Luk 2:36 - Nobonob Baibel

³⁶ Aria, propet ah laa ele dayom am onig Ana. Nug kaino ma malom. Nug Aser buɗub, Panuel aɗeg. Anukka nug danab awe, gamu ele maɗ eblaih aɗitib daapiɗ.

Luk 2:36 ပူးပေါင်းရင်းမြစ်များ

Genesis 30:13

Lea nug aum. “Da ool gamag ahatte. Ah laa oh ag dahilnu, ‘Gamak ahak ah,’ akkulag.” Anana amu, nug nid onig Aser ataɗom.

2 King 22:14

King Josaia nug amelagppa haknunab nai amu mattie, mana mettak danab Hilkaia, Ahikam, Akbor, Sapan, Asaia ele oh gokkulagnu aum ele ag oh ahan, propet ah Hulda oɗ mettaglagnu goppig. Hulda nug Tikwa bekka Salum wau. Tikwa mameg am Harhas. Hulda gamu Salum nug kingnu lamen gumak danab dayom. Hulda nug Jerusalem appa, obatak ebqak aɗitppa dayom.

Job 5:26

⌊Kayak Nug heeb,⌋ na kaino elelenab mena, mauhkkut; danab ee meu oɗue haenppa aotte, amubia.

Sam 92:14

Am ad, ag aben laa enappa eppaeg ba dayaya, meu otte, amubia genab tutukku hak danab ag ena daaglag. Ao, ad nug ba, hokkua mette, me enaib dayaya, meu wawaib daatte, amubia genab tutukku hak danab ah ag ena hekkulag.

Eksodas 15:20

amu dimppa, propet ah Miriam, Aron appinag, nug ahi ettaknu keeke onig tambarin, nug amu awa uɗalele, ah laala oh ahan, Miriam dim lamidna ukkaeg, Miriam ag ele oh tambarin uɗalnan, ahi ettanna goɗappig.

Esekiel 13:17

Yawe Nug anam awowa, Nug nai tuɗitta aum. “Danab bekka, gemu Israel, nahipad danab ah, ag aɗelkad laala ag ahilag dabmakppanu aakkuib dimppa aɗi bekkunu nai mattinna, ‘Ig Kayaknu nai madittem,’ atteb. Ag amu attebnu amu, na ag neekkadna, uug naunab ahilagppa beeb anidkkulagnu propet nai mattinna,

Luk 2:35

Amunu diig am, danab kuɗum dilag dabmak aakku miag atiak daakku. Amu oo doyak okkai, qep aegppa yaak bia, na yaaidkku,” awa aum.

Luk 2:38

Haen amuppaib nug ele uɗia, Kayak amegppa, “Ena heme,” aum. Anana, nug nid amunu nai mehuqa, danab oh ag qagaiettakppanu eɗua uhuqak, ag ehanittak amu Jerusalem appa uɗikkunu ameg meppig ele, nug ag Jesusnu amelagppa aum.

Aposel 2:18

Ao, haen amuppa amu, da dahil Ouɗi Nug dahilad maɗi nid, dahilad maɗi ah ele madappi, ag propet nai mattiglag.

Aposel 21:9

Nug am aɗekkud waɗele, ag danab ii diippig. Aɗekkud ag propet nai mehuqttappig.

1 Korint 11:5

Am ah laa nug unuqidkkunu, o propet nai mehuqkkunu haaha, ikki ii haut-tte amu, nug ele aakku laa nug ikki daatte, nug nuhigppa elele ii hette. Nug ikki ii haut-tte dayeb, ah nug ikki uɗug oh hoitte bia hette. Am uɗa nak ele.

1 Korint 12:1

Aria, keeke laa imu ele iikku yaakkulnu hettem. O lailad, Kayak Ouɗinu ɗo hamu mettak Nug megatte amu, da ag amunu oolag maidkkunu ool daatte.

1 Timoti 3:2

Amunu laa nug Kristen tamaniak gumak ikki danab daakkunu, nuhigppa nai laa ii daakkuoitte. Nug ah laippu gamu aakkuib daya, nug atognoak oiya, nug nukka nuhig oiyak pehettak atognoak kobol haaha, laa nuhignu ena elele dooglagnu elele daya, nug ɗo danab dotteb ele atognoatta, nug danab ah ele nai ippunadkkunu elele daakkuoitte.

1 Timoti 5:9

Ah qab nug maɗ 60 eɗittom dayeb, nug gamu ele eleleib daapiɗ dayeb,

Josua 19:24

Josua nug om ena yaak ebqak tanig ele ha antta, om ena yaak ippunittom bia nug wan maha, ebqak tanig ele Israel dilag huu okkai Aser baekkudppa mattom.

Revelesen 7:6

Israel dilag huu okkai Asernu am 12,000, Israel dilag huu okkai Naptalinu am 12,000, Israel dilag huu okkai Manasenu am 12,000,

Ikki Danab 4:4

Aria, Deborah, Lapidot wau, nug propet ah laa daya, amu nug haen amuppa Israel dilagppa epeɗiak uɗat haaha dayom.

1 Samuel 1:2

Elkana nug ah aɗit diiatom. Ah laa onig Hana, amu ah laa onig Penina. Amu Penina nug nid menuattom, amge Hana nug ah mattoi, nug nid laa ii menuom.