Luk 15:10 - Nobonob Baibel

¹⁰ Amunu da ag amelagppa attem. Amubia am hipunin danab laippu laa nug oo eɗutte dayeb amu, Kayaknu engel ag maɗoɗppan gamag ahak dootte,” awa aum.

Luk 15:10 ပူးပေါင်းရင်းမြစ်များ

Esekiel 18:23

Da nau hak danab laa nug mauha, padal mekkunu amu, da amunu ool iinab daatte. Da nau hak danab ag oolag eɗueb, kobol tutukku dim lamidna, bau daaglag, da amunu ool daatte.” Naɗi Yawe Nug anam awa atte.

Esekiel 18:32

Da aɗinu anam oɗ madattem? Da laa mauhkkunu gamag ahak laa ii doottem. Ag oolag eɗun, bau ena dayeg!” Naɗi Yawe Nug anam awa atte.

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Matyu 10:32

Danab laa nug dahilnu daatte danab ah amelagppa akku dayeb amu, geha da, da ele danab amunu, ‘Nug dahilnu daatte,’ hab aabppa da Mamel amegppa akkul.

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Matyu 18:14

Anam amu, da Mamel, hab attan daatte amu, Nug nid nakok laa padal mekkunu oo ii daatte.

Luk 12:8

Am da ag amelagppa attem. Danab laa nug dahilnu daatte danab ah amelagppa akku dayeb amu, geha Danab Bekkalag da, da ele danab amunu, ‘Nug dahilnu daatte,’ Kayaknu engel amelagppa akkul.

Luk 12:9

Amge danab nug danab ah noolagppa da dimeɗatte, am geha da ele Kayaknu engel noolagppa danab amu dimedakkul.

Luk 13:5

Da tutukku ag amelagppa attem, amu iitta. Amunu ag dabmeig! Ag oolag ii eɗueb amu, ag ele laa mauhppig bia mauhkkulag,” awa aum.

Luk 15:11

Jesus Nug anam awowa, Nug baula mattiom. “Danab laa bekoɗ aɗit.

Luk 15:7

Amunu da ag amelagppa attem, amubia hab aabppa ag genab tutukku hak danab 99, oo eɗuak maɗi ahilag am heppig, ag amu dilagnu maɗoɗppan gamag ahak dootteb, amge hipunin danab laippu laa nug oo eɗueb, haen amuppa am maɗoɗppan gamag ahak naɗinab hab aabppa daakku.

Luk 15:9

Antta awowa amu, aria geha nug laikkud am mudippan ele onilagppa eeb ag uɗin qagmeppeg, nug ag amelagppa, ‘Silwa men doɗo dahil laippu qettoɗom, amge da mattie eɗuen aomi amunu, da ag ele ig oh maɗoɗppan gamag ahak dootu,’ awa akku.

Luk 7:47

Amunu da na amenppa attem. Nug hipunin kuɗum heum amu, nug amunu uhuqak awom daatte amunu, Nug dahilnu oo huanak mauhtte. Amge danab nug hipunin nakok ha, hipunin uhuqa mettak aotte amu, nug oo mauhak nakokib dootte,” awa aum.

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Aposel 5:19

amge tuqan amuppa Naɗinu engel nug maniguittak lag od matula he dimittim doeg, nug amelagppa aum.

2 Korint 7:10

Ooppa guittak doyak, Kayak Nug he bette amu, oo guittak doyak amuam he, ig danab aakku oonig eɗutte. Kobol amuppa Kayak Nug ig eɗua awigtte. Danab amunu am eheɗ laa ii dooma, amge ooppa guittak doyak, wannu kobolppa bette ele amu, ooppa guittak doyak amuam he, mauhak bette.

Pilemon 1:15

Nug haen tutu na uuittom amunu, geha na nug eɗun aoppe, nug hanhan na ele daaglah, amunutai Kayak Nug matu nuhig oolaknu ib ii oo neum.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.