Luk 17:12 - Nobonob Baibel

¹² aab laappa teete amu, danab eblaih tanig ele, ag gaɗa oɗe nau ele, ag ibppa anidppig. Ag uma piɗe uppa hippaidna daanna,

Luk 17:12 ပူးပေါင်းရင်းမြစ်များ

2 King 5:27

Na Namannu men doɗo keeke laala ele aome amunu, Naman beɗuppa gaɗa oɗe nau ele dayom amu, gemu eɗua na beɗunppa ba, geha huu nahip dimppa bekkulag ag ele hanhan oɗe amu aoglag,” awa aum. Nug anam a, Gehasi nug Elisa uuitte, gaɗa oɗe nau amu nug beɗuppa ba, beɗu gaɗa amu hakkab eppa, sno bia dayom.

2 King 7:3

Haen amuppa Samaria aab okkainu aɗnu od okkai, od amu dimittim amu danab waɗele, ag gaɗa oɗe nau ele, ag appa daappig. Ag daanna, ag akka ahilagnu inam appig. “Aɗinu ig hamu inam daatta, mauhak haen ameg mettem?

Eksodas 4:7

Anam dayeye, am Yawe Nug baula aum. “Na eppen baula meppe, saket ooppa noaɗ!” awa aum. Yawe Nug anam a, aria Moses nug anam ha, haen nug eppeg eɗua awe amu, eppeg am ena, beɗu laa oh daatte bia dayom.

Namba 12:14

Anam unuqitte amu, Yawe, Moses amegppa aum. “Nug eheɗ heeb, mameg nug iɗuppa hunulo, amu nug deɗ eblaih aɗit ele da noolppa daakkunu elele iitta daalo. Na heppe, nug deɗ eblaih aɗit ele haen tutu dayaknu aab kalak dimittim dayeb ukkeb, dimppa nug eɗua uɗikku,” awa aum.

Luk 18:13

Nug anam aum, amge takis awak danab nug piɗe dayaya, dup noa, hab attan ii neekkom. Iitta. Nug eheɗnab doyom amunu, nug eppegppa momo qeutata, nug aum. ‘Kayak, da am hipunin danab amunu, na dahilnu oot gai-iitta doon oot meɗan ehaniɗkkutnu oɗ medattem,’ awa aum.”

Luk 5:12

Jesus Nug aab laappa oiyeye, danab laa gaɗa oɗe nau ambak ele, nug ele appa oiyom. Nug oiyaya, haen nug Jesus antta amu, nug Jesus noobppa laippun gateg qaun o, gomela, iɗu wanppa ma, unuqa aum. “Naɗi, na oot heeb, na heppe, oɗe dahil iitta mekkunu amu, na elele daattem,” awa aum.