Luk 15:13 - Nobonob Baibel

¹³ Nug aa mate aoeh, haen elab iitta amu bekka gehanu nug aha, nuhig keeke am oh akka qagma awa, wan laappa umanab ukkom. Nug nukka appa wan amuppa dayaya, am nuhig men doɗo amu enaen mak kobolppa oh akke ukkom.

Luk 15:13 ပူးပေါင်းရင်းမြစ်များ

Sam 73:27

O Kayak, laa ag gukkuidna ii daatteb amu, ag padal mekkulag. Ao, laa ag na ippuanattomnu oo metta ii uuak kobol ii dim lamidtteb amu, na hadappe, ag nauhkkulag

Prowerb 18:9

Am laa nug nuhig uɗat mauhnoak, pehettak ii hette amu; nug am laa, nug keeke he nauhtte, nug nid amu amag bia aakku daatte.

Prowerb 21:17

Aun laa nug oo hak nuhignu anuqak dootte, nug daɗek daakku. Ao, aun nug wain, ee ittag elenu oo huana hette, nug enub ele ii daama.

Prowerb 21:20

Danab doyak dabmak ena ele, ag ee ena keeke ag laulagppa meeg daatte; amge danab nug Kayak dab-ii-maama ii dim lamidtte ele, nug ee keeke nug aotte ele, nug paha he iitta mette.

Prowerb 27:8

Danab nug appag diig uua, yawaia oitte; nug am ai laa teɗ uuitta, aha hagagɗa mauhnoak oitte, nug amubia daatte.

Prowerb 28:7

Nid nug Kayaknu ɗo doya, dim lamidtte, nug am doyak dabmak ena ele aɗatte; amge nid nug laa ag oolagppa dubuttid huanak ele, nug ag ele layam daatteb, nug mameg uɗa nak nau guittak ele medatte.

Prowerb 29:3

Danab nug doyak dabmak ena elenu oo mauhtte amu, nug mameg oo gamag ahak medatte; amge laa nug ib baag ah ele oitteb, nug nuhig en kakidtte.

Prowerb 6:26

Aɗinu? Na ib baag ah ele niiglah dayeb, Kayaknu neekkakppa am ena iitta, me na amu hekkut dayeb, na bret kunum laippuib amu haknu ah amu medakkut, amge, na ah ewau pakkua gappai hette ele niiglah dayeb amu, na mauhkkutnu oittem.

Aisaia 1:4

O gadon! Israel danab ah ag hipunin danab ah daatteb. Ag beɗulagppa aab okkainab ele. Israel anilkad mamelkad ele, ag nau hak danab ah. Kobol diig ena iitta uɗig wak ele Israel beɗulagppa ambeum daatte. Ag Yawe uuidppig oitteb. Ag Yawe, Nug am Israel, ahilag Kayak Oppiaawak Ele amu, ag nuhignu uuaknab doon oitteb. Ag Nug dimettan autna aoppig oitteb.

Aisaia 22:13

Amge antteg! Ag oo doyak kobol amu ii hemana. Iitta! Ag oo gamag ahak doon, ahi goɗak, hobul ee naɗi hena, sipsip aqan, makau baalag otaɗadnana, henan lanana, ag wain ele lakkulag. Lanana ag akkulag. “Doppeg, haen elab iitta ig mauhkkunig amunu, ig ee le ele aot latu!,” akkulag.

Aisaia 30:11

Ag propet ag hetteb ele, ag amu baula aib heppig! Ib ag dim lamidtteb ele, ag ib amu uun, laa aweg! Ag Israel dilag Kayak Oppiaawak Ele baula aib ippunigppig!” aon atteb.

Aisaia 56:12

Ag akka akka nug amegppa mattin atteb. “Ahappeg! Ig gota, wain aotu! Ao, ig gota, bia aot lapput ukkeb, oonig didikku. Ig amu hetata oipput, butti am ele deɗ ena, gemu bia daakku, amge gemu bianab ii daama. Iitta! Buttinu oo gamag ahak am gemunu eɗidkku,” aon atteb.

