Luk 19:4 - Nobonob Baibel

⁴ Elele iitta daya, Jesus Nug ib amuppa uɗitte doyom amunu, nug qaiqaɗ anuqa ukka, Jesus anidkkunu ha, ad sikamo fig laa teum.

Luk 19:4 ပူးပေါင်းရင်းမြစ်များ

1 King 10:27

Solomon nug king dayom, haen amuppa amu nug silwa, ad sida ele huanak awa, Jerusalem uɗiom. Amunu haen amuppa silwa am men bia, ambak Jerusalem appa dayeye, amu ad sida gikkiak ele huanak, ambak, Israel wan qauko nakok qauko okkai diigppa daatteb, appa ad sikamo fig huanak daatteb, amubia Jerusalem appa ad sida gikkiak ele huanak dayom.

1 Stori 27:28

Israel wan ooppa qauko okkai qaban uɗitteppanu daatteb, qauko amu diigppa qauko nakok daatteb, qauko nakok amuppa olip ad, amu ad sikamo fig ele eppak daatteb. Amu Geder ted Balhanan nug ad amunu gumak uɗat gumom. Aria, ag olip meu aon, goɗen hena metteb ele amu, Joas nug uɗat amu gumom.

2 Stori 1:15

Solomon nug king dayom, haen amuppa amu nug silwa, gol, ad sida ele huanak awa, Jerusalem uɗiom. Amunu haen amuppa silwa, gol ele am men bia, ambak Jerusalem appa daaeheh, amu ad sida gikkiak ele huanak, ambak; Israel wan qauko nakok qauko okkai diigppa daatteb, appa ad sikamo fig huanak daatteb, amubia Jerusalem appa ad sida gikkiak ele huanak dayom.

2 Stori 9:27

Solomon nug king dayom, haen amuppa amu nug silwa, ad sida ele huanak awa, Jerusalem uɗiom. Amunu haen amuppa silwa am men bia, ambak Jerusalem appa dayeye, amu ad sida gikkiak ele huanak, ambak, Israel wan qauko nakok qauko okkai diigppa daatteb, appa ad sikamo fig huanak daatteb, amubia Jerusalem appa ad sida gikkiak ele huanak dayom.

Sam 78:47

Kayak Nug he, ais, gu teppu ele bia na he, ahilkad grep muɗi nauhppig. Ao, Nug he, ulah ɠagattag, gu ele na, ad sikamo ele nauhadppig.

Aisaia 9:10

“Kekeɗ ag ihinig brik lag amu loppaɗeg nena qeppig, ⌊amge ig amunu uug ii iqatte; am keeke hamu⌋. Geha ig men otaɗa babaittak aot, men enanag amuppa lag ɠagattag bau buuadkkunig. Ao, kekeɗ ag ad sikamo ihinkad ele oadppig ⌊amge ig amunu uug ii iqatte; am keeke hamu⌋. Ad sikamo daappig abenlagppa amu, appa ig ad sida eppaladkkunig,” aon akkulag.

Amos 7:14

Amasaia nug anam mattia male, aria Amos nug nai nob ma aum. “Da daden aokkulnu propet uɗat ii hettem, amu da ele propet dilag huu laa oolagppa ii daattem. Aɗinu? Da ehanittak aokkulnu, da sipsip gumak danab daye, da ad fig ele atognoatte dabmatten daami.

Luk 17:6

Aeg amu Naɗi Nug aum. “Ag ahilag ooppa genab doyak am mastet aeg, am aeg nagnag, am amubia dayeb amu, geha ag ad mulber imu, nuhignu, ‘Na diɗin ele oh kakeɗinna, gona yuppa be!’ akkulag amu, nug geha ahilag nai am dim lamidkku.

Luk 19:3

Amu nug Jesus Nug am danab attemunab antta dookkunu oo dayom, amge danab ah kuɗum Jesus qehakkeg, Sakius nug ele am danab tutu amunu, nug Jesus anidkkunu elele iitta.

Luk 19:5

Amu haen Jesus Nug ukka ukka, Sakius dayomppa ta, ⌊baeg ya dayaya amu,⌋ Nug ameg huma attan neekka, nug amegppa aum. “Sakius na paha ne! Gemu da na lautppa daakkul,” awa aum.

Luk 5:19

amge lag ooppa aben oh danab ah kuɗum ituak daaegeg, ag oɗe danab maon nokkulagnu ib iitta amunu, ag lag attan tena, lag amu koɗokko uɗem ukkak ele amunu ag tena, lag koɗokko loppaɗna, danab qaɗaqaɗppa niieye, ag nug paɗaeg, danab oh oolagppa Jesus noobppa meeg, noa dayom.