Luk 2:4 - Nobonob Baibel

⁴ Aria, Josep nug Dawit buɗub amunu, nug Galilinu aab Nasaret appanu aha, Juda wanppa Dawit appag diig Betlehem, nug appa ukkom.

Luk 2:4 ပူးပေါင်းရင်းမြစ်များ

Genesis 35:19

Aakku Rahel mauhe, ag nug Eprat ukkaknu ib daugppa boumppig. Eprat onig laa am Betlehem.

Genesis 48:7

Da Mesopatemianu Kanan uɗiyi, na anin Rahel nug Eprat, onig laa Betlehem, aab amu guguittak appa ibppa mauhe, da nuhignu oo doyak naɗi ele ib giginppa boummi,” awa aum.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Matyu 1:20

Josep nug amunu dabmak awewe, tuqan tulppa Naɗinu engel nug gumitta neum. Na amu nug aum. “Josep, Dawit bekka, na Maria ah nahip daakkunu, na nug aokkutnu aib baɗame. Doye! Kayak Ouɗi Nug nukka nid amu mettom.

Matyu 2:23

Nug ukka, aab laa Nasaret appa ta dayom. Amuppa propet ag nai madippig amu, nai amu elele mettom. Nai amuam inam. “Ag nuhignu, Nug am Nasaret danab,” akkulag.

Luk 2:3

Sisar nug ɗo amu me, danab ah oh ag onilkad bukppa yaalattak daaglagnu ag appalag diigppa goppig.

Luk 2:5

Nug nug onig bukppa yaak daakkunu appa ukke, Maria ele oh gopiɗ. Maria, Josep ele a layam daapiɗ, amu Maria nug oo ele dayom.

Luk 4:16

Anam dayeye, deɗ laa Jesus Nug Nasaret ukkom. Nug appa nid nakok dayeye, anig mameg ele aa atognoeheh, ena meum. Nug Nasaret ukka, Nug Sabat deɗppa Juda dilag nai doyak lakka, Nug haen oh hettom bia ha noum. Noa amu, Nug Kayak nai ebqekkunu hibaittette,

Jon 1:46

Nug anam a amu, Nataniel nug aum. “Nasaret uppanu amu keeke ena anam laa ii uɗima,” awa aum. A amu Pilip nug aum. “Dona antte!” awa aum.

Jon 7:42

Kayak naippa yaak laa daatte. Nai amuam inam. ‘Kristus nug Dawit buɗubppa Betlehem, anukka amuam Dawit appag diig amu, Nug appa bekku,’ ” aon appig.

Rut 1:19

Naomi, Rut ele aa anam mattiya maloya, aa oh aakku gopiɗ. Aa goya, Juda wanppa teya goya, Betlehem aabppa tepiɗ. Teeh amu, Betlehem danab ah ag ottainna, ah ag appig. “Imuam Naomite?” aon appig.

Rut 2:4

Rut nug bali agekke, haen ukke amu, Boas nug Betlehem appanu aha, datta uɗia, maɗi nid humatta, ag amelagppa aum. “Yawe Nug ag ele daaglagnu ool daatte,” awa aum. A amu, ag eɗun appig. “Yawe Nug na ele itidkkunu oonig daatte,” aon appig

Rut 4:11

Boas anam a amu, Israel dilag ikki danab, amu laala ele daappig, ag oh appig. “Ig aakku anidta, ig laa aɗi heehe anttomnu mattiak danab aakku daattem. Yawe Nug heeb, Rut, nug ah nahip daakku amu, nug Rahel, Lea ele, ah aɗit amu aa buɗulti am ig Israel danab ah, amu ah amu nug ah aɗit amubia ba dayebeb, na aab ikki onig Eprata, na amu dilag oolagppa, Betlehem aabppan danab ah oolagppa ele, na onin ele daakkutnu oonig daatte.

Rut 4:17

Nug anam heehe, ah ag appig. “Naomi nug nid amunu nug ooppanunab bia doyaya atognotte,” appig. Aria, ag nid onig Obet ataɗppig. Nug am Jesi mameg, amu Jesi nug Dawit mameg.

1 Samuel 16:1

Amu Yawe Nug Samuel amegppa aum. “Da hei, Israel dilag king dayaknu ehah am Saul eppegppa, nug baekkudppa eppelagppa ele ii daatte, me na nuhignu haen elab oot doyeye, oot uugnab doottem. Amu haen gane laa ele ukkeb, na kobol amu uukkut? Uuppe! Da danab laa, Jesi, Betlehem daatte, nug bekka, da nug king daakkunu tituanmi amunu, na ad olip meunu goɗen idppa qeppe noob, aon Betlehem Jesi laugppa gona, goɗen amu aon, laa nug king daakku amu, na nug igippa gokkaɗe!” awa aum.

1 Samuel 16:4

Yawe Nug ib amuppa hekkunu Samuel amegppa a, Samuel nug Yawe aum oɗe bia heum. Nug aha, Betlehem ukke, ikki danab aab amuppan ag nug uɗiom, ag amunu baɗan, nug uɗa tena, ottaina, ag amegppa appig. “Danab okkai, na oot maɗoɗ elete uɗime?” aon appig.

1 Samuel 17:12

Amu Dawit mameg Jesi amu, Saul nug Dawit ukkeb, nug ele daaglahnu Jesi oɗ mette, nug ena aum amunu, nug ukke, Saul ele daapiɗ, dimppa amu nug eɗua mameg toppa ukka, nuhig sipsip guma, eɗua Saul toppa ukka ehanitta, eɗua ukka, mamegnu sipsip gumattom. Jesi nug am Betlehem danab, Israel dilag huu okkai Judanu; nuhig aab ikki am Eprata. Haen Saul nug king dayom, Jesi nug kaino meum. Nug bekkod nid danab am eblaih ewam ele. Dawit nug am huh bieg. Aria, nid danab tatamnu, nug dimugppanu, amu nug dimugppanu ele, ewam amu ag Saul dim lamidna, Pilistia ele ban hekkulag goppig. Nid danab tatamnu onig Eliap, nug dimugppanu onig Abinadab, amu nug dimugppanu Sama.

1 Samuel 17:58

Dawit nug Saul gumitta ukke, Saul nug Dawit oɗ mettom. “Nid bau, na am danab aunnab bekka?” Nug anam a, Dawit nug amegppa aum. “Da am nahip maɗi nid Jesi bekka. Nug am Betlehem danab,” awa aum.

1 Samuel 20:6

Geha da anam heppi, na mamen nug hobul haenppa da ii daattemnu dabma, nug na oɗ metteb amu, na inam appe doyaɗ! ‘Maɗ ohppa haen inamppa Dawit baekkudppa ag oh doɗ main, Kayak medatteb amunu, nug appag diigppa Betlehem ukka, geha nug baekkudppa ele oh daanna, haen amu ag mana mettak amu main, Kayak mettaglagnu nug da oo unuqagppanu oɗ meɗe, da nug amegppa, “Na ena gokkut,” ami. Da anam ai, nug ukkom.’