippig.

Mak 6:2

Ag gona tena daanna, Sabat deɗppa Nug Juda dilag nai doyak lakka ta, digma Kayaknu nai ippuanattom. Ippuanatte amu danab ag doona, dabmak kuɗum aona appig. “Danab imuam attemun? Aun danab imu doyak dabmak ena ele imu oh mettom? Nug attem ha kobol danab haknu elele iitta laala hette?

Luk 2:18

Mehuqeg doona amu ag oolag ottaie, dabmak kuɗum aoppig.

Luk 2:46

Goya, aa Nug mattieheh, deɗ aɗit ukke, dimppa deɗ ewamppa aa Nug Kayaknu mettid lag ooppa dayeye anidpiɗ. Nug Juda dilag ippunittak danab oolagppa dayeye, ag nai mattiegeg doya, Nug eɗua oɗ madette daappig.

Luk 4:22

Nug a, ag doonna, ag Nug binag menana, ag nai genab ittag ele Nug mattiom amu, ag amunu dabmak kuɗum ele aoppig. Amu ag appig, “Adekkutai? Danab umu Nug am Josep bekka iittatai?” aon appig.

Luk 4:32

Nug nai danab nug anam hekkunu ehah ele, Nug amubia nai ippuanattom anidna, ag dabmak kuɗum aoppig.

Jon 7:15

Nug anam nai mattieye amu, Juda ag dabmak kuɗum aonna, akka akka nug oɗ mettan appig. “Danab imuam Nug sul laa ii heum, amu Nug attem ha doyak okkainab awom?” aon appig.

Jon 7:46

Anam aeg am daup amu ag appig. “Danab laa nug danab imu nai maditte bia laa mattie ii anidmut,” aon appig.