Luk 17:31 - Nobonob Baibel

³¹ Amu deɗ amuppa danab laa nug lag koɗokko uɗem ukkakppa dayaya, nug oolkkunuib dabmaama, nug nuhig keeke lag ooppa daatte ele amu, nug keeke amu aokkunu lag ooppa aib noum. Iitta! Nug oola ukkaɗ! Anamib danab laa nug dad okkaippa dayaya amu, nug oolkkunuib dabmaama, keeke laa aokkunu eɗua lakka aib ukkom.

Luk 17:31 ပူးပေါင်းရင်းမြစ်များ

Job 2:4

Yawe Nug anam a amu, Satan nug nob ma aum. “Na Job ehanitte, nug nahipnu ena dootte. Danab nug ii mauhmanu, nug bau daakkunu nug nuhig en oh laa metteb ehanidkkunu medakku. Nug amu bau daakkunu ii uuma.

Jeremaia 45:5

Da anam hekkul amunu, na keeke okkai nakka nahipnu aokkutnu am enate? Na anam aokkutnu aib heme. Aɗinu? Da heppi, danab ah imu ag padal mekkulag, amge da ele heppi, na adeppa adeppa gokkut amu, appa ag na nidappeg ii mauhmana. Iitta. Na bau daakkut.” ’ ” Yawe Nug Jeremaia amegppa anam a, Jeremaia nug Baruk amegppa aum.

Matyu 16:26

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab!

Matyu 6:25

Anam daatte amunu, da ag amelagppa attem. Ag wanppan bau dayaknu dabmak aqadna, ‘Ig ee le elete daagnig?,’ o iitta beɗulagnu, ‘Ig beɗunigppa takkaknu amu, ig lamen elete daagnig?’ aib appig. Bau dayak amu ee lanakib iitta, beɗu nug lamen takkaknuib ele iitta.

Luk 21:21

Am haen amuppa laa ag Juda wanppa daatteb, ag oolna qaukoppa ukkeg! Danab Jerusalem ooppa daatteb, ag aab uun laih ukkeg! Danab aab dimittim daatteb, ag eɗun aab ooppa aib noppig.