Luk 18:9 - Nobonob Baibel

⁹ Am Jesus Nug danab laala ag akka ahilagnuib, “Igib genab tutukku hak danab,” anana, ag danab laa dilagnu, “Ag nau, hipunin ele,” aon appig ele amu, Jesus Nug ag amelagppa keeke danab ag dootteb ii dootteb ele ouaqata ippuanatta nai imu mattiom.

Luk 18:9 ပူးပေါင်းရင်းမြစ်များ

Prowerb 30:12

Laa amu, ag akka, ag ahilagnu, ag oolagppa oppiak ele daatteb dabmetteb; amge ag ihak iitta, ag dubuttid nau ele.

Aisaia 65:5

Ag amu hewona, ag ahan, laa amelagppa, ‘Da am danab enanag, da am Kayaknu oppiaawak ele amunu, na gukkuiɗna aib uɗime!’ ⌊hambuppun⌋ atteb. Aab kah danab noobppa te, eheɗ dootte, amubia da ahilagnu anam doottem. Aab amunppa hanhan ewewe, aab kah taata, anam danab noolagppa hette, amubia da anam doottem.

Aisaia 66:5

Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Lewitikas 13:32

Am deɗ eblaih aɗitppa amu, mana mettak danab nug gaɗa oɗe amu pehettak itala, gaɗa oɗe amuam beɗu laih ii awom, appa uɗig lanlan ii eppak, gaɗa oɗe amu teppu ooppa ii noak anidkku dayeb amu,

Luk 10:29

Nug anam aum, amge ɗo doyak danab nug nukka onig ena daakkunu ha, nug Jesus oɗ metta aum. “Am dahil mudippan laippu am aun?” oɗ mettom.

Luk 15:2

Amunu ɗo gumak danab-Parasia amu ɗo mehuqak danab ele ag nai hena appig. “Danab amu Nug hipunin danab, amu danab laa, ag ig Juda, ihinig ɗo oh ii dim lamidtteb ele, Nug ag ele laippu dayaknu ooppa eleleib dootte, amu ag ele oh ee latteb,” aon appig.

Luk 16:15

amge Nug ag amelagppa aum. “Ag amu danab dilag neekkakppa genab tutukku hak danab daaglagnu, ag amunuib oolag daatte, amge Kayak Nug ag oolag diig dootte. Danab ag aɗi keekenu enanag dootteb ele, Kayak Nug amunu ooppa uuaknab dootte.

Luk 18:11

Amu ɗo gumak danab-Parasia nug hibaitta, attan neekka dayaya, nukka nuhignu unuqitta aum. ‘Kayak, da am danab laala oh bia iitta. Ag am yab danab, eheɗ hak danab, am ewau pakkua gappai hak danab ele. Da am anam iitta, takis awak danab imu hette bia ele iitta amunu, da na amenppa, “Ena heme,” attem.

Luk 19:7

Am Jesus Nug Sakius laugppa goya daaeheh, danab oh ag amu anidna, ag akka naittuɗ mattin Jesusnu appig. “Nug ukka, hipunin danab umu laugppa ɗo danab daakkunu teum,” aon appig.

Luk 7:39

Amu haen ɗo gumak danab-Parasia, Jesus onigppa e uɗiom ele, nug keeke amu antta, nug inam dabmakppa aum. “Danab umu Nug genab propetlob amu, ah umu eppeg bahia aɗatte amu, Nug nuhig kobol ele doolo. Ah umu nug hipunin ah,” awa aum.

Jon 8:48

Awa a amu Juda ag Jesus oɗeppa aon appig. “Ig nahipnu genab attem. Na Samaria ted, ootppa hahail ele,” aon appig.

Jon 9:28

Nug anam a amu ag guhuɗidnana appig. “Na aakku nuhig ippunittak awak danab. Ig am Mosesnu ippunittak awak danab.

Jon 9:34

Nug anam a amu, ag amegppa appig. “Na anin nug menuittette, na hipunin danab daan autna aome amunu, aɗinu na ig ippunigkkutnu hettem?” aon appig. Ag anam ana, lamitteg dimittim ukkom.

Aposel 22:21

Da anam ami amge Naɗi Nug da amelppa aum. ‘Na ukke! Da na meidppi, na atu uma, iitta aɗi, amu gumadna gokkut,’ awa aum.” Pol nug anam aum.

Rom 10:3

Amu Israel ag Kayak Nug ihinignu, “Genab tutukku hak danab,” atte ele, ag amunu oolag ii maitte, ag akka ag oolagppanu kobol laappa genab tutukku daaglagnu amuib hena, ag Kayak Nug ahilagnu, “Genab tutukku hak danab,” akkunu amu ag uuppig.

Rom 14:10

Ig oh geha Kayaknu hettoɗiak abenppa daagnig amunu, na layap, nug Jesusnu ooppa genab dotte amu, na aɗinu nug epeɗittem? Aɗinu na layapnu keeke hamu bia doottem?

Rom 14:3

Danab nug ee oh latte, nug danab doɗ teppu ii latte ele, nug nuhignu aib dabmak nau awom. Amu danab doɗ teppu ii latte, nug danab ee oh latte ele nuhignu, “Am hipunin hette,” anam aib dabmeum. Iitta. Kayak Nug danab amu nuhig daakkunu awom daatte.

Rom 7:9

Anukka dahilppa ɗo ii dayeye, haen amuppa da bau daami. Amge dimppa Kayaknu ɗo dahilppa uɗie, hipunin dahilppa ele uɗie, da mauhmi.