Luk 17:3 - Nobonob Baibel

³ Am ag akka ahilagnu ele dabmeig! Amu ag awalag o amalag laa nug hipunin heeb amu na nug daug bate! Amu nug oo eɗueb amu, na nuhig hipunin uhuqna mette!

Luk 17:3 ပူးပေါင်းရင်းမြစ်များ

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Eksodas 34:12

Amge ag tutukku dabmeig! Ag danab ah wan ag gemu gona aoglagnu hetteb, ag aguppa daatteb amu, ag Israel, ag danab ah amu ele aib nug tituanppig! Ag anam heppeg amu, danab ah amu ag oolagppa daan, ag ahilag kobol nau hekkulagnu ag eeɗadppeg, ag nena qena, nauhna autna aoglag.

Prowerb 17:10

Am danab nug laa diignu doyak tutukku ele daug batakku amu, laa amu nug ena oikkunu oo maittak okkai aokku; amge danab nug Kayak dab-ii-maama ii dim lamidtte ele amu, laa nug nug bu medakku dayeb, nug ena oikkunu oo maittak nakokib aokkutai.

Prowerb 27:5

Laa nug genab eheɗ heum haenppa, nug layag am laa noolagppa daug batakku, amuam nau iitta, am ena; amge laa nug laanu oo mauhak dootte, amge nug amu lokkuma ii ippunidtte, amuam nau.

Prowerb 9:8

Na awa awa qettak danab daug batappe, nug geha nau ninig ele nahipnu dookku; amge na danab doyak dabmak ena ele laa daug batappe amu, nug nahipnu oo mauhkku.

Lewitikas 19:17

Na layapnu nau ninig ele aib doome. Amge na layap laa nug hipunin heebeb, na Kayak noobppa na nug ele beɗulttippa aab ele daamyanu, na genab layap daug bate!

Matyu 18:21

Jesus Nug nai amu mattia male amu, Pita nug Jesus gumitta doa aum. “Naɗi, da layal nug dahilppa hipunin heeb amu, da hipunin nuhig gane batak uhuqen medakkul? Da haen eblaih aɗit ele uhuqen medakkulte?” awa oɗ mettom.

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Epesus 5:15

Amunu ag oiyak ahilag dabmettan autna aona, danab oolagppa doyak dabmak ena ele daanna oiyeg! Ag danab oolagppa, ag danab doyak dabmak ena iitta ele aib daappig, amubia aib oippig.

Duteronomi 4:15

Yawe Nug Horep qaukoppa, aab dittiak ooppa dayaya, ag nai mattom am, ag beɗu ii anidppig amunu, ag dabmeig!

Duteronomi 4:23

Yawe, ahilag Kayak, Nug he, ag Nug ele nug tituanna nai qagappig, amu ag dottog laa, iɗu attenppa, Yawe, ahilag Kayak, Nug ag amu haknu aib aum amu, ag amu laa hemananu ag nug tituana nai qakkak nai amu aib daulag atiom. Iitta! Ag daulagppa dayaɗ!

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

Jems 5:19

O lailad, ag lailag laa ag oolagppanu nug doyak diig genabib dimetta oiyebeb, laa nug eɗua eeɗeb dokku dayeb, ⌊eɗua eeɗeb doaknu kobol, amuam enanag⌋.

2 Jon 1:8

Amu ag tamaniak ooppa daatteb ele, ag Kayaknu keeke aoglagnu uɗat heppig, amu laa amu ag heppeg, keeke amu iitta memanu dabmeig! Ag geha nob ena oh aoglagnu heig!