Luk 16:11 - Nobonob Baibel

¹¹ Am anamib ag enub, men doɗo, wan imunu ag amu ena dabmettaglagnu oo metta ii uuak kobolppa dab-ii-madatteb dayeb, geha aun nug ag keeke genab gumaglagnu uɗat madakku.

Luk 16:11 ပူးပေါင်းရင်းမြစ်များ

Matyu 6:24

Danab laippu nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat, amu enub uɗat ele oh hekkulagnu elele iitta.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Luk 16:12

Am ag danab laanu keeke atognokkulagnu oo metta ii uuak kobolppa ii dabmettaglag dayeb, am geha aun nug ag keeke akka ahilagnab dayebeb atognokkulagnu madakku?

Luk 16:9

Jesus Nug anam ana, Nug baula aum. “Amunu da ag amelagppa attem. Ag wan imunu enub, men doɗo, ag amuppa ehanittak heig! Am dimppa men doɗo iitta meeb, aria ag lailkad ag ag ele laippu dayaknu oolagppa eleleib doon omaladppeg, ag hanhan dayaknu laulagppa gona daaglag.

Luk 18:22

Nug anam a, Jesus Nug nai amu doya, amegppa aum. “Keeke laippu amuppaib na elele iitta. Na gona, na enun oh meppe, danab laala ag daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona, na eɗun dona, da dim lamiɗe!” awa aum.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Revelesen 3:18

Anam amunu, da ulum mettak nai imu na medattem. Na enun ele daakkutnu, na gol babaitta epeɗia awak dahilppanu daden mena, na bam iittanu uɗa nak doomnanu, na lamen hakkab ele dahilppanu daden mena, aria, na neegna keeke anidkkutnu, na marasin na amenppa mekkutnu ele dahilppanu daden me!