Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luk 2:14 - Nobonob Baibel

14 “Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

အခန်းကိုကြည့်ပါ။ ကော်ပီ




Luk 2:14
36 ပူးပေါင်းရင်းမြစ်များ  

Yawe Nug keeke okkai heum amunu, ag habppanu, ag oo gamag ahak okkai doon, ahi etteg! Ag wanppa daatteb, ag huana eig! Yawe Nug Jakop buɗub hipuninnu qagaiettakppanu eɗua uhuqak ha mattom; Nug nuhig binag amahlak oppiaawak ele Israel oolagppa he, miag atiom amunu, wanppan keeke oh Yawe hattom ele amu, ag ahi etteg!


Yawe Nug danab ah nuhikkud oo mak madatte, Nug nuhikkud danab ah bu okkai aoppig dilagnu oo bodoetta le mak dootte amunu, ag hab daup, ag oo gamag ahak doon, baalag okkaippa eig! Yawe Nug anam hette amunu, danab ag oo gamag ahak dootteb, amubia keeke oh wanppa daatteb, ag oolag gamag ahaɗ! Nug anam hette amunu, danab ag oo gamag ahak doon, ahi ettaladtteb, amubia ag qauko, ag oo gamag ahak doon ahan, ahi etteg!


Da amu heppi, Juda danab ag uug doon gaatteb amu, ag eɗun, ena doon, da onil humaglag. Da heppi, danab ah ag uma daatteb, laa ag guguittak daatteb ele amu, da heppi, ag oh maɗoɗ daaglag. Ge ag maɗoɗnab daan oiglag. Da heppi, ag enaib daan oiglag.” Yawe Nug anam atte.


Am danab amu Nug heeb, maɗoɗ daakku. Asiria ag ig Israel eɗigkkulagnu uɗiglag. Ao, ag ihinkad aab aɗ ɠagattagnab eleppa laippu tappa ukkakppa oiglag. Amu diig amunu ig danab sipsip gumadtteb, ig gumak danab amubia eblaih aɗit ele otiadkkunig. Ao, ig ikki danab eblaih ewam ele otiadkkunig.


Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.


Danab ag gatatuppa mauhkkulagnu miag daatteb amu, amahlak madakku. Nug ig ib maɗoɗ ele amu tappat gokkunignu ulum daakku,” awa aum.


Ag Kayak binag human, baalag okkai enan appig. “King nug Naɗi onigppa uɗitte amu, ig Naɗi Nug itidkkunu oonig daatte. Nuhigppa Kayak Nug ig danab, ihinignu oo ena daatte. Ig Kayak Ebehi Ele, Nug binag attannab humatu.”


Engel nug amelagppa ana male, pahanab Kayaknu engel kuɗum hab aabppanu neeg, moitan daanna, ahi ettana appig.


Engel ag anam awona, ag eɗun hab aabppa teeg, sipsip gumak danab ag ahan, akka akka nai inam madippig. “Ig Betlehem gota, kobol Naɗi Nug amenigppa aum amu anidtu!” aon appig.


Kayak Ouɗi Nug uppuɗil beɗulag nakok laabia nug qaɗeppa ne, baag laa hab aabppanu Jesus amegppa aum. “Na am da Bekkal, da nahipnu ool mauhtte. Ele amu, da nahipnu oolppa enanag doottem,” awa aum.


Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.


Uɗat na da meɗame amu, da hein malami, amuppa da wan imuppa na binan amahlak oppiaawak ele mettami.


Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.


Nai amunu diig am Jesus Kristus, Nug wan ohppan dilag Naɗi daatte amu, Nug nuhig uɗat okkaippa maɗoɗ daakkunu ib ooɗe, Kayak Nug maɗoɗnu Nai Ena amu me, Israel dilagppa uɗiom, am anamib daatte.


Aria, ig oonigppa genab doout, Kayak Nug ihinignu, “Genab tutukku hak danab,” awa aum amunu, ihinig Naɗi Jesus Kristus, nuhigppa amu ig Kayak ele maɗoɗ daattem.


Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.


Anukka Kayak Nug nukka nuhig dabmaknab awakppa Kristusnu uɗatppa ehanigkkunu oo ha dabmeum amu, Nug dabmak amuib dim lamitta he, ihinigppa miag atiom.


Amge Kayak, Nug ihinignu oo mauhak okkai dootte ele, Nug oo gai-iitta doya oo metta ehanittak kobol okkai ele dim lamidtte amu,


Nug anam heumnu diig am, Nug nuhig ehanittak okkai hamu mettak laa oh eɗattak kobol, Nug amu dim lamittatta, ig Kristus Jesusnu daattem amu, Nug ihinignu oo bodoettak kobol dim lamidtte, Nug danab oh butti aɗi haen amu daaglag amu ippunadkkunu heum.


Aɗinu? Kayak Nug hanhan, ag Nug oo niitte bia, nuhig uɗatnu dabmaknab aon, amu hekkulagnu oolagppa uɗat hette.


Kayak Nug wanppan keeke oh, hab aabppanu keeke oh ele heeb, ag Nug ele oolag laippu daaglagnu oo dayom. Anam oo dayom amunu, Nug Kristus ad emaitakppa mauhehe, tiig gokkaɗe, Kristus tiigppa amu Nug nuhikkud kekeɗ oh amu ebehilag okkule, maɗoɗ daatte.


Aria, ihinig Naɗi Jesus Kristus Nugnab, amu ig Mamenig Kayak, Nug ihinignu oo mauhom, Nug nuhig ehanittak okkai hamu mettakppa oo ɠagattag qak hanhannu, ena baknu dabmak aɗa oiyak enanag ele mekkom amu, aɗit amu aa hepeɗ,


Ag anam ettaeg, da keeke oh Kayak Nug hattom, amuam keeke hab attan daatteb, wanppa daatteb, wan unuqag daatteb, amu yuppa daatteb ele baalag doomi. Keeke amu oh aben amu ohppanu ag inam ahi edappig. “Kayak Nug sia king ⌊anuqak,⌋ appa daatte, Sipsip Nag ele amu, onig okkai, binag mak, binag amahlak oppiaawak ele, amu ɠagattag oh ele ahilahppa hanhan alet ele dayaɗ!” aon appig.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