Luk 14:7 - Nobonob Baibel

⁷ Aria, haen Jesus Nug danab ag hobulppa uɗippig, Nug ag balalppa daaglagnu ag balal anuqak tituanattegeg anatta, Nug keeke danab ag dootteb ii dootteb ele ouaqata ippuanatta, nai mattiaya amelagppa aum.

Luk 14:7 ပူးပေါင်းရင်းမြစ်များ

Prowerb 25:7

Aɗinu? King nug nukka na amenppa, “Lai, na gukkuiɗna uɗippe, da ele daagnih,” akku, amuam ena; amge king nug anuqak danab laa noobppa na onin qeeb neeb, na uɗan nekku, amuam ena iitta.

Prowerb 8:1

⌊Ah doyak ele nug danab ah dooglagnu baag eleleppa nai maditte, amubia⌋ Doyak Dabmak Ena Ele nug nai ette. Ao, ⌊ah doyak ele nug danab ah dooglagnu baag eleleppa nai maditte, amubia⌋ Diignu Doyak Tutukku nug nai ette.

Esekiel 17:2

“Danab bekka, na keeke danab ag dootteb ii dootteb ele ouaqata ippunittak nai imu, am dottognu naippa keeke ippunigtte amu, na nai imu Israel danab ah amelagppa anan,

Matyu 13:34

Nai imu oh am Jesus Nug keeke danab ag dootteb ii dootteb ele ouaqata ippuanatta, danab ah kuɗum appa daappig amelagppa mattiom. Nug nai diig laappa ii mattiom.

Matyu 23:6

Ag hobul haenppa, nai doyak lakka ele aben anuqakppa daaglagnu, oolag mauhtte,

Luk 11:43

O gadonnab gadon ɗo gumak danab-Parasia, ag dabmeig! Ag nai doyak lakka aben anuqakppa daaglagnu, ee oɗiak abenppa danab ah ag humadkkulagnu oolag mauhtte.

Luk 20:46

“Ɗo mehuqak danab ag lamen elab enanag ele takkan, danab ah noolagppa oiglagnu oolag he, ee oɗiak abenppa danab ah ag humadkkulagnu, ag nai doyak lakka, hobul haenppa ele ag aben anuqakppa daaglagnu oolag mauhtte, amge ag dahilad amu, ag ahilag kobol amubia hemananu dabmeig!

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

3 Jon 1:9

Da nai laa yen Kristen tamaniak mettami, amge Diotrepes, nug nukka keeke ohnu beɗu hume anuqtte, nug da oɗel dab-ii-medatte.

Ikki Danab 14:12

Danab 30 ag anam daaegeg amu, Samson nug ag amelagppa aum “Ooe, da oɗmak laa, nuhig nob am unuqagnab daatte ele amu, da nai amu appi doyeg! Am ag nai, nuhig nob unuqagnab daatte ele, ag nai amu hobul imu deɗ eblaih aɗit ele daakku, ag haen amu ooppa diig doon mehuqna akkulag dayeb amu, da geha ag linen lamen 30 matten, amu da lamen ag hanhan metteb ele, da lamen amu 30 baula ele madakkul.