Jeremaia 2:13

Aɗinu? Danab ah dahilad, ag hipunin ib aɗit iikku heppig. Laa ag da, da am le bauklel diig amu, ag da uuiɗna, piɗe wana oitteb. Aria, laa amu, ag akka ag le aoglagnu wan moɗ buuppig. Ag amuppa le aoglagnu simen aɗappig, amge simen am aoɗom, le moɗ amuppa le daakkunu elele iitta.

Jeremaia 2:31

Amu ag Israel ag gemu daatteb, ag dahil nai imu doon dabmetteg! Atu taɗakppa, danab nug appa ehanittak keeke nakok laa aokkunu elele iitta, da ahilagnu anam daamite? Ao, atu laa, gatatu manak ele, appa keeke kuɗum danab heppeg nauhkkunu daatteb amu, da ahilagppa anam laa daamite? Da amubia laa ii daami amunu, aɗinu ag, ‘Ig Yawe uut, Nug baula ii dim lamidmata,’ atteb?

Jeremaia 2:5

Yawe Nug inam atte. “Ag mamelkad aɗi ag da Yawe, ag dahilnu eheɗ aɗi laa anidppig amunu ag da uuiɗna, umanab goppig. Ag kayak hambuppuak, danab ah ehanadkkulagnu elele iitta, ag dottolkad amu dilag dabmena dim lamidnana, ag ele hambuppuak bena, aɗi keeke genab laa hekkulagnu elele iitta daappig.

Maika 6:3

⌊Amu Yawe Nug atte.⌋ “O danab ah dahilad, da ahilagnu aɗi eheɗ laa hemi? Da kobol eheɗ laa aɗi hei, ag bahilag yom? Ag oɗmak amunu nob mena meɗeg!

Luk 15:12

Amu nid gehanu nug aha, mameg amegppa aum. ‘Mame, keeke oh na geha da awai ele i ihinih aognihnu otikkut amu, otiak dahil aokkulnu na gemu da meɗe!’ awa aum. Aria, mamelah nug nuhig keeke oh bekoɗ aoglahnu otia mate aopiɗ.

Luk 15:14

Amu nug nuhig keeke oh akke ukka male, dimppa wan amuppa enug haen naɗi beum, ge nug keeke laa iitta.

Luk 15:30

Amge nid nahip amu, nug ib baag ah ele oinna, nahip keeke oh akke ukkom ele amu, haen nug eɗua uɗie, na gamag ahak haknu na makau nag ittag ele aakku qeme,’ awa aum.

Luk 16:1

Aria, Jesus Nug nuhikkud ippunittak awak danab amelagppa mattia aum. “Enub danab laa nug dayaya, nug maɗi nid laa nuhig keeke oh gumakkunu tituane dayom. Am danab laa ag enub danab amu gumidna uɗin, uɗat gumak danab nuhig amu beɗuppa nai inam yaan appig. ‘Nahip uɗat gumak danab nug nahip keeke hamu kakidtte,’ aon appig.

Luk 16:19

Jesus Nug ele aum. “Anukka enub danab laa dayom, am nug hanhan beɗuppa lamen perpel, aria linen lamen hakkab eleib mettom. Am nug hanhan ee ena enaib lattom.

Epesus 2:13

Amge gemu ag Kristus Jesusnu daatteb. Ag tatam uma daappig, amge Kayak Nug Kristus tiigppa ag omalatte, Nug gumidna uɗippig.

Epesus 2:17

Nug aakkuib uɗia, ameg laa uma daappig, ameg laa miag daappig ele amu, Nug ag oh ag oolag laippu maɗoɗppa daaglagnu aum.

2 Pita 2:13

Ag am eheɗ heppig amunu, ag nob eheɗ aoglag. Amu ag amunppa miag atiakppa kobol nau ohnu mauhnoak hekkulagnu oolag ahak ele oitteb. Danab nau amu ag hobul, ag Kristen hetteb ele amu, hobul amuppa wana, oo gamag ahak nau ele ag oolagppa daatteb. Ag anam daanna amu, ag am gaɗanigppa ah lanak o gakanenig daatte, amubia daanna, ag oolagppa ee lanan daatteb.