Luk 19:6 - Nobonob Baibel

⁶ Nug anam aum amunu, Sakius nug paha honap na, oo gamag ahak ele Nug ele laippu dayaknu ooppa eleleib doya, Jesus omale nug laugppa gopiɗ.

Luk 19:6 ပူးပေါင်းရင်းမြစ်များ

Aisaia 64:5

Danab ah ag oolag gamag ahe, ib tutukku dim lamidtteb, ag nahip ib daulagppa doowo oitteb ele amu, na ag ehanadkkutnu uɗittem. Amge ig nahip ib uuta, ig tuɗidta, ihinig ib mattat gota, hipunin hemut amunu, na oot nauhom. Amu ig na ippunppa ii gokkunig dayeb amu, attemu ig padal mematanu ehanittak aognig?

Luk 19:5

Amu haen Jesus Nug ukka ukka, Sakius dayomppa ta, ⌊baeg ya dayaya amu,⌋ Nug ameg huma attan neekka, nug amegppa aum. “Sakius na paha ne! Gemu da na lautppa daakkul,” awa aum.

Luk 19:7

Am Jesus Nug Sakius laugppa goya daaeheh, danab oh ag amu anidna, ag akka naittuɗ mattin Jesusnu appig. “Nug ukka, hipunin danab umu laugppa ɗo danab daakkunu teum,” aon appig.

Luk 2:16

Anam ana amu ag paha gona Maria, Josep, amu nid yuɗ ele, nug doɗ dilag taɗaɗppa niieye, anattona,

Luk 5:29

Dim lamitta, nug Jesusnu ee naɗi laugppa he, amu takis awak danab laala kuɗum ele ag uɗieg ag ele daanna, ee lappig.

Aposel 16:15

Nug nai doya oo eɗue layattak awe, nug baekkudppa ele ag layattak aoppig. Lidia layattak awowa, nug ig amenigppa aum. “Ag da Naɗinu oolppa genab doottem elele anidtteb dayeb amu, aria ag uɗin, da laulppa dayeg!” awa aum. Nug anam ana wagai ma he, ig nug oɗe dim lamidta, gota nug laugppa daamut.

Aposel 16:34

Aona amu nug diiata, laugppa ukka, ee matom. Nug, nug baekkudppa ele oh ag maɗoɗppan gamag ahak aoppig. Aɗinu? Ag Kayaknu oolagppa genab dooppig.

Aposel 2:41

Am danab ag Pita nai mattiom, ag amu genab doonna, ahilag ebqak am 3,000 keeke, amu ag layattak aoppig. Aona, ag Jesusnu oolagppa genab dooppig ele, ag amu oolagppa ukkaeg, oh laippu daanna,