Luk 16:23 - Nobonob Baibel

²³ Nug mauhe, nug ukka, Hadesppa guittak naɗi ele dayom. Anam dayaya, nug neekke attan ukke, Abraham umanab dayeye, Lasarus nug ele daaeheh anatom.

Luk 16:23 ပူးပေါင်းရင်းမြစ်များ

Sam 16:10

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na nug ii uuidmana amunu, Nug beɗu ii nauhma.

Sam 49:15

Amge dahilnu amu, Kayak Nug moɗppa niiaknu qagaiettakppanu eɗua uhuqak ha meɗeb, da mauhak eppegppa ii daapa. Aɗinu? Nug heeb, da Nug eppegppa daakkul. Sila.

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Sam 9:17

Am nau hak danab ag Kayak ele ii daamna. Iitta! Ag mamak abenppa daaglag. Ao, wan imuppan wan ohppan danab ah ag Kayaknu daulag atitte ele amu, ag ahilagppa anam bekku.

Prowerb 15:24

Danab doyak dabmak ena ele dilagnu amu, ahilagnu bau dayak ib am taata gotte; ag mauhak abenppa nomananu anam hette.

Prowerb 5:5

Ah amu nug mauhak ibuppa aakku daatte. Ao, ah amu, nug ippu am moɗ agappanab gotte.

Prowerb 7:27

Nug laug am mauhak moɗppa ukkaknu ib. Ao, amuam ib, danab nug amuppa ukka, nug mauhkku.

Prowerb 9:18

Nug anam ⌊hambuppualatta⌋ atte amunu, laa ag nug nai mattie dootteb ele, ag laa, ag nug aɗi maditte, ag amu dim lamidna hena mauhtteb, ag amu dab-ii-mettanna mauhtteb. Ao, laa ag nuhigppa watteb, ag mauheg, boumadtteb.

Aisaia 14:15

⌊Na anam ame⌋, amge laa nug he, na mauhak danab appalagppa uɗime. Na uɗina amu, na mauhak danab dilag aab batakppanab daattem.

Aisaia 14:9

⌊O Babilon dilag king,⌋ danab mauhna gona, nami aabppa daatteb amu, ag na ele nug uɗa tekkulagnu ahan, muttub qetteb. Mauhak danab appalag am ⌊danab hette bia haaha⌋, mauhak aɗi ag na humidkkulagnu, nug danab mauhppig dottolkad maɗatte, na anidkkulagnu aakku daatteb. Ameg amu, haen ag wanppa bau daanna, ag wanppan danab okkai daappig. Ge, mauhak danab appalag ⌊danab hette bia haaha⌋, danab mauhppig dottolkad, ahilag sia kingppanu ahaglagnu maɗatte, ag na anidkkulagnu aakku daatteb. Ameg amu ag anukka ii mauhppig daanna, ag wanppan king daappig.

Matyu 11:23

Aria aab Kaperneam, na onin okkai, laa oh eɗattak aokkutte? Iitta! Na padal mekkut. Danab laa nug Sodom dilagppa kobol danab hekkunu elele iitta da ahilagppa hemi amubia helo amu, Sodom ag gemu daalob.

Matyu 18:9

Amubia na amen nug he, na hipunin hettem dayeb, na amen laih kehan, maoppe ukkaɗ! Na amen laihigib ele daanna, na bauklel aokkut amuam ena. Amge na amen aɗit oh ele daakkut, ag na mawidppeg, padal mak aben aab aɗ eleppa gokkut, amuam ena iitta,” awa aum.

Matyu 23:33

Ag danab nau, mat nau bia! Kayak Nug ag hettoɗiakppa maatteb, ag padal mekkulag. Ag attem hena amu ii anidmana?

Matyu 5:22

Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

Matyu 5:29

Amunu na amen naɗiap he, na hipunin hettem dayeb amu, na amen kehan, maoppe ukkaɗ! Na beɗun laih iitta ele dayebeb, ag na padal mak abenppa ii meidppeg am ena. Na beɗun oh ena dayebeb, padal mak abenppa gokkut am ena iitta.

Matyu 8:29

Aa uɗiya, huanak eya apiɗ. “Kayak Bekka, na ihinihppa attem hekkutnu hettem? Guittak haen ihinih ii uɗiom, amge na paha guittak nau metakkutnute uɗime?” eya apiɗ.

Luk 16:24

Anata amu enub danab nug ewa aum. ‘Mame Abraham, na dahilnu oot gai-iitta doon oot meɗan ehaniɗna heppe, Lasarus nug uɗia, nug eppeg hiqal nob nakok leppa ma, lemaɗulppa meeb, oug nakok maɗ! Aɗinu? Da aab gakkaɗak imuppa guittak naunab doottemde,’ awa aum.

Luk 16:28

Aɗinu? Da amalad tanig ele, amu ag ele aben guittak naɗi imuppa uɗimnanu, Lasarus nug nau aomnanu dabmettak nai ab ag dooglagnu ool daatte,’ awa aum.

Luk 8:28

Danab amu nug Jesus antta ewa, wanppa Jesus baegppa na qe, Jesus Nug ouɗi nau danab amuppa dayom ele, Nug nug amegppa, “Danab amu uuidna ukke!” awa aum. Nug anam aum amunu danab amu nug baag okkainab ele ewa aum. “Jesus, na Kayak Attannab Laa Oh Eɗattak bekka. Na da attem heiɗkkutnu hettem? Na da guittak nau ii meɗamnanu oo doyak ele oɗ medattem!” awa eum. Haen kuɗum ouɗi nau nug danab amu aɗeɗe, danab ag nug gumanna, eppeg, baeg ele senppa qagttappig, amge nug sen pakkua awe, ouɗi nau nug nug awa aɗe, laih atu taɗakppa gottom.

1 Korint 15:55

Mauhak, na laa eɗattaknu nahip ɠagattag adeppa daatte? Mauhak, na laa aqappe mauhkkulagnu nahip ban aeg amu adeppa daatte?”

2 Pita 2:4

Kayak Nug engel hipunin heppig ele amu he, ag iite padal meppig? Yo, Nug geɗatta he, aben eheɗppa noppig. Nug aben gatatu ele amuppa qakkalattom daatteb. Amu ag epeɗiak haen ameg men daatteb.

Revelesen 20:10

Amu ouɗi nau danab amu buppualattom ele, amuam Satan, ag nug aab ameg kalu laa huana eotte onig salpa eotteppa buɗieg, propet hambuppuak, doɗ dakkuɗ ele daattep-ppa noum. Ag hanhannab tuqan amun ele guittak nau doonna daaglag.