Luk 2:41 - Nobonob Baibel

⁴¹ Amu Jesus anig mameg ele aa haen oh maɗ ohppa Pasowanu Hobul hekkulahnu Jerusalem tedapiɗ.

Luk 2:41 ပူးပေါင်းရင်းမြစ်များ

Eksodas 12:11

Haen ag doɗ amu lakkulagnu henana, ag inam hekkulag. Ag lamen imualgppa qakkan, baelag gaɗa mena, dudqak hokkat aon aɗaglag. Ag ee amu paha lakkulag. Ee amuam da Yawe, da ag tippalatte gomi, deɗ amu ippunadkkunu daatte.

Eksodas 12:14

Yawe Nug anam anana amu, Nug nai tuɗitta aum. “Gemu kobol ahilagppa bekku ele amu, ag amu dabmekkulagnu ag kalam imunu deɗ imu tituankkulag. Am ag buɗub buɗub doobob, ag buɗulkad, ag ele amu dabmekkulagnu, da gemu ag aɗi hekkulagnu attem amu, ag ele deɗ imuppa anamib hekkulag. Ag oh hanhan maɗ anen anenppa deɗ imuppa da, Yawe, ag kobol da hekkul imu daulagppa dokkunu, ag deɗ imu da dabmeɗanna qagmak gamag ahak ele henan daaglagnu dabmekkulag. Am ɗo laa ag dim lamidkkulagnu laa aakku.

Eksodas 34:23

Maɗ anen anenppa haen ewam ag Israel danab oh ag da, Naɗi Yawe, ahilag Kayak, ag da noolppa dup nona, da binal mekkulagnu, ag da amelppa uɗieg!

Lewitikas 23:5

Hobul dayak haen tatam amu Yawenu Pasowa deɗ. Hobul dayak amuam kalam anuqaknu deɗ 14ppa, tuebnab, haen amuppa digmette.

Namba 28:16

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Maɗ ooppa kalam digmakppa, deɗ 14ppa ag Yawenu Pasowanu deɗ gamag ahak ele hekkulagoitte.

Luk 2:42

Haen Jesus Nug maɗ nuhig 12, aria ag hobul amunu kobol dim lamidna, Jerusalem teppig.

Jon 11:55

Ag appa daaegeg, Juda dilag Pasowanu Hobul miag doum amunu, aab laih laihnu danab ah oh Jerusalem appa, ag akka tatam oolag ihan oppiak daappeg, hobul digmekkunu hena gona amu,

Jon 13:1

Pasowa Hobulnu deɗ ii neum, amu haen miag dayomppa, Jesus Nug doyom, Nug wan imu uua, Mameg toppa gokkunu haen aakku malom. Nug anam doya, Nug nuhikkud, ag wan imuppa daappig amu, Nug ahilagnu oo mauhe, Nug genab anam huanak doyom amu gemu ippuanattom.

Jon 2:13

Appa daaegeg ukke, Juda dilag Pasowanu Hobul guguittette, Jesus Nug Jerusalem ukkom.

Duteronomi 12:11

ag keeke oh da ag haknunab attem amu, ag amu oh akkan, Yawe, ahilag Kayak, Nug onig aguppa daakkunu aben epeɗikku ele, ag amuppa wakkulagoitte. Keeke amuam inam: manaknu ofa, mana mettak laala ele, keeke obatak eblaih tanig ele ooppanu obatak laippu Kayak mettak, Kayak hamu ɗo mettak, aria aɗi keeke ena ena ag nai genab ana qakkaknu ofa hekkulagnu appig ele.

Duteronomi 12:18

Iitta! Ag keeke amu oh Yawe, ahilag Kayak, Nug aben epeɗia madakku ele, ag amuppa daanna lakkulagoitte. Ag aben amuppa, ag nid ahilkad, maɗi nid ahilkad, maɗi ah ahilkad, amu Lewi buɗub danab ag appalkadppa daatteb, ag ag ele daanna lakkulagoitte. Ag Yawe, ahilag Kayak, ag Nug noobppa lanana, gamag ahak doyeg! Yawe Nug ag ehanatte, ag ahilag uɗat heppig, ag amu dabmettanna gamag ahak doyeg!

Duteronomi 16:16

Maɗ anen anenppa haen ewam ag Israel danab oh, ag Yawe, ahilag Kayak, ag aben Nug epeɗikkuppa Nug noobppa dup nona binag mekkulagnu, ag Nug amegppa uɗieg! Ag amu hobul gamag ahak ele ewamppa hekkulagoitte. Hobul dayak ewam amuam Bret Yis Iitta Lanaknu Hobul Nakok, Ee Tatam Oɗue Digma Awaknu Hobul, amu Pehppa Dayaknu Hobul ele. Ag Yawe, ahilag Kayak, ag Nug aben epeɗikku, amuppa haen anen anen amu ohppa Nug noobppa miag atiglag, ag ɗo hamu mettak Yawenu aon wakkulagoitte. Ag hamu aib goppig.

1 Samuel 1:21

Keeke amu oh anam be, haen ukke, Elkana nug maɗ laappa eɗua, doɗ mana, Yawe medakkunu, nug keeke laa genabnab Yawe medakkunu nai ana qakkom amu, nug amu oh hekkunu baegppan ele Silo goppig,

1 Samuel 1:3

Aria, Elkana nug maɗ anen anen oh haen laippu nug Yawe Nukka Ɠagattag Oh Ele noobppa dup noa binag mekkunu, nug ele doɗ mana, Nug medakkunu, nug Ramanu aha, Silo ukkom. Silo appa amu mettid haknu peh lag dayeye, Eli bekoɗ Hopni, Pinias ele aa Yawenu mana mettak danab daapiɗ.