Luk 15:5 - Nobonob Baibel

⁵ Haen nug mattia antta amu, aria nug maɗoɗppan gamag ahak doya, huma awa, mawa gokku.

Luk 15:5 ပူးပေါင်းရင်းမြစ်များ

Aisaia 62:12

Amu laa ag nuhikkud danab ah dilagnu, “Danab ah Yawenu oppiaawak ele,” akkulag. Ag, “Danab ah umu amu, Yawe Nug ag hipuninnu qagaiettakppanu eɗua uhuqak ha mattom,” akkulag. Ag Jerusalemnu, “Danab ah ag aab okkai amunu oolag hette,” anana, ag, “Aab okkai amu hamu dayom, amge gemu anam ii daatte. Danab ah ag eɗun, appa daatteb,” akkulag.

Aisaia 62:5

Amu danab bau laa nug ah makkun laa awa atognotte, amubia ag Juda danab ah ag wan ahilag atognokkulag. Yo, danab nug ah awa, oo huana gamag ahatte, amubia Kayak ahilag Nug ahilagnu oo enanag daakku.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Esekiel 18:23

Da nau hak danab laa nug mauha, padal mekkunu amu, da amunu ool iinab daatte. Da nau hak danab ag oolag eɗueb, kobol tutukku dim lamidna, bau daaglag, da amunu ool daatte.” Naɗi Yawe Nug anam awa atte.

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Maika 5:4

Amu laa Israel gumadkku Nug hibaitta, nuhikkud danab ah, sipsip gumak danab sipsip nuhikkud gumadtte, amubia nuhikkud danab ah gumadkku. Nug Yawenu ɠagattagppa nuhikkud danab ah gumadkku. Ao, Yawe, Nug dagom onig ɠagattag okkai ele, Nug am laa Israel gumadkkunu Kayak; amu laa Israel gumadkku amu, Nug Yawe onigppa nuhikkud danab ah gumadkku. Nug ag gumadkku amunu, ag ena, baɗak iitta eleppa daaglag. Aɗinu? Haen amuppa Nug onig, ɠagattag elenu nai am aha ukkeb, wan ohppa gokku.

Maika 7:18

O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.

Sepanaia 3:17

Yawe, ahilag Kayak, Nug ag oolagppa daatte; Nug am ban danab ɠagattag, Nug hanhan nuhikkud ehanatte, ag kekeɗ eɗadtteb. Yawe Nug ahilagnu enanagnab dookku. Nug ahilagnu oo mauhtte, amu amuppa ag maɗoɗ aoglag. Ge, Nug ahilagnu oo gamag ahebeb, ahi edakku,” aon akkulag.

Luk 15:32

amge gemu amu ig gamag ahak doopput, ig oonig ele ena daakkunu elele. Aɗinu? Na amap imu nug mauhom, amge gemu nug eɗua bau daatte. Nug qettoɗom, amge ig nug eɗut anidttem,’ awa aum.” Jesus Nug nai amu mattiom.

Luk 15:4

“Ag oolagppanu danab laa nug sipsip 100 ele dayeb, amge nug nuhig sipsip laippu nug qettoɗeb, aria geha sipsip mameg nug 99 laa amu uuatteb, ag aben laappa daabppeg, nug ukka sipsip laippu amu iite mattia mattia anidkku?

Luk 15:6

Nug mawa ukka, laugppa ta amu, nug laikkud am nuhig mudippan ele ag onilagppa eeb, ag uɗin qagmeppeg, nug amelagppa, ‘Da dahil sipsip laippu imu nug qettoɗom, amge da nug mattien eɗuen aomi amunu, da ag ele ig oh maɗoɗppan gamag ahak dootu!’ awa akku.

Luk 19:9

Anam a, Jesus Nug Sakius amegppa aum. “Gemu Kayak Nug na, nahipad ele eɗua diiattom. Aɗinu? Na am Abraham bekka genab,” awa aum.

Luk 23:43

Nug anam a amu Jesus Nug amegppa aum. “Da genabnab na amenppa attem. Gemu na da ele i oh Paradisppa daagnih,” awa aum.

Jon 15:11

Da maɗoɗppan gamag ahak dahil ahilagppa daakkunu nai imu mattimi. Amuppa ahilag maɗoɗppan gamag ahak ag oolagppa ambaknab daakku.

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Epesus 3:7

Kayak Nug nuhig ɠagattagppa nuhig ehanittak okkai hamu mettak meɗa, da Nai Ena imu mehuqkkulnu nuhig maɗi nid meiɗom daattem.

1 Tesalonaika 1:5

Aɗinu? Nai Ena ig ahilagppa aot gomut ele, ig nai aakkuib aot ii gomut. Iitta. Ig Kayaknu ɠagattagppa uɗat heut, Kayak Ouɗi ele Nug he, ag oolagppa genab doona, Kayak ag eɗua diiom ele genab dooppig. Ig ele ag ehanadkkunignu ag oolagppa attem bia oiutut, ag anigna dooppig.

2 Timoti 2:26

Anukka Satan danab amu ag nug dim lamidkkulagnu nuhig aɗppa maattom, amge Kayak Nug heeb, ag oolag eɗueb, ag nai genab doona, ag kobol ena ele doona amu, ag baula nuhig aɗppa ii daamna.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

1 Pita 1:5

Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.